राजधानी दिल्लीत विरोधकांची खलबतं, सोनिया गांधी, शरद पवार, संजय राऊत उपस्थित, उद्या पुन्हा चर्चा

सोनिया गांधी, शरद पवार, संजय राऊत यांच्यात आज पुन्हा बैठक

नवी दिल्ली : पश्चिम बंगालच्या मुख्यमंत्री आणि तृणमूल काँग्रेसच्या सर्वेसर्वा ममता बॅनर्जी (Mamata Banerjee) यांच्या मुंबई दौऱ्यानंतर संयुक्त पुरोगामी आघाडी अर्थात यूपीएच्या अस्तित्वावरुन जोरदार चर्चा झडायला सुरुवात झाली होती. त्यानंतर शिवसेना खासदार संजय राऊत (Sanjay Raut) यांनी काँग्रेस नेते राहुल गांधी (Rahul Gandhi) यांची भेट घेतली. या भेटीनंतर ममता बॅनर्जी यांचा काँग्रेस विरोध शिवसेनेला मान्य नसल्याचं राऊतांनी स्पष्ट केलं. या पार्श्वभूमीवर आज दिल्लीत अजून एक मोठी बैठक पार पडली.

काँग्रेस अध्यक्षा सोनिया गांधी यांच्या 10 जनपथवरील निवासस्थानी पार पडेलल्या या बैठकीला स्वत: सोनिया गांधी, राष्ट्रवादी काँग्रेसचे अध्यक्ष शरद पवार, नॅशनल कॉन्फरन्सचे फारुक अब्दुल्ला, कम्यूनिस्ट पक्षाचे नेते सीताराम येचूरी, शिवसेना खासदार संजय राऊत आदी उपस्थित होते. ममता बॅनर्जी यांनी मुंबई दौऱ्यात शरद पवार यांचीही भेट घेतली होती. त्यावेळी माध्यमांशी बोलताना बॅनर्जी यांनी पवारांसमोरच राहुल गांधी यांच्याव जोरदार टीका केली होती. तसंच यूपीए कुठे आहे? असा सवालही केला होता. बॅनर्जींच्या या बैठकीनंतर यूपीएबाबत प्रश्नचिन्ह निर्माण झालं होतं. त्यानंतर आज झालेल्या बैठकीला अधिक महत्व प्राप्त झालं आहे.

‘राजकीय स्वरुपाची बैठक असली तरी काही गोष्टी सांगता येत नाहीत’

दरम्यान, आजची बैठक ही पूर्वनियोजित होती. ही बैठक बंद दाराआड होती. राजकीय स्वरुपाची बैठक असली तरी अनेक गोष्टी अशा असतात ज्या सांगता येत नाहीत. पुढे काय करता येईल, काय रणनिती ठरवता येईल, याबाबत आम्ही बोललो. शिवसेनेच्या वतीनं मी उपस्थित होतो. खरं म्हणजे त्यांनी मुख्यमंत्री उद्धव ठाकरे यांना निमंत्रण दिलं होतं. उद्धवजींनी यावं असा त्यांचा आग्रह होता. पण उद्धवजी सध्या प्रवास करु शकत नाहीत, त्यामुळे त्यांनी मला जाण्यास सांगितलं होतं, अशी प्रतिक्रिया शरद पवार यांनी या बैठकीनंतर दिली आहे.

बुधवारी पुन्हा चर्चा

सोनिया गांधी, शरद पवार यांच्यासह अनेक दिग्गज नेत्यांच्या उपस्थित आज दिल्लीत बैठक पार पडली. त्यात राजकीय विषांवर चर्चा झाल्याची माहिती राऊत यांनी दिली आहे. दरम्यान, उद्या पुन्हा एकदा विरोधकांची बैठक होणार असल्याची माहिती मिळतेय. त्यामुळे भाजपविरोधात अधिक आक्रमक भूमिका घेण्याचा तयारीत यूपीए असल्याचं पाहायला मिळत आहे.

इतर बातम्या :

राजकारणातील परस्पर विरोधी चित्र; आधी फेटा बांधला, आता राम शिंदे, रोहित पवारांनी एकमेकांकडे पाहिलंही नाही!

स्वाधार शिष्यवृत्ती, वसतिगृह प्रवेश व परदेश शिष्यवृत्ती प्रक्रिया आता ऑनलाईन होणार, विद्यार्थ्यांना मोठा दिलासा