Achala Saptami 2022: अचला सप्तमीचे महत्त्व काय आहे? जाणून घ्या मुहूर्त आणि सूर्यदेव पूजेशी संबंधित खास गोष्टी
माघ (Magh)महिन्याच्या शुक्ल पक्षातल्या सातव्या दिवशी रथ सप्तमी साजरी केली जाते. यावेळी रथ सप्तमी (Rath Saptami)07 फेब्रुवारी रोजी साजरी केली जाईल.
मुंबई : माघ (Magh)महिन्याच्या शुक्ल पक्षातल्या सातव्या दिवशी रथ सप्तमी साजरी केली जाते. यावेळी रथ सप्तमी (Rath Saptami)07 फेब्रुवारी रोजी साजरी केली जाईल. या दिवशी भगवान सूर्य देवाची (Sun) पूजा केली जाते. असे मानले जाते की, या दिवशी सूर्यदेवाची उपासना केल्यास सर्व मनोकामना पूर्ण होतात. एखादी व्यक्ती आजारी असल्यास ती रोगमुक्त होते, त्याच्या कारकिर्दीतील अडथळे दूर होतात आणि त्या व्यक्तीची प्रगती होते अशी मान्यता आहे. हिंदू कॅलेंडरनुसार, माघ महिन्याच्या शुक्ल सप्तमी तिथीला अचला सप्तमीचा उपवास केला जातो . अचला सप्तमीला रथ सप्तमी किंवा सूर्य जयंती असेही म्हणतात . या दिवशी सूर्यदेवाची पूजा करून त्याला जल अर्पण केले जाते.
या दिवशी उपासना केल्याने जीवनातील सर्व प्रकारच्या संकटांपासून मुक्ती मिळते.माघ महिन्याच्या शुक्ल पक्षाच्या सातव्या दिवशी सूर्यदेव सात घोड्यांसह आपल्या रथावर अवतरले आणि संपूर्ण सृष्टीला प्रकाशित केले, असे मानले जाते. या कारणास्तव, दरवर्षी माघ महिन्यात, शुक्ल सप्तमी अचला सप्तमी, रथ सप्तमी किंवा सूर्य जयंती म्हणून साजरी केली जाते.
अचला सप्तमी 2022 पूजा मुहूर्त
हिंदू दिनदर्शिकेनुसार माघ महिन्याच्या शुक्ल सप्तमीची तिथी 07 फेब्रुवारीला पहाटे 4.37 पासून सुरू होत आहे, 08 फेब्रुवारीला सकाळी 6.15 पर्यंत वैध असेल. यासोबतच सूर्यदेवाचा उदयही होतो. 07 फेब्रुवारी रोजी सप्तमी तिथी होत आहे, या कारणामुळे सोमवारी 07 फेब्रुवारी रोजी अचला सप्तमी साजरी केली जाईल.
रथ सप्तमीच्या या शुभ दिवशी केलेले स्नान, दान, होम, पूजा इत्यादी गोष्टी हजारो पटीने जास्त फळ देतात. रथ सप्तमी ‘अचला सप्तमी’, ‘पुत्र सप्तमी’ आणि ‘आरोग्य सप्तमी’ म्हणूनही ओळखली जाते.
जर आपणास आर्थिक संकटाचा सामना करावा लागला असेल, तर रथ सप्तमीच्या दिवशी सूर्याला अर्ध्य अर्पण केल्यावर तांबे, गुळ, गहू किंवा डाळ आपल्या क्षमतेनुसार दान करा. यामुळे आर्थिक परिस्थिती चांगली होते.
– नोकरीत प्रगती करण्यासाठी रथ सप्तमीच्या दिवशी तांब्याचा एक तुकडा घ्या आणि त्याचे दोन भाग करा. एक भाग वाहत्या पाण्यात सोडा आणि दुसरा आपल्या जवळ पर्समध्ये ठेवा. हा दुसरा तुकडा कायम आपल्याजवळ ठेवा. याने केवळ आपली करिअर सुधारत नाही, तर आरोग्याच्या बाबतीतही त्याचा चांगला फायदा होईल.
– रथ सप्तमीच्या दिवशी अंघोळ करत असताना त्या पाण्यात खसखसचे फुल किंवा कोणतेही लाल फुल टाकून अंघोळ करा. आंघोळ झाल्यावर तुपाचे दिवे आणि लाल फुले, रोली, अक्षत, कापूर आणि धूप घेऊन सूर्य देवाची पूजा करावी आणि गायत्री मंत्र किंवा सूर्य मंत्राचा जप करावा. हे आपल्या जन्मकुंडलीतील सूर्याची स्थिती मजबूत करेल आणि शिक्षणात येणारे अडथळे दूर करेल.
सूर्यदेवाच्या जन्माचा उत्सव
सूर्यदेव यांच्या जन्माचा उत्सव म्हणून देखील रथ सप्तमी साजरा केली जाते. असे मानले जाते की, भगवान सूर्य यांचा जन्म या दिवशी कश्यप ऋषी आणि आदिती यांच्या मिलनाने झाला होता. म्हणून हा दिवस सूर्य देवाची उपासना करण्याचा दिवस मानला जातो.
संबंधित बातम्या:
