TMC Election 2022, Ward 15 : शिंदेंची ताकद तर शिवसेनेचं वर्चस्व पणाला लागणार; प्रभाग क्रमांक 15चे रागरंग काय?

शिंदेंची ताकद तर शिवसेनेचं वर्चस्व पणाला लागणार; प्रभाग क्रमांक 15चे रागरंग काय?

Image Credit source: tv9 marathi

ठाणे: शिवसेनेत (shivsena) मोठी फूट पडली आहे. ज्यांनी संपूर्ण ठाण्यात शिवसेना बांधली, ज्यांच्यामुळे ठाण्यात शिवसेनेने आपली पाळंमुळं घट्ट रोवली, त्या एकनाथ शिंदे यांनीच शिवसेनेत बंड केलं. शिंदे हे शिवसेना पक्षप्रमुख उद्धव ठाकरे (uddhav thackeray) यांच्यापासून वेगळे झाले. त्यानंतर शिंदे यांनी भाजपला पाठिंबा देऊन मुख्यमंत्रीपदही मिळवलं. शिंदेसोबत एखाद दोन अपवाद वगळता ठाण्यातील सर्वच नगरसेवक एकनाथ शिंदे यांच्या पाठीशी उभे आहेत. त्यामुळे यावेळच्या ठाण्याच्या महापालिका निवडणुकीत (TMC Election 2022) शिंदेंची ताकद तर शिवसेनेचं वर्चस्वपणाला लागणार आहे. म्हणूनच ही निवडणूक अत्यंत चुरशीची ठरणार आहे. शिवसेनेकडे नगरसेवक नाहीत. तर शिंदेंकडे नगरसेवक आहेत. आता शिवसैनिक कुणाच्या बाजूने जातात हे ही या निवडणुकीतून दिसून येणार आहे. तसेच ठाणे महापालिकेची निवडणूक एक प्रकारे शिंदे यांची परीक्षाच घेणारी ठरणार आहे.

मतदारसंघात उलटफेर

2017च्या महापालिका निवडणुकीत चार वॉर्डांचा एक प्रभाग होता. प्रभाग क्रमांक 15 अ मधून भाजपच्या सुवर्णा कांबळे विजयी झाल्या होत्या. ब मधून शिवसेनेचे एकनाथ भोईर विजयी झाले होते. क मधून भाजपच्या केवलादेवी रामनयन यादव आणि ड मधून भाजपचे विलास कांबळे विजयी झाले होते. सुवर्णा कांबळे या 2017मध्ये निवडून आल्या होत्या. पण 2018मध्ये त्यांचं नगरसेवकपद रद्द करण्यात आलं होतं. यावेळी तीन वॉर्डांचा एक प्रभाग आहे. शिवाय वॉर्डांची फेररचना झाली आहे. त्यामुळे या प्रभागात अनेक उलटफेर झाले आहेत. या प्रभागात नव्या विभागांचा समावेश झाला आहे. हा प्रभाग जुन्या प्रभाागासारखा राहिलेला नाही. त्यामुळे विद्यमान नगरसेवक याच प्रभाागतून लढतात की दुसऱ्या प्रभाागाची वाट धरतात हे पाहावं लागणार आहे.

प्रभाग 15 अ

आरक्षण पडले

प्रभाग क्रमांक 15 अमध्ये अनुसूचित जाती महिला, ब हा वॉर्ड सर्वसाधारण महिला आणि क हा वॉर्ड खुला झाला आहे. त्यामुळे या वॉर्डातून उमेदवारी मिळवण्यासाठी अनेकांनी गुडघ्याला बाशिंग बांधलं आहे.

प्रभाग 15 ब

मतदार ठरवणार झेंडा कुणाचा?

प्रभाग क्रमांक 15 मध्ये 35 हजार 993 इतकी आहे. त्यात अनुसूचित जातीची लोकसंख्या 4200 इतकी आहे. तर अनुसूचित जमातीच लोकसंख्या 482 एवढी आहे. त्यामुळे या मतदारसंघातील मतदार कुणाला कौल देणार याकडे सर्वांचं लक्ष लागलं आहे.

प्रभाग 15 क

कोणत्या कोणत्या एरियाचा समावेश

प्रभाग क्रमांक 15मध्ये अंबिका नगर, ज्ञानेश्वर नगर, विम्बल्डन पार्क, हनुमान नगर, शिवशक्ती नगर, यशोधन सर्कल आदी परिसर या विभागात येतात.