कष्टाची कमाई क्षणार्धात वाया जातेय? ‘या’ दिवशी चुकूनही करू नका पैशांचे व्यवहार
तुमच्या कुंडलीतील ग्रह-नक्षत्रांची स्थिती अनुकूल नसल्यास गुंतवणुकीत केलेला पैसा वाया जाऊ शकतो. अनेकदा कष्टाचे पैसे क्षणार्धात वाया जातात किंवा खर्च होतात.
जर तुम्ही तुमचे कष्टाचे पैसे (Money) कुठेतरी गुंतवणार (Investment) असाल तर सर्वप्रथम ग्रह-नक्षत्रांची स्थिती समजून घ्या. त्यानंतर कुठे पैसे गुंतवायचे याचा विचार करा. तुमच्या कुंडलीतील ग्रह-नक्षत्रांची स्थिती अनुकूल नसल्यास गुंतवणुकीत केलेला पैसा वाया जाऊ शकतो. अनेकदा कष्टाचे पैसे क्षणार्धात वाया जातात किंवा खर्च होतात. आजकाल प्रत्येक माणूस आपल्या सुरक्षित भविष्यासाठी पैसे गुंतवतो. गुंतवणुकीसाठी शेअर बाजार, म्युच्युअल फंड (Mutual Fund), आयुर्विमा, सोने, चांदी किंवा मालमत्ता असे अनेक पर्याय उपलब्ध आहेत. या पर्यायांमध्ये लोक दीर्घकाळ पैसे गुंतवू शकतात. भविष्यात यातून चांगला परतावा मिळेल या आशेने ते पैसे गुंतवतात. पण अनेकदा हवा तसा परतावा मिळत नाही.
काही लोक गुंतवणूक करून रातोरात कोट्यधीश बनतात, तर काही लोकांना चांगला परतावाच मिळत नाही. तर काहींना मोठे नुकसानही सहन करावे लागते. अशा परिस्थितीत माणूस विचार करतो की आपली कुठे चूक झाली. अशा अनेक प्रश्नांची उत्तरे ज्योतिषात दडलेली आहेत. ज्योतिष शास्त्रानुसार गुंतवणूक, कर्ज घेणे किंवा परतफेड करण्याची एक निश्चित वेळ असते. ही वेळ नक्षत्र आणि सूर्य संक्रांतीच्या आधारे ठरवली जाते.
ज्योतिष शास्त्रानुसार स्वाती, पुनर्वसु, मृगाशिरा, रेवती, चित्रा, अनुराधा, विशाखा, पुष्य, श्रवण, धनिष्ठा, शतभिषा आणि अश्विनी अशा 12 नक्षत्रांमध्ये चर संज्ञक लग्न मेष, कर्क, तूळ आणि मकर राशीत 9, 5 आणि 8 स्थाने शुद्ध असले की पैशांची देवाणघेवाण करणे, गुंतवणूक करणे, बँकेत पैसे जमा करणे किंवा विमा काढणे फायदेशीर ठरते. शक्यतो बुधवारच्या दिवशी पैशांचा व्यवहार टाळावा. या दिवशी पैशाची बचत करणे किंवा पैसे जमा करणे सर्वोत्तम मानले जाते.
हस्त नक्षत्र आणि वृद्धी योगात सूर्य संक्रांतीच्या दिवशी घेतलेले कर्ज फेडणे कधीच शक्य होत नाही. अशा वेळी घेतलेल्या कर्जाचे ओझे पिढ्यानपिढ्या पुढे जात राहते. मंगळवारी कोणत्याही अटीवर कर्ज घेऊ नका. मंगळवारी घेतलेल्या कर्जाचा बोजा बराच काळ कायम आहे.
