IPL 2023 : KKR टीमसाठी मोठी Good News, घातक बॅट्समनची टीममध्ये एंट्री

Image Credit source: KKR Twitter

Kolkata Knight Riders IPL 2023 : आयपीएल 2023 चा 13 वा सामना कोलकाता नाइट रायडर्स आणि गुजरात टायटन्स टीममध्ये खेळला गेला. या मॅचमध्ये रिंकू सिंहच्या ऐतिहासिक इनिंगच्या बळावर कोलकाता नाइट रायडर्सने विजय मिळवला. या दरम्यान कोलकाता नाइट रायडर्स टीमसाठी एक आनंदाची बातमी आहे. एक मोठा बॅट्समन आयपीएल 2023 दरम्यान कोलकाता टीममध्ये दाखल झालाय. हा खेळाडू क्रिकेट विश्वात आपल्या स्फोटक बॅटिंगसाठी ओळखला जातो.

बांग्लादेशचा स्फोटक फलंदाज लिटन दास आयपीएल 2023 दरम्यान कोलकाता नाइट रायडर्स टीममध्ये दाखल झालाय. लिटन दास बांग्लादेशसाठी खेळत होता. त्यामुळे तो सुरुवातीच्या सामन्यांमध्ये कोलकाता नाइट रायडर्स टीमचा भाग नव्हता. कोलकाता नाइट रायडर्सने सोशल मीडियाच्या माध्यमातून आपल्या फॅन्सना लिटन दास भारतात दाखल झाल्याची माहिती दिली.

भारताविरुद्ध आक्रमक बॅटिंग

आयपीएल 2023 साठी मिनी ऑक्शन कोचीमध्ये झालं. त्यावेळी कोलकाता नाइट रायडर्सने लिटन दासला 50 लाख रुपयांच्या बेस प्राइसमध्ये विकत घेतलं होतं. पहिल्या फेजमध्ये लिटन दास अनसोल्ड होता. पण दुसऱ्या राऊंडमध्ये केकेआरने त्याला विकत घेतलं. लिटन दासकडे टी 20 फॉर्मेटचा अनुभव आहे. तो आक्रमक बॅटिंग करण्यासाठी ओळखला जातो. टी 20 वर्ल्ड कप 2022 मध्ये भारताविरुद्ध त्याने आक्रमक बॅटिंग केली होती.

टी20 क्रिकेटमध्ये शानदार आकडे

28 वर्षांचा लिटन दास आतापर्यंत एकूण 71 टी 20 इंटरनॅशनल सामने खेळलाय. या मॅचेसमध्ये त्याने 23.43 च्या सरासरीने 1617 धावा केल्या आहेत. त्याचा स्ट्राइक रेट 132.43 चा आहे. लिटन दासचे टी 20 मध्ये 10 हाफ सेंच्युरी आहेत.

KKR ची टीम

नीतीश राणा (कॅप्टन), जेसन रॉय, आंद्रे रसेल, वेंकटेश अय्यर, सुनील नरेन, रिंकू सिंह, वरुण चक्रवर्ती, टिम साउदी, उमेश यादव, अनुकूल रॉय, शार्दुल ठाकुर, लॉकी फर्ग्यूसन, रहमानुल्लाह गुरबाज, हर्षित राणा, लिटन दास, कुलवंत खेजोरोलिया, सुयश शर्मा, नारायण जगदीशन, वैभव अरोड़ा, डेविड वीजे, मनदीप सिंह.