India vs New Zealand Live, WTC Final 2021 3rd Day : न्यूझीलंडची सामन्यावर मजबूत पकड, तिसऱ्या दिवसअखेर 2 बाद 101 धावांपर्यंत मजल

टीम इंडियाच्या गोलंदाजांना दिवसअखेर दुसरं यश मिळालं आहे. इशांत शर्माने सलामीवर डेवॉन कॉनवे याला 54 धावांवर बाद केलं आहे. (न्यूझीलंड 101/2)

न्यूझीलंडच्या डावाची सुरुवात धिम्या गतीने झाली असली तरी सघाने सामन्याव चांगलीच पकड मिळवली आहे. सलामीवीर डिवॉन कॉनवे याने 137 चेंडूत 6 चौकारांच्या मदतीने अर्धशतक (54) झळकावलं आहे. त्याच्या अर्धशतकाच्या जोरावर न्यूझीलंडने 45 षटकांमध्ये 1 बाद 101 धावांपर्यंत मजल मारली आहे.

सयंकमी फलंदाजी करणारा न्यूझीलंडचा सलामीवीर डिवॉन कॉनवे याने 137 चेंडूत 6 चौकारांच्या मदतीने अर्धशतक (52) झळकावलं आहे. दरम्यान न्यूझीलंडने 44 षटकात 1 बाद 99 धावांपर्यंत मजल मारली आहे.

न्युझीलंडला पहिला झटका, टॉम लॅथम बाद, लेथमने 104 चेंडूत 30 धावा केल्या, यामध्ये 3 चौकारांचा समावेश

न्यूझीलंडच्या सलामीवीरांनी धिमी सुरुवात केली खरी, परंतु चहापानानंतर टॉम लॅथम आणि डेवॉन कॉनवे या दोघांनी आक्रमक पवित्रा घेतला आहे. दोघांनी मिळून 25 षटकांमध्ये धावफलकावर अर्धशतक झळकावलं आहे.

न्यूझीलंडने पहिल्या डावाता धिम्या गतीने सुरुवात केली आहे. न्यूझीलंड संघाने चहापानापर्यंत 21 षटकात बिनबाद 36 धावांपर्यंत मजल मारली आहे. दुसऱ्या बाजूला भारताच्या जलदगती गोलंदाजांनी टिच्चून मारा केला आहे. इशांत-शमी जोडीने न्यूझीलंडच्या फलंदाजांना जखडून ठेवलं आहे खरं, परंतु 21 षटकांच्या खेळानंतरही भारताला अद्याप यश मिळालेलं नाही.

न्यूझीलंडच्या पहिल्या डावाला सुरुवात झाल्यापासून भारताच्या जलदगती गोलंदाजांनी टिच्चून मारा केला आहे. इशांत-शमी आणि बुमराहने न्यूझीलंडच्या फलंदाजांना जखडून ठेवलं आहे खरं, परंतु 15 षटकांच्या खेळानंतरही भारताला अद्याप यश मिळालेलं नाही. न्यूझीलंडने 15 षटकात केवळ 22 धावा जमवल्या आहेत.

बुमराह टाक असलेल्या 8 व्या ओव्हरमध्ये डेवन कॉन्वेने आणखी एक चौकार ठोकला आहे.

न्यूझीलंडचा नवनिर्वाचित सलामीवीर डेवन कॉन्वेने चौकाराने आपलं खातं खोललं असून त्याने पाचव्या ओव्हरमध्ये इशांतला चौकार ठोकला आहे.

न्यूझीलंड संघाकडून टॉम लॅथमने चौथ्या ओव्हरमध्ये बुमराहच्या बॉलवर चौकार मारत न्यूझीलंडच्या संघाचे चौकारांचे खाते खोलले आहे.

भारताचा पहिला डाव 217 धावांवर आटोपला. त्यानंतर आता न्यूझीलंडच्या बॅटिंगची सुरुवात झाली असून कर्णधार विराट कोहली खेळाडूंचा आत्मविश्वास वाढवताना दिसून येत आहे.

न्यूझीलंडच्या फलंदाजीला सुरुवात झाली असून टॉम लॅथम आणि डेवन कॉन्वे मैदानात उतरले आहेत.

भारतीय संघाचा पहिला डाव संपला असून सर्व संघ मिळून 217 धावा करु शकला आहे. भारताकडून रहाणेने सर्वाधिक 49 धावा केल्या.

भारतीय संघाचा पहिला डाव 217 धावांवर संपुष्टात आला आहे. 914 व्या ओव्हरच्या पहिल्याच बॉलवर बोल्टने जाडेजाला बाद करत भारतीय संघाला ऑलआऊट केलं आहे.

वारीच्या शासन निर्णयावरूनच आळंदी आणि देहू संस्थानात वेगवेगळे निर्णय

शासनाचा निर्णय देहू संस्थानला मान्य, आमची कोणतीही मागणी शासनाकडे नसल्याचं देहू संस्थानचं म्हणणं,

तर वारीला अश्वासाठी परवानगी द्या, आळंदी देवस्थानची मागणी,

उद्याच्या राज्यपालांना भेटायला जाणाऱ्या वारकरी शिष्टमंडळात देहू संस्थांन सहभागी होणार नाही,

शासनाचा निर्णय मान्य, देहू संस्थानची वारीची तयारी सुरू,

मात्र आळंदी देवस्थानची भूमिका अजूनही ठरेना,

वारीवरून वारकऱ्यांमध्येच संभ्रम

न्यूझीलंडच्या कायिल जॅमिसनने लागोपाठ दोन विकेट घेत भारताची अवस्था 217 वर 9 बाद केली आहे.

लंच ब्रेकनंतर काही वेळातच कायिल जॅमिसनने आणखी एक विकेट घेतला आहे. इशांत शर्माला बाद करत भारताची स्थिती 213 वर 8 बाद केली आहे.

लंच ब्रेकनंतर पुन्हा खेळाला सुरुवात झाली आहे. 90 वी ओव्हर कायल जेमिसन टाकत असून जाडेजा आणि इशांत क्रिजवर आहे.

तिसऱ्या दिवशीचे पहिले सेशन संपले असून भारत 7 बाद 211 या स्थितीत आहे. जाडेजा आणि इशांत फलंदाजी करत आहे.

एक चौकार खेचल्यानंतर दुसऱ्याच बॉलवर साऊदीने आश्विनची शिकार केली. स्लीपमध्ये उभा असलेल्या लॅथमने आणखी एक झेल पकडत भारताला सातवा झटका दिला आहे.

आश्विनच्या चौकारात आणखी एका चौकाराची भर पडली आहे. साऊदीच्या बॉलवर आणखी एक चौकार आश्विनने खेचला आहे.

टीम साऊदीला 84 व्या ओव्हरमध्ये आश्विनने एक कडक चौकार मारला आहे. 84 ओव्हरनंतर भारताचा स्कोर 198 वर 6 बाद आहे.

आश्विनने 83 व्या ओव्हरच्या शेवटच्या बॉलवर बोल्टला एक उत्कृष्ट चौकार खेचला आहे. 83 ओव्हरनंतर भारताचा स्कोर 190 वर 6 बाद झाला आहे.

अजिंक्य रहाणे बाद झाल्यानंतर रवीचंद्रन आश्विन फलंदाजीसाठी आला आहे. त्यामुळे सध्या जाडेजा आणि आश्विन हे दोन्ही फिरकीपटू फलंदाजी करत आहेत.

अजिंक्य रहाणे बाद, नील वॅगनरच्या चेंडूवर लॅथमने टीपला उत्कृष्ट झेल

रवींद्र जाडेजाने 78 व्या ओव्हरच्या अखेरच्या बॉलवर उत्कृष्ट शॉट खेळत चौकार मिळवला आहे.

तिसऱ्या दिवशी सुरुवातीपासून कायिल जॅमिन्सन आणि बोल्टकडून गोलंदाजी सुरु होती. 78 व्या ओव्हरला न्यूझीलंडने कॉलीन डी-ग्रँडहोमला गोलंदाजी दिली असून पहिल्याच चेंडूवर रहाणेने चौकार ठोकला आहे.

पहिले दोन्ही दिवस हवामान खराब असल्यामुळे चांगला खेळ होऊ शकला नाही. आता तिसऱ्या दिवशी मैदानात थोडं ऊन पडल्याने आज संपूर्ण ओव्हर्सचा सामना होण्याची आशा आहे.

रवींद्र जाडेजाने चौकार मारत धावा करण्यास सुरुवात केली आहे. 75 ओव्हरनंतर भारताचा स्कोर 161 वर 5 बाद आहे.

जेमिन्सने आणखी एक महत्त्वाचा विकेट घेत ऋषभ पंतला बाद केले आहे. स्लीपमध्ये लॅथमने पंतचा झेल पकडला. आता फलंदाजसाठी रवींद्र जाडेजा आला आहे.

बऱ्याच प्रतिक्षेनंतर भारतीय संघाच्या खात्यात चौकार पडला आहे. ऋषभ पंतने जेमिन्सनला चौकार ठोकला आहे.

भारतीय संघाने अखेर 150 धावांचा टप्पा पूर्ण केला आहे. चार विकेट्सच्या बदल्यात भारताने 150 धावा पूर्ण केल्या आहेत 71 ओव्हरनंतर भारताचा स्कोर 150 असून रहाणे आणि पंत क्रिजवर आहेत.

भारतीय संघाचा कर्णधा विराट कोहली बाद, 68 व्या ओव्हरमध्ये कायिल जॅमिन्सनच्या चेंडूवर कोहली पायचीत

अर्धा तास उशिराने सामना सुरु झाला असून विराट आणि अजिंक्य मैदानात उतरले आहेत.

मैदानाची तपासणी पूर्ण झाली असून लवकरच तिसऱ्या दिवशीचा खेळ सुरु करण्यात येणार आहे. भारतीय प्रमाणवेळेनुसार 3.30 ला सामन्याला सुरुवात होणार आहे.

खराब वातावरणामुळे तिसऱ्या दिवशीच्या खेळाला विलंब होणार असल्याचे नुकतेच आयसीसीने स्पष्ट केले. सध्या मैदानाची तपासणी सुरु असून लवकरच खेळ सुरु करण्याचा प्रयत्न केला जात आहे.

वर्ल्ड टेस्ट चॅम्पियनशीपच्या फायनल सामन्याचा तिसरा दिवसाचा खेळ सुरु होण्यापूर्वी मैदानाची आणि हवामानाची स्थिती पाहिली जात आहे. तज्ज्ञमंडळी मैदानात उतरले असून पुढील तपासणी भारतीय वेळेनुसार दुपारी 2.50 मिनिटांनी होईल.