IPL 2021 Final LIVE Score, CSK vs KKR: चेन्नईचं सुपर कमबॅक, केकेआरला धुळ चारत मिळवला विजय, ट्रॉफीही केली नावावर

अखेरच्या काही षटकात चेन्नईच्या गोलंदाजानी सुपर कमबॅक करत केकेआरच्या फलंजाना रांगेत तंबूत धाडलं आणि सामना 27 धावांनी जिंकला.

केकेआरची अखेरची आशा असणारा कर्णधार इयॉन मॉर्गनही बाद झाला आहे. आता केवळ 2 विकेट हातात असून त्यांना 21 चेंडूत 68 धावांची गरज आहे.

क्वॉलीफायरच्या सामन्यात सिक्स ठोकून संघाला विजय मिळवून देणारा राहुल आज सिक्स मारतानाच झेलबाद झाला. शार्दूलच्या चेंडूवर मोईनने त्याचा झेल घेतला.

केकेआरचा संघ मोठ्या अडचणीत सापडला आहे. संघाचा सहावा गडी शाकिबही शून्य धावांवर बाद झाला आहे. जाडेजानेच त्याला पायचीत केलं आहे.

नुकत्याच फलंदाजीला आलेला दिनेश कार्तिकही खास कमाल करु शकला नाही. जाडेजाच्या चेंडूवर रायडूने त्याला 9 धावांवर बाद केलं आहे.

नुकतचं अर्धशतक पूर्ण झालेला शुभमन गिल रचनात्मक शॉट खेळताना बाद झाला आहे. दीपक चहरने त्याची विकेट टीपली आहे.

केकेआर संघाचे एका मागोमाग एक विकेट जात असताना एक दिलासादायक गोष्ट घडली आहे. त्याचा सलामीवीर शुभमनने नुकतं अर्धशतक पूर्ण केलं आहे.

केकेआरने उत्तम सुरुवात केल्यानंतर आता मात्र त्यांचे खेळाडू एकामागोमाग एक बाद होत आहेत. एकाच षटकात अय्यर आणि राणा बाद झाल्यानंतर पुढच्याच षटकात सुनील नारायणही 2 धावा करुन बाद झाला आहे. हेजलवुडच्या चेंडूवर जाडेजाने त्याचा झेल घेतला आहे.

चेन्नईकडून सर्वाधिक विकेट्स घेणाऱ्या शार्दूलने पुन्हा एकदा संघाला सावरलं आहे. त्याने 11 व्या ओव्हरमध्ये अय्यर आणि राणा यांना बाद केलं आहे. राणा शून्य धावांवर फाफच्या हाती झेलबाद झाला आहे.

कोलकात्याचा पहिला गडी अखेर तंबूत परतला आहे. सलामीवीर व्यंकटेश अय्यर 50 धावा करुन बाद झाला आहे. शार्दूलच्या चेंडूवर जाडेजाने त्याची अप्रतिम अशी कॅच घेतली आहे.

शुभमन गिलने जाडेजाच्या 10 व्या षटकात ठोकलेल्या उत्तुंग चेंडूला सीएसकेच्या रायडूने पकडलं खरं पण चेंडू मैदानात वर असलेल्या स्पायडर कॅमला लागल्याने बॉल अवैध पकडून त्याला नाबाद करार देण्यात आलं.

केकेआरचा सलामीवीर आणि पहिलंच पर्व खेळणाऱ्या व्यंकटेश अय्यरने चौैथं अर्धशतक ठोकलं आहे. त्याने 31 चेंडूत 5 चौकार आणि 3 षटकार खेचत 50 धावा पूर्ण केल्या आहेत.

केकेआर संघाने दमदार सुरुवात केली असून पावरप्लेच्याअंती अर्थात 6 ओव्हरनंतर संगाने 55 धावा केल्या आहेत.

केकेआरची फलंदाजी सुरु होताच पहिल्या चेंडूवर सलामीवीर शुभमन गिलने चौकार लगावला आहे.

चेन्नईची फलंदाजी समाप्त झाली असून सलामीवीर फाफने 86 धावा ठोकल्यामुले संघाने 192 धावांपर्यंत मजल मारली आहे.

17 व्या षटकात मोईन अलीने दोन षटकार खेचले आहेत. त्यामुळे 17 ओव्हरनंतर चेन्नईचा स्कोर 153 झाला आहे.

दुसऱ्या स्थानावर येत चेन्नईच्या रॉबीनने धडाकेबाज फलंदाजी करायला सुरुवात केली. 14 चेंडूत 3 षटकार ठोकत त्याने 31 धावा केल्या. पण सुनीलच्या फिरकीच्या जादूवर तो पायचीत झाला.

चेन्नईचा सलामीवीर फाफने अप्रतिम फलंदाजी करत अर्धशतक ठोकलं आहे. त्याने 35 चेंडूत 5 चौकार आणि 2 षटकार ठोकत अर्धशतक पूर्ण केलं आहे.

चेन्नईला पहिला झटका बसला असून सलामीवीर ऋतुराज गायकवाड 32 धावा करुन बाद झाला आहे. केकेआरच्या नारायणच्या चेंडूवर शिवम मावीने त्याचा झेल घेतला आहे.

पावरप्लेच्याअंती (6 ओव्हर) चेन्नई सुपरकिंग्सने 50 धावा पूर्ण केल्या असून त्यांचा एकही गडी बाद झालेला नाही.

चेन्नई सुपरकिंग्सचे सलामीवीर गायकवाड आणि फाफ चांगल्या लयीत असून 4 ओव्हरनंतर त्यांचा स्कोर 34 झाला आहे.

या महामुकाबल्यातील पहिला चौकार चेन्नईच्या ऋतुराज गायकवाडच्या बॅटमधून आला आहे.

केकेआरने प्रथम गोलंदाजी घेतल्याने चेन्नईकडे प्रथम फलंदाजी आली आहे. त्यामुळे फलंदाजीसाठी चेन्नईचे सलामीवीर ऋतुराज गायकवाड आणि फाफ डुप्लेसीस मैदानात आले आहेत.

आयपीएलच्या इतिहासात कोलकाता आणि चेन्नई हे संघ 25 वेळा आमने सामने आले आहेत. यामध्ये चेन्नई संघाचं पारडं कमालीचा जड असून त्यांनी 25 पैकी 16 सामन्यात विजय मिळवला आहे. तर कोलकाता केवळ 8 वेळाच विजय मिळवू शकला असून एक सामना अनिर्णीत सुटला आहे.

फाफ डुप्लेसी, ऋतुराज गायकवाड, रॉबिन उथप्पा, मोईन अली, अंबाती रायडू, एमएस धोनी, रवींद्र जाडेजा, ड्वेन ब्रावो, शार्दुल ठाकुर, जोश हेजलवुड, दीपक चाहर.

इयॉन मॉर्गन (कर्णधार), शुभमन गिल, व्यंकटेश अय्यर, दिनेश कार्तिक, नितीश राणा, राहुल त्रिपाठी, शाकिब अल् हसन, सुनील नारायण, लॉकी फर्ग्यूसन, शिवम मावी, वरुण चक्रवर्ती.

सामन्यात नाणेफेक जिंकत केकेआरचा कर्णधार इयॉन मॉर्गनने गोलंदाजी निवडली आहे. त्यामुळे चेन्नईचे खेळाडू प्रथम फलंदाजी करतील.