Holi 2022 | तुम्हाला माहित आहे जगभरात होळीचा सण कसा साजरा केला जातो ? जाणून घ्या रंजक माहिती
होळी हा हिंदू धर्मातील प्रमुख सणांपैकी एक आहे. होळीच्या सणाला होलिका दहनानंतर रंगांची होळी खेळली जाते. हा रंगांचा सण ब्रज प्रदेशातून सुरू झाला होता, परंतु आज ही होळी भारतातील सर्व राज्यांमध्ये थाटामाटात खेळली जाते.
मुंबई : होळी (Holi)हा हिंदू धर्मातील प्रमुख सणांपैकी एक आहे. होळीच्या सणाला होलिका (Holika) दहनानंतर रंगांची होळी खेळली जाते. हा रंगांचा सण ब्रज प्रदेशातून सुरू झाला होता, परंतु आज ही होळी भारतातील सर्व राज्यांमध्ये थाटामाटात खेळली जाते. होळीच्या दिवशी घरोघरी लोक आनंदाच्या रंगात रंगलेले दिसतात. पण तुम्हाला माहिती आहे का की होळी केवळ भारतातील सर्व राज्यांमध्येच खेळली जात नाही, तर इतर अनेक देशांमध्येही खेळली जाते. पण त्यांची वेळ आणि खेळण्याची शैली थोडी वेगळी असू शकते. यावेळी 18 मार्च रोजी भारतात रंगांची होळी खेळली जाणार आहे.यावेळी होळी 18 मार्चला आहे. दुसरीकडे 17 मार्चला होलिका दहन होणार आहे. हा दिवस अतिशय शुभ मानला जातो. या दिवशी लोक विधिपूर्वक पूजा करतात. असे केल्याने सर्व समस्या दूर होतात असे मानले जाते. प्रत्येक कामात यश मिळते अशी मान्यता आहे. चला तर मग जाणून घेऊयात इतर देशांमध्ये होळीचा सण कसा सजरा केला जातो.
नेपाळ
नेपाळ हा भारताला लागून असलेला देश आहे. भारतातील सर्व सणांची झलकही या देशात पाहायला मिळते. येथे होळीचा सणही साजरा केला जातो. वाड्यात बांबूचा खांब टाकून हा सण साजरा केला जातो. हा उत्सव आठवडाभर चालला. येथे डोंगराळ भागात, भारताच्या होळीच्या एक दिवस आधी होळी साजरी केली जाते, तर तराईची होळी भारतासह आणि अगदी भारतासारखीच साजरी केली जाते.
स्पेन
स्पेनमध्ये दरवर्षी ऑगस्टमध्ये टोमॅटिनो फेस्टिव्हल साजरा केला जातो. ‘जिंदगी ना मिलेगी दोबारा’ चित्रपटातही याचा उल्लेख आपल्याला पाहायला मिळतो. या उत्सवात हजारो लोक जमतात आणि टोमॅटोची होळी खेळतात. टोमॅटोची ही होळी भारताच्या होळीसारखीच आहे.
पोलंड
पोलंडमध्ये होळीच्या वेळी अर्सीना सण साजरा केला जातो. यामध्ये नैसर्गिक रंग आणि फुलांपासून बनवलेल्या अत्तरांनी होळी खेळली जाते. या दिवशी लोक एकमेकांना मिठी मारतात आणि या सणाच्या शुभेच्छा देतात.
मॉरिशस
मॉरिशसमध्ये होळी साधारण महिनाभर चालते. बसंत पंचमीच्या दिवसापासून त्याची सुरुवात होते. येथे होलिका दहनही केले जाते. या होळीचा आनंद घ्यायचा असेल तर बसंत पंचमीच्या सुमारास मॉरिशसला जावे. होळीच्या निमित्ताने अनेक भागांत पाण्याचा वर्षावही केला जातो.
रोम
रोममध्येही होळीचा सण साजरा केला जातो. येथील लोक मे महिन्यात हा सण साजरा करतात आणि लाकडे जाळून होलिका दहन करतात. दुसऱ्या दिवशी सकाळी लोक त्याभोवती नाचतात, रंग खेळतात आणि फुलांचा वर्षाव करतात.
आफ्रिका
आफ्रिकन देशांमध्येही होलिका दहनाची परंपरा आहे. त्याला ओमेना बोंगा म्हणतात. या प्रसंगी लोक आपल्या देवतेचे स्मरण करून येथे अग्नी प्रज्वलित करतात आणि रात्रभर नाचत हा उत्सव साजरा करतात.
संबंधीत बातम्या :
तुमचा ‘द काश्मीर फाईल्स’ तर आमचे छत्रपती शिवाजी महाराज, राष्ट्रवादीच्या नव्या मागणीनं सरकारची गोची?
Chanakya Niti | ‘सावधान’ हे 4 संकेत मिळाले की समजून जा वाईट काळ जवळ आला आहे, वेळीच सावध व्हा !
16 March 2022 Panchang : 16 मार्च 2022, बुधवारचे पंचांग, शुभ मुहूर्त आणि राहुकाळ
