IND vs ENG 2nd Test Day 2 Live : दिवसअखेर इंग्लंडची 3 बाद 119 धावांपर्यंत मजल, रुट-बेअरस्टो जोडी मैदानात

दिवसअखेरपर्यंत इंग्लंडच्या संघाने 3 विकेट्सच्या बदल्यात 119 धावांपर्यंत मजल मारली आहे. कर्णधार जो रुट (48) आणि जॉनी बेअरस्टो (6) ही जोडी मैदानात आहे.

मोठा प्रतीक्षेनंतर भारताला तिसरी विकेट मिळाली आहे. 42 व्या षटकात मोहम्मत शमीने सलामीवीर बर्न्सला (49) पायचित केलं. (इंग्लंड 108/3)

सलामीवीर रॉनी बर्न्स (46) आणि कर्णधार जो रुटने (41) 77 धावांची भागीदारी करत धावफलकावर इंग्लंडचं शतक झळकावलं आहे.

27 षटकात दोन विकेट्सच्या बदल्यात इंग्लंडंच्या संघाने अर्धशतकी मजल मारली आहे. सलामीवीर रॉनी बर्न्स (31) आणि कर्णधार जो रुट (14) या दोघांनी खेळपट्टीवर जम बसवला आहे.

इंग्लंडने लागोपाठ दुसरी विकेट गमावली आहे. मोहम्मद सिराजने हमीदला शून्यावर त्रिफळाचित केलं. (इंग्लंड 23/2)

भारताला पहिलं यश मिळालं आहे. 15 व्या षटकात मोहम्मद सिराजने सलामीवीर डॉम सिब्ले याला के. एल. राहुलकरवी झेलबाद केलं. (इंग्लंड 23/1)

इंग्लंडच्या फलंदाजांनी चहापानापर्यंत कोणतीही जोखीम न घेता संयमी खेळ केला. दोन्ही सलामीवीरांनी 14 षटकात 23 धावा जोडल्या आहेत.

इंग्लंडच्या सलामीवीरांनी संथ सुरुवात केली आहे. रॉनी बर्न्स (9) आणि डॉम सिब्ले (6) या दोघांनी 11 षटकात 16 धावा जोडल्या आहेत.

भारताचा पहिला डाव 364 धावांवर आटोपल्यानंतर इंग्लंडने फलंदाजीला सुरुवात केली आहे. इंग्लंडकडून रॉरी बर्न्स आणि डॉमनिक सिबली फलंदाजीला आले आहेत.

रोहित शर्माचं अर्धशतक आणि केएल राहुलचं शतक याच्या जोरावर भारताने 364 धावांपर्यंत मजल मारली आहे. अखेरच्या काही षटकांत जाडेजाने संयमी फलंदाजी करत 40 धावांचे योगदान दिले.

रवींद्र जाडेजासोबत क्रिजवर बराच वेळ टिकलेला इशांत शर्मा अखेर बाद झाला आहे. जेम्स अँडरसनने त्याला पायचीत केलं आहे.

इशांत शर्मा फलंदाजी करत असून एक गोलंदाज असूनही संयमी फलंदाजीचं दर्शन तो घडवत आहे. नुकताच त्याने चौैकार ठोकला आहे.

भारतीय संघाने आपल्या दिवसातील दुसऱ्या सेशनला सुरुवात केली आहे. सध्या इशांत शर्मा आणि रवींद्र जाडेजा मैदानात आहेत.

दुसऱ्या दिवसाची सुरुवात भारतासाठी खास झाली नसून काही वेळातच भारताचे एक-एक गडी बाद होत गेले. भारताचे चार गडी दुसऱ्या दिवसाच्या सुरुवातीपासून तंबूत परतले आहेत. सध्या भारताचा स्कोर 346 वर 7 बाद असून सामन्यात लंच ब्रेक घेण्यात आला आहे. जाडेजा आणि शर्मा क्रिजवर आहेत.

पंत बाद होताच पुढच्याच ओव्हरमध्ये मोहम्मद शमीही बाद झाला आहे. शून्य धावांवर खेळणाऱ्या शमीचा विकेट मोईन अलीने टीपला.

चांगल्या लयीत असणारा ऋषभ पंत अखेर बाद झाला आहे. 37 धावा करुन पंत बाद झाला आहे. मार्क वुडच्या चेंडूवर यष्टीरक्षक जोस बटलरने पंतचा झेल पकडला आहे.

दुसऱ्या दिवसाच्या सुरुवातीलाच दोन विकेट गेल्यानंतर हळूहळू भारताने  300 धावा पूर्ण केल्या आहेत. सध्या पंत आणि जाडेजा फलंदाजी करत आहेत.

दुसऱ्या दिवशीच्या खेळाला सुरुवात होताच भारताचे दोन गडी माघारी परतले आहेत. दुसऱ्या ओव्हरमध्ये जेम्स अँडरसनने रहाणेला झेलबाद केलं आहे.

दुसऱ्या दिवशीचा खेळ सुरु होताच भारताला पहिला झटका बसला आहे. भारताला शतकासह मजबूत स्थितीत नेणारा राहुल रॉबिनसनच्या चेंडूवर झेलबाद झाला आहे.

भारताचा सलामीवीर केएल राहुल सध्या 127 धावांवर खेळत आहे. त्याचा उत्तम फॉर्म पाहता तो दुहेरी शतक ठोकेल अशी आशा व्यक्त केली जात आहे.

पहिल्या दिवसाखेर भारतीय संघाने 3 विकेट्सच्या बदल्यात 276 धावांपर्यंत मजल मारली आहे. सध्या केएल राहुल 127 तर अजिंक्य रहाणे एक धाव या स्कोरवर खेळत आहे. भारतीय संघ चांगल्या स्थितीत असल्याने एक मोठी धावसंख्या उभी करेल अशी अपेक्षा आहे.