Kedarnath : दोन वर्षांनंतर केदारनाथ मंदिर आजपासून पुन्हा खुलं, मुख्यमंत्री पुष्कर सिंह धामी यांच्यासह 10 हजार भाविकांची उपस्थिती

दोन वर्षांनंतर केदारनाथ मंदिर आजपासून पुन्हा खुलं

Image Credit source: twitter

Follow us on

उत्तराखंड – तब्बल ६ महिन्यांनंतर बाबा केदारनाथचे (Kedarnath) दरवाजे उघडले आहेत. सकाळी 6 वाजून 25 मिनिटांनी शुभ मुहूर्तानुसार वैदिक मंत्रोच्चाराने मंदिराचे दरवाजे उघडण्यात आले. त्यानंतर मुख्य पुजारी बाबांची डोली घेऊन मंदिरात दाखल झाले. यावेळी उत्तराखंडचे (Uttarakhand) मुख्यमंत्री पुष्कर सिंह धामी (Pushkar Singh Dhami) हे 10 हजार भाविकांसह उपस्थित होते. मंदिराचे प्रांगण 10 क्विंटल फुलांनी सजवले आहे. यापूर्वी गुरुवारीच केदारनाथमध्ये भाविकांची गर्दी झाली होती. 2020 मध्ये कोरोना महामारीचा उद्रेक झाल्यापासून भाविकांना येथे दर्शन घेण्याची परवानगी नव्हती. दरवर्षी दरवाजे उघडून बाबांची पूजा केली जात असे. परंतु केदारनाथचं मंदीर खुलं केल्याने लोकांच्यामध्ये उत्साहा पाहायला मिळत आहे.
<

गौरीकुंड येथून यात्रेकरूंना केदारनाथला जाण्याची परवानगी मिळाली

गुरुवारी सकाळी गौरीकुंड येथून हजारो भाविक केदारनाथ धामकडे रवाना झाले. भाविकांनी येथून सुमारे 21 किमी अंतर पायी, घोडा या माध्यमातून कापले. सकाळी 6 वाजता सुरू झालेला प्रवास केदारनाथ धाम येथे सायंकाळी 4 वाजता संपला. क्षमतेपेक्षा जास्त भाविक आल्याने घबराहटीचे वातावरण होते. त्यानंतर हजारो भाविक गौरीकुंडावर थांबले. मात्र, शुक्रवारी सकाळी सर्वांना केदारनाथला जाण्याची परवानगी देण्यात आली.

भाविकांना दर्शन

जगाच्या कल्याणासाठी बाबा केदारनाथ 6 महिने समाधीत राहतात असे मानले जाते. मंदिराचे दरवाजे बंद करण्याच्या शेवटच्या दिवशी नैवेद्य झाल्यानंतर दीड क्विंटल विभूती बाबांना अर्पण केली जाते. दरवाजे उघडताच बाबा केदार समाधीतून जागे होतात. यानंतर ते भाविकांना दर्शन देतात.

शैव लिंगायत पद्धतीने बाबांची पूजा केली

बाबा केदारनाथचे मंदिर हे भारतीयांसाठी केवळ श्रद्धा आणि श्रद्धेचे केंद्र नाही तर उत्तर आणि दक्षिण भारताच्या धार्मिक संस्कृतीचा संगम आहे. उत्तर भारतात पूजेची पद्धत वेगळी आहे. पण बाबा केदारनाथमध्ये दक्षिणेतील वीर शैव लिंगायत पद्धतीने पूजा केली जाते. मंदिराचे सिंहासन रावलांच्या ताब्यात आहे, त्यांना प्रमुख देखील म्हणतात. रावल यांचे शिष्य मंदिरात पूजा करतात. रावल म्हणजे पुजारी, तसेच ते कर्नाटकचे आहेत.