Sankashta Chatrurthi 2023 : आज कार्तिक महिन्यातील संकष्ट चतुर्थी, अशा प्रकारे करा गणेशाची आराधना

गणपती

Image Credit source: Social Media

Follow us on

मुंबई : आज संकष्ट चतुर्थी (Sankashta Chaturthi 2023) आहे. वर्षभरात 12 संकष्टी चतुर्थी येतात. सध्या कार्तिक महिना सुरू आहे, देवाच्या भक्तीसाठी हा महिना अतिशय महत्त्वाचा मानला जातो. कार्तिक महिन्यात गणाधिप संकष्टी चतुर्थी व्रत करण्याची परंपरा आहे. स्कंद पुराणानुसार या तिथीला गणेशाच्या विशेष उपासनेसह उपवास केल्याने अडचणी दूर होतात आणि विद्यार्थ्यांना त्यांच्या करिअरमध्ये लाभ होतो. संकष्टी चतुर्थी या नावाप्रमाणेच साधकाच्या सर्व संकटांचा नाश करणारी मानली जाते. या वर्षी 2023 च्या कार्तिक महिन्यातील गणाधिप संकष्टी चतुर्थीची तारीख, पूजा शुभ वेळ आणि चंद्रोदय वेळ जाणून घेऊया.

कार्तिक संकष्टी चतुर्थी 2023 तारीख

कार्तिक महिन्यात येणारी संकष्टी चतुर्थी 30 नोव्हेंबर 2023, गुरुवारी आहे. या दिवशी सूर्योदयाने व्रत सुरू होते, सायंकाळी गणपतीची पूजा करून रात्री चंद्रदेवाची पूजा करून त्याला अर्घ्य अर्पण करून उपवास सोडतात.

कार्तिक संकष्टी चतुर्थी 2023 पूजा मुहूर्त

पंचांगानुसार, कार्तिक महिन्यातील शुक्ल पक्षातील गणाधिप संकष्टी चतुर्थी तिथी 30 नोव्हेंबर 2023 रोजी दुपारी 02:24 वाजता सुरू होईल आणि 1 डिसेंबर 2023 रोजी दुपारी 03:31 वाजता समाप्त होईल.

गणपती पूजा मुहूर्त – सकाळी 06.55 ते 08.13
संध्याकाळची वेळ – 04.05 pm – 07.05 pm

कार्तिक संकष्टी चतुर्थी 2023 चंद्र उगवण्याची वेळ

चंद्राला अर्घ्य दिल्यावरच संकष्टी चतुर्थीचे व्रत सफल होते. कार्तिक संकष्टी चतुर्थीच्या दिवशी 07.54 मिनिटांनी चंद्रोदय होईल. चंद्राची उपासना केल्याने मानसिक शांती मिळते. चंद्र दोष दूर होतो.

संकष्टी चतुर्थीला गणपती पूजेचे फायदे

विवाहित स्त्रिया आपल्या पतीच्या दीर्घायुष्य आणि सौभाग्यासाठी संकष्टी चतुर्थी व्रत करतात. या व्रताचा महिमा आर्थिक अडचणी दूर होण्यास मदत करतो तसेच संतती होण्यासाठी या व्रताचे खूप महत्त्व आहे. अविवाहित मुली देखील चांगला पती मिळावा म्हणून दिवसभर उपवास करतात आणि संध्याकाळी गणपतीची पूजा करतात. हे व्रत सर्व संकट दूर करणारे मानले जाते.

आज संकष्टी चतुर्थीला करा हे सोपे उपाय

1. जर आपला जीवन साथीदार कोणत्याही कारणामुळे काळजीत राहत असेल ज्याचा प्रभाव आपल्या नात्यावर देखील पडत असेल तर आज एक कच्चा सुती लांब दोरा घेऊन गणपतीसोमर ठेवावा. ऊँ विघ्नेश्वराय नम: मंत्र 11 वेळा जपावे. नंतर देवाची प्रार्थना करून दोर्‍यला सात गाठी बांधून स्वत:जवळ ठेवावा. असे केल्याने आपल्या साथीदाराची सर्व काळजी दूर होईल.
2. व्यवसाय संबंधी समस्यांपासून मुक्ती हवी असल्यास गणपती मंदिरात जाऊन हिरवे मूग दान करावे. गणेश चालीसाचा पाठ करावा. चतुर्थीला असे केल्याने व्यवसायातील अडचणी दूर होतात.  गणपतीला शेंदूर अर्पित करावे. गूळ आणि तुपाचा नैवेद्य दाखवावा. असे केल्याने सन्मान, बल प्राप्ती होईल.
3. ज्योतिष शास्त्रानुसार जर एखाद्या व्यक्तीच्या कुंडलीत बुध ग्रह कमजोर स्थितीत असेल किंवा बुध दोषापासून मुक्ती मिळवायची असेल तर  गणेशाच्या मूर्तीला अभिषेक करून त्याची नियमित पूजा करावी. या उपायाने तुम्हाला फायदा होईल.
4. ज्योतिष शास्त्रानुसार बुध ग्रहाचा दोष दूर करण्यासाठी किंवा अनेक दिवसांपासून अडकलेली महत्त्वाची कामे पूर्ण करण्यासाठी मंदिरात जाऊन हिरव्या वस्तूंचे दान करावे. याशिवाय गरजूंना हिरवे कपडे आणि उपयोगी वस्तू दान करणे फायदेशीर मानले जाते.
5. श्रीगणेशाचा आशीर्वाद मिळविण्यासाठी तांदळात हिरवी मूग डाळ मिसळून गरजूंना दान करावे. याशिवाय भिजवलेली हिरवी मुगाची डाळ पक्ष्यांना खाऊ घालून गणपतीचा आशीर्वाद मिळवू शकता.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)