IND vs NZ 1st T20 Result : पहिल्या टी 20 सामन्यात न्यूझीलंडचा टीम इंडियावर मोठा विजय

IND vs NZ 1st T20 : भारत दौऱ्यात न्यूझीलंडने पहिल्या विजयाची नोंद केली आहे. वनडे सीरीजमध्ये टीम इंडियाने क्लीन स्वीप केलं होतं. पण T20 मध्ये मिचेल सँटनरच्या नेतृत्वाखाली खेळणाऱ्या न्यूझीलंड टीमने चित्र बदलय. त्यांनी टीम इंडियावर 21 धावांनी विजय मिळवून तीन टी 20 सामन्यांच्या मालिकेत 1-0 अशी आघाडी घेतली आहे. न्यूझीलंडने टीम इंडियाला विजयासाठी 177 धावांच टार्गेट दिलं होतं. टीम इंडियाने निर्धारित 20 ओव्हर्समध्ये 9 बाद 155 धावा केल्या. टीम इंडियाकडून वॉशिंग्टन सुंदरने झुंजार खेळ केला. लास्ट ओव्हरपर्यंत तो क्रीझवर होता. पण तो टीम इंडियाचा पराभव टाळू शकला नाही. त्याने 28 चेंडूत 50 धावा केल्या. वॉशिंग्टन सुंदरने त्याच्या खेळीत 5 चौकार आणि 3 षटकार लगावले.

सूर्यकुमारने आस निर्माण केली

वॉशिंग्टन सुंदरशिवाय सूर्यकुमार यादवने सुध्दा विजयाची आस निर्माण केली होती. तीन विकेट झटपट गेल्यानंतर त्याने हार्दिक पंड्यासोबत 50 पेक्षा जास्त धावांची भागीदारी केली. पण धावगती वाढवण्याच्या प्रयत्नात तो बाद झाला. 12 ओव्हरच्या चौथ्या चेंडूवर इश सोढीने सूर्यकुमारला एलेनकरवी झेलबाद केलं. सूर्यकुमारने 34 चेंडूत 47 धावा केल्या. यात 6 चौकार आणि 2 षटकार होते.

दोन विकेटमुळे टीम इंडियाला झटका

सूर्यकुमार यादव बाद झाल्यानंतर पुढच्याच ओव्हरमध्ये कॅप्टन हार्दिक पंड्या आऊट झाला. ब्रेसवेलने त्याला आपल्या गोलंदाजीवर झेलबाद केले. 20 चेंडूत 21 धावा करताना एक चौकार आणि एक सिक्स मारला. 13 ओव्हर अखेरीस टीम इंडियाच्या 5/90 स्थिती होती. दोन ओव्हरमध्ये हे दोन महत्त्वाचे फलंदाज बाद झाल्यानंतर टीम इंडियाचा डाव शेवटपर्यंत सावरलाच नाही. टीम इंडियाची सुरुवात खराब झाली. टॉप ऑर्डरमधील शुभमन गिल (7), इशान किशन (4) आणि राहुल त्रिपाठी (0) वर बाद झाले.

पराभवाला अर्शदीपची ओव्हरही कारणीभूत

टीम इंडियाच्या पराभवाला अर्शदीपची लास्ट ओव्हर सुद्धा कारणीभूत आहे. या ओव्हरआधी न्यूझीलंडची धावगती नियंत्रणात होती. पण डॅरेल मिचेलने लास्ट ओव्हरमध्ये त्याची चांगलीच धुलाई केली. या ओव्हरमध्ये 27 धावा निघाल्या. 6,6,6,4,2,2 आणि एक नोबॉल टाकला.