BMC Election 2022 Sankalp Colony Ward 41 : अपक्ष असूनही सब पे भारी, मुंबई महापालिकेच्या वॉर्ड क्रमांक 41मध्ये तुळशीराम शिंदे चमत्कार घडवणार?
BMC Election 2022 Sankalp Colony Ward 41 : मागच्या निवडणुकीत या मतदारसंघात एकूण 18 उमेदवार उभे होते. त्यात सहा अपक्ष होते. एमआयएमचा आणि संभाजी ब्रिगेडचा उमेदवारही होता. मात्र या सर्वांना धोबीपछाड करत तुळशीराम शिंदे यांनी विजय मिळवला होता.
मुंबई: 2017 मधील महापालिकेची (bmc) निवडणूक अनेक कारणांमुळे गाजली. त्यातलं महत्त्वाचं कारण म्हणजे बऱ्याच वर्षानंतर सर्वच राजकीय पक्ष स्वबळावर लढत होते. अगदी शिवसेना (shivsena) आणि भाजपनेही (bjp) ही निवडणूक स्वबळावर लढवली. त्यामुळे कुणाची किती ताकद आहे हे दिसून आलंच. शिवाय या निवडणुकीत सर्वाधिक चांदी झाली ती अपक्ष आणि इतर छोट्या पक्षांची. आजवर युती आणि आघाडी करून लढणारेच पक्ष सातत्याने विजयी होत होते. अशावेळी सर्वच राजकीय पक्ष वेगवेगळे लढल्याने अपक्षांचा फायदाच झाला. या निवडणुकीत अपक्ष उमेदवार तुळशीराम शिंदे यांनाही लॉटरी लागली. मतदारांनी सर्व प्रस्थापित पक्षांना मागे सारत शिंदे यांच्या पदरात मतदानाचं भरभरून दान केलं. त्यामुळे शिंदे निवडून आले. मात्र, निवडून आल्यानंतर त्यांनी शिवसेनेला महापौरपदासाठी पाठिंबा दिला होता. त्यामुळे अपक्षांच्या साथीने शिवसेनेने महापालिकेत महापौर बसवला होता.
नेमकं काय घडलं?
मागच्या निवडणुकीत या मतदारसंघात एकूण 18 उमेदवार उभे होते. त्यात सहा अपक्ष होते. एमआयएमचा आणि संभाजी ब्रिगेडचा उमेदवारही होता. मात्र या सर्वांना धोबीपछाड करत तुळशीराम शिंदे यांनी विजय मिळवला होता. त्यांनी शिवसेनेच्या सदाशिव पाटील यांचा पराभव केला होता. तब्बल दोन हजाराच्या मताधिक्याने त्यांनी विजय मिळवला होता.
महापालिका निवडणूक पक्षनिहाय निकाल 2017 (bmc election result 2017 winner, party wise)
| पक्ष | उमेदवार (Candidate) | विजयी/आघाडी (Win/Lead) |
|---|---|---|
| शिवसेना | सदाशिव पाटील | - |
| भाजप | अर्चना देसाई | - |
| काँग्रेस | जयकांत शुक्ला | - |
| राष्ट्रवादी | अन्वर पीर सय्यद | - |
| मनसे | अजय सावंत | - |
| अपक्ष / इतर | तुळशीराम शिंदे | तुळशीराम शिंदे |
लोकसंख्या किती?
या मतदारसंघात 57 हजार 495 मतदार आहेत. या मतदारसंघात अनुसूचित जातीची संख्या 2 हजार 879 तर, अनुसूचित जमातीची संख्या 409 एवढी आहे. या मतदारसंघात मागच्यावेळी केवळ 18 हजार 791 मतदारांनी मतदानात भाग घेतला होता.
लढले आणि जिंकले
- अर्चना देसाई (भाजप) – 2975
- सचिन घोलप (अपक्ष) – 131
- शामराव हिवाळे (भारिप)- 309
- दत्तात्रय कराडकर (संभाजी ब्रिगेड) – 34
- सचिन केळकर (अपक्ष) – 584
- रिजयान खान (बसपा) – 136
- रघुनाथ कोठारी (अपक्ष) – 746
- परेश मोरे (अपक्ष) – 58
- जुली पटेल (सपा) – 1055
- सदाशिव पाटील (शिवसेना) – 3869
- मंगेश पवार (बहुजन मुक्ती पार्टी) – 55
- अजय सावंत (मनसे) – 600
- अन्वर पीर सय्यद (राष्ट्रवादी) – 1858
- शेख अब्दुल वहाब फय्याज अली (एमआयएम) – 173
- नजीर शेखर (भारतवादी एकता पार्टी) – 23
- तुळशीराम शिंदे (अपक्ष) – 6217
- जयकांत शुक्ला (काँग्रेस) – 631
- यादव लालमणी (अपक्ष) – 83
- नोटा – 154
नागरी निवारा ते संकल्प कॉलनी
या मतदारसंघात नागरी निवारा, संतोष नगर, इंदिरा नगर डेव्हल्पमेंट इन्स्टिट्यूट, संकल्प कॉलनी आणि नॅशनल पार्क परिसर आदी नगरे येतात.
