IND vs ENG: रोहित-सूर्याची शानदार खेळी, इंग्लंडसमोर 172 धावांचं आव्हान

suryakumar yadav and rohit sharma

Image Credit source: BCCI

कॅप्टन रोहित शर्मा आणि सूर्यकुमार यादव या जोडीने तिसऱ्या विकेटसाठी केलेल्या निर्णायक भागीदारीच्या जोरावर इंग्लंडला 172 धावांचं आव्हान दिलं आहे. टीम इंडियाने 20 ओव्हरमध्ये 7 विकेट्स गमावून 171 धावा केल्या. टीम इंडियासाठी रोहित शर्मा आणि सूर्यकुमार यादव या दोघांनी सर्वाधिक धावा केल्या. रोहितने अर्धशतक झळकावलं. हिटमॅनने 57 धावांची खेळी केली. तर सूर्यकुमारने 47 धावांचं योगदान दिलं. तर इंग्लंडकडून 6 जणांनी बॉलिंग केली. त्यापैकी 5 जण यशस्वी ठरले. चौघांनी 1-1 विकेट घेतली. तर ख्रिस जॉर्डन याने सर्वाधिक 3 विकेट्स घेतल्या.

टीम इंडियाची अपेक्षित सुरुवात झाली नाही. विराट कोहली टीम इंडियाच्या 19 धावा असताना 9 रन्स करुन आऊट झाला. त्यानंतर ऋषभ पंत 4 धावा करुन माघारी परतला. त्यामुळे टीम इंडियाची स्थिती 2 बाद 40 अशी झाली. मात्र त्यानंतर रोहित शर्मा आणि सूर्यकुमार यादव या दोघांनी टीम इंडियाचा डाव सावरला आणि चांगल्या स्थितीत आणून ठेवलं.या दोघांनी 73 धावांची भागीदारी केली. या दरम्यान रोहितने 32 वं अर्धशतक ठरलं. मात्र त्यानंतर रोहित आणि सूर्या ही सेट जोडी झटपट आऊट झाली. रोहित 57 आणि सूर्या 47 धावा करुन माघारी परतले. त्यानंतर रवींद्र जडेजाने नाबाद 17 धावा जोडल्या. हार्दिक पंड्याने 23 रन्स केल्या. अक्षर पटेलने 10 धावा केल्या. तर अर्शदीप सिंहने 1* धाव केली.

इंग्लंडकडून ख्रिस जॉर्डन याच्याशिवाय रिसे टॉपली, जोफ्रा आर्चर, सॅम करन आणि आदिल रशीद या चौघांनी 1-1 विकेट घेतली. आता इंग्लंडनंतर टीम इंडियाचे गोलंदाज कशी बॉलिंग करतात, याकडे भारतीय क्रिकेट चाहत्यांचं लक्ष असणार आहे.

इंग्लंडसमोर 172 रन्सचं टार्गेट

टीम इंडिया प्लेइंग ईलेव्हन : रोहित शर्मा (कॅप्टन), विराट कोहली, ऋषभ पंत, सूर्यकुमार यादव, शिवम दुबे, हार्दिक पंड्या, रवींद्र जडेजा, अक्षर पटेल, कुलदीप यादव, अर्शदीप सिंग आणि जसप्रीत बुमराह.

इंग्लंड प्लेइंग ईलेव्हन : जोस बटलर (कॅप्टन आणि विकेटकीपर), फिलिप सॉल्ट, जॉनी बेअरस्टो, हॅरी ब्रूक, मोईन अली, लियाम लिव्हिंगस्टोन, सॅम करन, ख्रिस जॉर्डन, जोफ्रा आर्चर, आदिल रशीद आणि रीस टोपले.