Video | खरच तो सिकंदर, अपेक्षा नव्हती ते शेवटच्या चेंडूवर दाखवलं करुन
फक्त 32 धावात 3 विकेट गमावल्या होत्या. अशावेळी दोघांनी इनिंग संभाळली. दोघांनी टीमला 100 च्या पार नेलं. त्यानंतर सिकंदर त्याच्या नावासारखाच खेळला. सगळ्या टीमचा भार त्याने आपल्या खांद्यावर घेतला.
नवी दिल्ली : विजय कसाही मिळो, त्यापासूनच आनंदच मिळतो. दमदार प्रदर्शन आणि एकतर्फी विजयामुळे कुठलाही खेळाडू आणि टीमचा आत्मविश्वास वाढतो. अशा विजयामधून दबदबा दिसून येतो. अनेकदा कठिण परिस्थितीतून मिळालेल्या विजयामुळे आनंद मिळतो. त्यातून आत्मविश्वास अधिक मजबूत होतो. क्रिकेटच्या मैदानात शेवटच्या चेंडूवर मिळालेला विजय दीर्घकाळ लक्षात राहतो. शेवटच्या चेंडूवर सिक्स मारुन विजय मिळाला, तर तो आनंदच वेगळा असतो. आज सिकंदर रजाच्या भावना सुद्धा अशाच असतील.
सिकंदर रजा अडचणीत असलेल्या आपल्या टीमला स्वबळावर बाहेर काढतो. मागच्या काही काळात त्याने अशी स्वत:ची ओळख बनवली आहे. त्याने अनेकदा झिम्बाब्वेसाठी कमाल केली आहे. आयपीएलसह जगभरातील T20 लीगमध्ये त्याने अशीच कमाल दाखवली आहे. यूएईमधील IL T20 लीगमध्ये त्याने अशीच आश्चर्यकारक कामगिरी केली. सिकंदरने शेवटच्या चेंडूवर सिक्स मारला.
मग सिकंदरने सर्व जबाबदारी संभाळली
डेजर्ट वायपर्स आणि दुबई कॅपिटल्समध्ये शुक्रवारी 9 फेब्रुवारीच्या संध्याकाळी दुबईत सामना झाला. वायपर्सने पहिली बॅटिंग करताना 20 ओव्हर्समध्ये 171 धावा केल्या. त्यानंतर कॅपिटल्सने फक्त 32 धावात 3 विकेट गमावल्या. अशावेळी सिकंदर रजा आणि कॅप्टन सॅम बिलिंग्सने इनिंग संभाळली. दोघांनी टीमला 100 च्या पार नलें. त्यानंतर बिलिंग्स आऊट झाला. मग सिकंदरने सर्व जबाबदारी संभाळली.
अपेक्षा नव्हती, ते करुन दाखवलं
शेवटच्या ओव्हरमध्ये दुबई कॅपिटल्सला विजयासाठी 13 धावांची गरज होती. ओव्हरच्या पहिल्याच चेंडूवर त्याने चौकार मारला. पुढच्या 4 चेंडूत फक्त 3 धावा केल्या. शेवटच्या चेंडूवर विजयासाठी 6 धावांची आवश्यकता होती. स्ट्राइकवर सिकंदर रजा होता. समोर अली नसीर गोलंदाजी करत होता. त्याला अजिबात अपेक्षा नसेल, सिकंदर रजा असा स्ट्रोक खेळला. सिकंदरने लॉन्ग ऑफ बाऊंड्रीच्या बाहेर सिक्स मारुन 5 विकेटने टीमला सनसनाटी विजय मिळवून दिला. सिकंदरने 45 चेंडूत 60 धावा केल्या.
