क्रिकेटला नेहमी जंटलमन्स गेम म्हटलं जातं. पण क्रिकेटच्या मैदानात अनेकदा खेळाडूंमध्ये शाब्दीक बाचाबाची पाहायला मिळते. खेळाडूंमध्ये शाब्दीक वाद सामान्य बाब आहे. पण सोशल मीडियावर एक व्हिडिओ व्हायरल होतोय. हा व्हिडिओ पाहून क्रिकेट फॅन्स हैराण होतील. मैदानात खेळाडूंमधील स्पर्धा इतकी विकोपाला गेली की, विषय हाणामारीपर्यंत जाऊन पोहोचला. व्हिडिओमध्ये ते स्पष्ट दिसतय. मैदानात खेळाडू आपसात भिडले. लाथा-बुक्क्यांनी प्रहार केले.
सोशल मीडियावर व्हायरल होणारा हा व्हिडिओ हो एमसीसी वीकडेज बॅश XIX लीगचा आहे. UAE मध्ये ही लीग खेळवली जाते. या लीगमध्ये एरोविसा क्रिकेट आणि रबदान क्रिकेट क्लबमध्ये एक सामना झाला. या मॅचमध्ये दोन्ही टीम्सच्या खेळाडूंनी सर्व मर्यादा ओलांडल्या. सामन्या दरम्यान एरोविसा क्रिकेट टीमच्या एका गोलंदाजाने रबदान टीमच्या एका फलंदाजाला आऊट केल्यानंतर जोरदार सेलिब्रेशन केलं. गोलंदाज जोशमध्ये आला. त्याने विकेटच सेलिब्रेशन करताना खूप आक्रमकता दाखवली.
मारामारी करता, करता दोघे मैदानातच पडले
गोलंदाजाच हे सेलिब्रेशन पाहून फलंदाजाचा मैदानातच संयम सुटला. त्यानंतर दोन्ही खेळाडूंमध्ये मैदानातच हाणामारी सुरु झाली. मारामारी करता, करता दोघे मैदानातच पडले. टीमच्या अन्य खेळाडूंनी आणि अंपायरने दोघांना वेगळं करण्याचा भरपूर प्रयत्न केला. या घटनेचा व्हिडिओ आता सोशल मीडियावर व्हायरल होतोय.
Things get a bit heated in a club cricket match #Cricket pic.twitter.com/Wa8GvseZxM
— Saj Sadiq (@SajSadiqCricket) September 19, 2024
बांग्लादेशातही असच घडलं
क्रिकेटच्या मैदानात खेळाडूंमध्ये हाणामारी, मारामारीच्या घटना फार कमी पहायला मिळतात. अनेकदा खेळाडू आपलं संतुलन गमावतात. मागच्यावर्षी बांग्लादेशातला सेलिब्रिटी लीगचा एक व्हिडिओ सोशल मीडियावर व्हायरल झालेला. अंपायरच्या एका निर्णयानंतर दोन्ही टीम्सचे खेळाडू आपसात भिडले होते. त्यानंतर ही लीग रद्द करण्यात आली. भारतातही देशांतर्गत क्रिकेटमध्ये अशा हाणामारीच्या घटना घडल्या आहेत.