IND vs AUS 3rd Test : टीम इंडिया आज मॅच हरली, तर एका माणसाची नोकरी जाणार?
IND vs AUS 3rd Test : आता इंदोरच्या होळकर स्टेडियमवर सुरु असलेला तिसरा कसोटी सामना सुद्धा त्याच दिशेने चाललाय. आज तिसरा दिवस असून आजच या कसोटीचा निकाल लागेल.
IND vs AUS 3rd Test : फक्त खेळाडूच नाही, पीच सुद्धा बॉर्डर-गावस्कर सीरीजमध्ये चर्चेचा विषय बनलाय. नागपूर आणि दिल्ली कसोटी तीन दिवसात संपली. आता इंदोरच्या होळकर स्टेडियमवर सुरु असलेला तिसरा कसोटी सामना सुद्धा त्याच दिशेने चाललाय. आज तिसरा दिवस असून आजच या कसोटीचा निकाल लागेल. कदाचित एका सेशनमध्ये खेळ संपेल. बीसीसीआय इंदोरच्या खेळपट्टीवरुन नाराज झाल्याची माहिती आहे.
समंदर सिंह चौहान यांना मध्य प्रदेश क्रिकेट असोशिएशनकडून नारळ मिळू शकतो. दोन महिन्यांपूर्वी लखनौमध्ये सुद्धा क्युरेटरच्या बाबतीत असच झालं होतं. त्यावेळी न्यूझीलंड विरुद्ध सामन्यात खेळपट्टी टी 20 ला साजेशी नव्हती. हार्दिक पंड्याने पीचबद्दल तेव्हा नाराजी व्यक्त केली होती.
ICC काय रेटिंग देणार?
इंदोरच्या पीचला ICC कडून सरासरीपेक्षा कमी रेटिंग मिळण्याची शक्यता आहे. हेड कोच राहुल द्रविड, बॅटिंग कोच विक्रम राठोड आणि कॅप्टन रोहित शर्मा यांनी इंदोरच्या खेळपट्टीबद्दल नाराजी व्यक्त केली होती. मायदेशात चेन्नईमध्ये इंग्लंडकडून टीम इंडियाचा पराभव झाला होता. त्यानंतर आता टीम इंडिया पराभवाच्या उंबरठ्यावर आहे.
कारवाईची कुऱ्ंहाड कोसळणार?
पहिल्या दिवसाच्या दुसऱ्या सत्रात रविंद्र जाडेजा गोलंदाजी करत होता. समोर उस्मान ख्वाजा होता. त्यावेळीच चेंडूला मोठा टर्न मिळायला सुरुवात झाली. पहिल्या दोन दिवसात 30 विकेट पडल्या असून महत्त्वाच म्हणजे भारतीय फलंदाजांना या खेळपट्टीवर संघर्ष करावा लागला.
ऑस्ट्रेलियन मीडियाकडून सातत्याने खेळपट्टीच्या दर्जावर प्रश्नचिन्ह निर्माण केलं जातय. इंदोर टेस्टचा निकाल लागल्यानंतर पीच क्युरेटरला बीसीसीआयसमोर हजर रहाव लागेल. इनसाइड स्पोर्ट्ने हे वृत्त दिलय. या क्युरेटरवर कारवाईची कुऱ्ंहाड कोसळू शकते.