CSK vs KKR, IPL 2022 : कोलकात्याचा विजयी शुभारंभ, CSK चा पराभव

बहुचर्चित इंडियन प्रीमियर लीगच्या सलामीच्या सामन्यात कोलकाता नाइट रायडर्सने विजयी शुभारंभ केला आहे. चेन्नई सुपर किंग्सचा त्यांनी सहा विकेट राखून सहज पराभूत केलं.

कोलकाता नाइट रायडर्सने 100 धावांचा टप्पा पार केला आहे. श्रेयस अय्यर आणि बिलिंग्सची जोडी मैदानात आहे.

दमदार फलंदाजी करणारा अजिंक्य रहाणे बाद झाला आहे. त्याने 44 धावा केल्या. सँटनरच्या गोलंदाजीवर त्याने रवींद्र जाडेजाकडे सोपा झेल दिला आहे. केकेआरच्या तीन बाद 87 धावा झाल्या आहेत.

चांगल्या सुरुवातीनंतर केकेआरला पहिला धक्का बसला आहे. सलामीवीर वेंकटेश अय्यर 16 धावांवर बाद झाला. ब्राव्होने त्याला धोनीकरवी झेलबाद केले.

केकेआरने चांगली सुरुवात केली आहे. त्यांच्या सहा षटकात बिनबाद 43 धावा झाल्या आहेत. अजिंक्य रहाणे 27 आणि वेंकटेश अय्यर 16 धावांवर खेळतोय.

किरीट  सोमय्या, नील सोमय्या आणि निलेश राणेंना ताब्यात घेतलं

सोमय्यांना पुन्हा पोलीस ठाण्यात नेण्यात आलं

IPL 2022च्या पहिल्याच सामन्यात धोनीनं कठीण परिस्थितीत फलंदाजीला येऊन पुन्हा एकदा आपल्या जबरदस्त खेळीचं प्रदर्शन केलंय. धोनीच्या आजच्या खेळीबद्दल तुम्हाला काय वाटतं?

कोलकाताच्या डावाला सुरुवात झाली आहे. पहिल्या षटकात बिनबाद 6 धावा झाल्या आहेत. रहाणे 6 धावांवर खेळतोय.

एमएस धोनी पुन्हा एकदा चेन्नईसाठी संकटमोचक ठरला आहे. संघ अडचणीत असताना धोनी फलंदाजीसाठी मैदानात आला होता. त्याने 38 चेंडूत नाबाद 50 धावा फटकावल्या. यात सात चौकार आणि एक षटकार आहे. उलट कर्णधार रवींद्र जाडेजाच थोडा दबावाखाली वाटला. त्याने 28 चेंडूत नाबाद 26 धावा केल्या. फक्त एक चौकार त्याने लगावला. कोलकाताने आज टिच्चूक गोलंदाजी केली. CSK ने निर्धारीत 20 षटकात पाच बाद 131 धावा केल्या.

चेन्नईचा संघ अडचणीत आहे. त्यांच्या 17 षटकात पाच बाद 84 धावा झाल्या आहेत. धोनी 19 आणि जाडेजा 16 धावांवर खेळतोय.

चेन्नईचा निम्मा संघ तंबूत परतला आहे. एमएस धोनी फलंदाजी मैदानात आला आहे. रसेलच्या गोलंदाजीवर शिवम दुबेने नरीनकडे सोपा झेल दिला. शिवम दुबेने तीन धावा केल्या. चेन्नईच्या 11 षटकात पाच बाद 61 धावा झाल्या आहेत.

चेन्नई सुपर किंग्सचा संघ अडचणीत सापडला आहे. रॉबिन उथाप्पा पाठोपाठ अंबाती रायडू पॅव्हेलियनमध्ये परतला आहे. कॅप्टन रवींद्र जाडेजा आणि रायडूमध्ये धाव घेताना गोंधळ उडाला. रायडू 15 धावांवर रनआऊट झाला. CSK ची स्थिती चार बाद 52 आहे.

फिरकी गोलंदाज वरुण चक्रवर्तीच्या गोलंदाजीवर KKR च्या शेल्डन जॅक्सनने जबरदस्त स्टम्पिंग केलं. त्याने क्रीझ बाहेर गेलेल्या रॉबिन उथाप्पाला आऊट केलं. उथाप्पा 28 धावांवर आऊट झाला. त्याने दोन चौकार आणि दोन षटकार लगावले.

सात षटकात चेन्नईच्या दोन बाद 40 धावा झाल्या आहेत. रॉबिन उथाप्पा 29 आणि अंबाती रायडू सात धावांवर खेळतोय.

उमेश यादवने CSK ला दुसरा झटका दिला आहे. डेवॉन कॉनवेला उमेश यादवने तीन धावांवर श्रेयस अय्यरकरवी झेलबाद केले. CSK च्या दोन बाद 28 धावा झाल्या आहेत.

चार षटकात चेन्नई सुपर किंग्सच्या एक बाद 28 धावा झाल्या आहेत. या षटकात रॉबिन उथाप्पाने शिवम मावीच्या गोलंदाजीवर बाऊन्सरवर षटकार ठोकला. उथाप्पा 22 आणि कॉनवे 3 धावांवर खेळतोय.

तीन षटकात चेन्नई सुपर किंग्सच्या एक बाद 16 धावा झाल्या आहेत. या षटकात रॉबिन उथाप्पाने उमेश यादवच्या गोलंदाजीवर षटकार ठोकला. उथाप्पा 11 आणि कॉनवे 2 धावांवर खेळतोय.

पहिल्याच ओव्हरमध्ये उमेश यादवने चेन्नईला मोठा झटका दिला आहे. सलामीवीर ऋतुराज गायकवाडला भोपळाही फोडू न देता उमेश यादवने त्याला माघारी धाडलं. ऋतुराजला स्लीपमध्ये नितीश राणा करवी झेलबाद केले.

KKR- श्रेयस अय्यर (कर्णधार), वेंकटेश अय्यर, अजिंक्य रहाणे, नीतीश राणा, सॅम बिलिंग्स (विकेटकीपर), आंद्रे रसेल, मोहम्मद नबी, सुनील नरेन, शिवम मावी, उमेश यादव आणि वरुण चक्रवर्ती

CSK- रवींद्र जडेजा (कर्णधार), ऋतुरात गायकवाड़, डेवन कॉनवे, रॉबिन उथप्पा, अंबाती रायुडू, एमएस धोनी (विकेटकीपर), शिवम दुबे, ड्वेन ब्रावो, राजवर्धन हंगरगेकर, मिचेल सँटनर, एडम मिल्न

आयपीएल 2022 मध्ये पहिल्या सामन्याचा टॉस झाला आहे. कोलकाता नाइट रायडर्सचा कर्णधार श्रेयस अय्यरने नाणेफेकीचा कौल जिंकला असून त्यांनी क्षेत्ररक्षणाचा निर्णय घेतला आहे.

मागच्या सीजनमधले दोन्ही टीम्सचे आकडे पाहिले तर चेन्नईची बाजू वरचढ आहे. 14 व्या सीजनमध्ये चेन्नईने तिन्ही सामन्यांमध्ये कोलकाताला पराभूत केलं होतं. यामध्ये फायनलचाही समावेश आहे.

आयपीएल यंदा नवीन फॉर्मेट दिसणार आहे. यावेळी लीग मध्ये आठ ऐवजी दहा संघ आहेत. 10 टीम्सची दोन ग्रुपमध्ये विभागणी करण्यात आली आहे. सामन्यांची संख्या 60 वरुन 74 झाली आहेत.

क्रिकेट चाहते आतुरतेने ज्याची वाट पाहत असतात, तो क्रिकेटचा सण आज सुरु झाला आहे.