GT vs DC Live Score, IPL 2022: गुजरात टायटन्सचा सलग दुसरा विजय, दिल्ली कॅपिटल्सचा पराभव

गुजरात टायटन्सने आयपीएल 2022 स्पर्धेत सलग दुसरा विजय मिळवला आहे. त्यांनी दिल्ली कॅपिटल्सचा 14 धावांनी पराभव केला. गुजरातने प्रथम फलंदाजी करताना 171 धावा केल्या होत्या. दिल्ली कॅपिटल्सने निर्धारीत 20 षटकात नऊ बाद 157 धावा केल्या.

दिल्लीच्या 18 षटकात नऊ बाद 145 धावा झाल्या आहेत. कुलदीप-मुस्तफीझूर ही शेवटची जोडी मैदानात आहे.

हिटर रोव्हमॅन पॉवेल पाठोपाठ खलील अहमदची मोहम्मद शमीने काढली विकेट.

17 षटकात दिल्ली कॅपिटल्सच्या सात बाद 142 धावा झाल्या आहेत. 18 चेंडूत विजयासाठी 30 धावांची गरज.

शार्दुल ठाकूरच्या रुपात राशिद खानने दिल्ली कॅपिटल्सची सातवी विकेट काढली आहे. दिल्लीची सात बाद 137 अशी अवस्था झाली आहे.

दिल्ली कॅपिटल्सला मोठा झटका बसला आहे. कॅप्टन ऋषभ पंत 43 धावांवर OUT झाला आहे. लॉकी फर्ग्युसनने मनोहरकरवी झेलबाद केले. दिल्लीच्या पाच बाद 118 धावा झाल्या आहेत. त्यांना विजयासाठी 35 चेंडूत 54 धावांची आवश्यकता आहे.

अखेर ललित यादवची महत्त्वाची विकेट गुजरातला मिळाली. तो रनआऊट झाला. ललित यादवने 25 धावा केल्या. चार बाद 95 अशी दिल्लीची स्थिती आहे.

11 षटकात दिल्ली कॅपिटल्सच्या तीन बाद 86 धावा झाल्या आहेत. ऋषभ पंत 29 आणि ललित यादव 25 धावांवर खेळतोय.

लॉकी फर्ग्युसनने एकाच षटकात दिल्लीला दोन धक्के दिले आहेत. पृथ्वी शॉ पाठोपाठ मनदीप सिंह तंबूत परतला आहे. फर्ग्युसनने त्याला 18 धावांवर वाडेकरवी झेलबाद केले.

गुजरात टायटन्सने दिल्ली कॅपिटल्सला दुसरा धक्का दिला आहे. सलामीवीर पृथ्वी शॉ लॉकी फर्ग्युसनच्या गोलंदाजीवर 10 धावांवर विजय शंकरकरवी झेलबाद झाला.

दिल्ली कॅपिटल्सच्या डावाला सुरुवात झाली आहे. दिल्लीचा सलामीवीर टिम सायफर्टला हार्दिक पंड्याने मनोहरकरवी झेलबाद केले. सायफर्टने तीन धावा केल्या. मनदीप सिंग आणि पृथ्वी शॉ मैदानात आहे.

प्रथम फलंदाजी करणाऱ्या गुजरात टायटन्सने निर्धारीत 20 षटकात 171 धावा केल्या आहेत. गुजरातकडून शुभमन गिलने 46 चेंडूत 84 धावांची स्फोटक खेळी केली. त्याशिवाय हार्दिक पंड्या 31, डेविड मिलर नाबाद 20 आणि राहुल तेवतियाने 14 धावा केल्या.

19 षटकांचा खेळ झाला असून गुजरात टायटन्सच्या चार बाद 167 धावा झाल्या आहेत. शुभमन गिलने 46 चेंडूत 84 धावांची स्फोटक खेळी केली. यात सहा चौकार आणि चार षटकार होते. डेविड मिलर-राहुल तेवतियाची जोडी मैदानात आहे.

पंधरा षटकात गुजरात टायटन्सच्या तीन बाद 120 धावा झाल्या आहेत. हार्दिक पंड्या आणि शुभमन गिलने तिसऱ्या विकेटसाठी चांगली भागीदारी केली. हार्दिक 31 रन्सवर आऊट झाला. शुभमन आज क्लासिक फलंदाजी करत आहे. त्याने 39 चेंडूत 67 धावा केल्या आहेत. यात सहा चौकार आणि दोन षटकार आहेत.

तीन वर्षापूर्वी गुढी पाडवा मेळावा झाला होता

दोन वर्षे मेळावा घेता आला नाही

आज गजबजलेलं शिवतीर्थ आधी सामसूम होती

एक माणूसही फिरताना दिसत नव्हता

कोरोनाची भिती आणि पोलिसांचा दांडिया

पोलिसांनी कोरोनाकाळात अतिशय उत्तम काम केलं

कोणताही विचार न करता रस्त्यावर होते

कुलदीप यादवने त्याच्या षटकातील पहिल्याच चेंडूवर विजय शंकरला क्लीन बोल्ड केलं. विजय शंकरने 13 धावा केल्या. गुजरातच्या दोन बाद 44 धावा झाल्या आहेत.

सहा षटकात गुजरात टायटन्सच्या एक बाद 44 धावा झाल्या आहेत. शुभमन गिल 26 आणि विजय शंकर 13 धावांवर खेळतोय.

मॅथ्यू वेडच्या रुपाने गुजरात टायटन्सचा पहिला विकेट गेला आहे. आता शुभमन गिल आणि विजय शंकरची जोडी मैदानात आहे. पाच षटकात गुजरात टायटन्सच्या एक बाद 38 धावा झाल्या आहेत.