IND vs ENG, 3rd ODI: दुसरा सामना हरल्यामुळे तिसऱ्या वनडेसाठी संघात बदल होणार? अशी असेल टीम इंडियाची Playing 11

मुंबई: भारत आणि इंग्लंड (IND vs ENG) मध्ये उद्या मँचेस्टर ओल्ड ट्रॅफर्ड येथे तिसरा एकदिवसीय सामना होणार आहे. तीन वनडे सामन्यांच्या मालिकेतील हा शेवटचा सामना आहे. मालिकेचा निकाल निश्चित करणारी ही लढत आहे. भारताने पहिल्या सामन्यात इंग्लंड वर 10 विकेट राखून दणदणीत विजय मिळवला होता. दुसऱ्या सामन्यात लॉर्ड्सवर इंग्लंडने पलटवार केला. त्यांनी भारताचा 100 धावांनी पराभव केला. त्यामुळे उद्याचा सामना दोन्ही संघांसाठी महत्त्वाचा आहे. भारत आणि इंग्लंड दोन्ही टीम्स उद्या मालिका विजयाच्या निर्धाराने मैदानात उतरतील. फक्त तिसऱ्या सामन्यासाठी कॅप्टन रोहित शर्मा (Rohit Sharma) आणि कोच राहुल द्रविड (Rahul Dravid) संघात काही बदल करणार का? हा प्रश्न आहे. सध्यातरी इतक्या महत्त्वाच्या सामन्यासाठी संघात ते कुठलाही बदल करणार नाहीत, असंच दिसतय. विराट कोहली दोन्ही वनडेत अपयशी ठरला. पण संघ व्यवस्थापन पुन्हा विराटवरच विश्वास दाखवेल. दीपक हुड़्डा आणि श्रेयस अय्यर या दोघांना बाहेर बसवण्यात येईल.

तोच संघ कायम ठेवतील?

कुठलाही संघ विनिंग कॉम्बिनेशन कधी बदलत नाही. जिंकलेल्या संघाची लय बिघडवत नाही. भारताने दुसरा सामना गमावलाय. पण ते तोच संघ कायम ठेवतील. त्यामुळे खेळाडूंना अजून आत्मविश्वास मिळेल व चांगली कामगिरी करण्यासाठी त्यांना प्रेरणा मिळेल.

सगळ्यांच्या नजरा पुन्हा एकदा विराट वर

ओल्ड ट्रॅफडवर पुन्हा एकदा सगळ्यांच्या नजरा विराट कोहलीवर असतील. कॅप्टन रोहित शर्मा सातत्याने विराटची पाठराखण करतोय. उद्याच्या सामन्यात विराटची बॅट तळपणं आवश्यक आहे. विराट भारतीय संघाचा एक महत्त्वाचा खेळाडू आहे. या मॅच आधी विराटने सोशल मीडियावर एक पोस्ट केली आहे. त्यात ‘मी पडलो, तर काय? ओह बट माय डार्लिंग, तू उडालास तर काय?’ असा संदेश त्यामध्ये आहे.

भारताची संभाव्य प्लेइंग 11

रोहित शर्मा (कॅप्टन), शिखर धवन, विराट कोहली, सूर्यकुमार यादव, ऋषभ पंत, हार्दिक पंड्या, रवींद्र जाडेजा, मोहम्मद शमी, जसप्रीत बुमराह, युजवेंद्र चहल, प्रसिद्ध कृष्णा