Arjun Tendulkar: कर्नाटकने गोव्याच्या बॉलर्सन धुतलं, पण अर्जुनची प्रभावी गोलंदाजी

Arjun-Tendulkar

Image Credit source: GETTY IMAGES

पणजी: सध्या देशात रणजी सीजन सुरु आहे. अनेक युवा खेळाडू चमकदार कामगिरी करतायत. पण एका खेळाडूच्या प्रदर्शनाकडे मीडियाच विशेष लक्ष आहे. मैदानावरील त्याच्या कामगिरीच वृत्तांकन केल जातय. या खेळाडूच नाव आहे, अर्जुन तेंडुलकर. सचिन तेंडुलकरचा मुलगा असल्याने अर्जुन सुरुवातीपासूनच प्रसिद्धीच्या झोतात आहे. अर्जुन तेंडुलकर मूळचा मुंबईचा आहे. पण मुंबई टीममध्ये तीव्र स्पर्धा असल्याने त्याने गोव्याची निवड केली. अर्जुन तेंडुलकर गोव्याच्या टीममधून रणजी सामने खेळतोय.

अर्जुनकडे गोलंदाज म्हणून पाहिलं जात होतं, पण आता….

अर्जुन तेंडुलकरच्या रणजी ट्रॉफी करिअरची सुरुवात धडाकेबाज झाली. त्याने डेब्यु मॅचमध्येच राजस्थान विरुद्ध शतक ठोकलं. या मॅचआधी अर्जुन तेंडुलकरकडे गोलंदाज म्हणून पाहिलं जात होतं. पण आता त्याच्याकडे बघण्याचा दृष्टीकोन बदललाय. अर्जुन तेंडुलकरकडे ऑलराऊंडर खेळाडू म्हणून पाहिलं जातं.

झारखंड विरुद्ध निराशाजनक प्रदर्शन

अर्जुनने राजस्थान विरुद्ध चांगलं प्रदशर्न केलं. पण झारखंड विरुद्ध तो विशेष काही करु शकला नाही. कर्नाटक विरुद्ध सुरु असलेल्या रणजी सामन्यात त्याने आपली गोलंदाजीची ताकत दाखवून दिली.

गोव्याच्या गोलंदाजांची निराशाजनक कामगिरी, पण अर्जुन….

गोव्यात सुरु असलेल्या या रणजी सामन्यात कर्नाटकने पहिल्या डावात 7 विकेट गमावून 603 धावा केल्या आहेत. गोव्याच्या गोलंदाजांच प्रदर्शन निराशाजनक होतं. पण अर्जुनने आपल्या बॉलिंगने प्रभावित केलं. त्याने 79 धावा देऊन 2 विकेट काढल्या.

कोणत्या दोन विकेट काढल्या?

अर्जुन तेंडुलकरने आर.समर्थची विकेट काढली. गोव्यासाठी हा विकेट महत्त्वाचा होता. त्याने 140 धावा फटकावल्या. त्याशिवाय अर्जुनने शुभांग हेगडेलाही आऊट केलं.

अर्जुनच्या गोलंदाजीचा इकॉनमी रेट काय?

अर्जुनपेक्षा जास्त विकेट दर्शन मिसाळने काढल्या. त्याने 3 फलंदाजांना बाद केलं. गोव्याच्या सर्व गोलंदाजांमध्ये अर्जुनचा इकॉनमी रेट (3.0) सर्वात चांगला आहे. या मॅचमध्ये मनीष पांडेने अवघ्या 186 चेंडूत 208 धावा फटकावल्या. रणजी ट्रॉफीच्या सामन्यात मनीष पांडेने वनडे स्टाइल बॅटिंग केली. त्याने 11 षटकार आणि 14 चौकार लगावले. मनीष पांडे शेवटपर्यंत नाबाद होता.