India vs New Zealand T20 World Cup 2021: न्यूझीलंडचा तगडा विजय, भारताला 8 विकेट्सनी दिली मात

111 धावाचं आव्हान न्यूझीलंडने सहज पार केलं आहे. केवळ 2 विकेट्स गमावत न्यूझीलंडने भारतावर विजय मिळवला आहे. मिचेलच्या 49 आणि केनच्या नाबाद 33 धावांनी न्यूझीलंडला विजय मिळवून दिला.

दमदार फलंदाजी करणाऱ्या मिचेलची विकेट बुमराहने पटकावली आहे. न्यूझीलंडचे दोन गडी बाद झाले असले तरी त्यांना 44 ओव्हरमध्ये केवळ 15 धावांची गरज आहे.

बऱ्याच दिवसानंतर अखेर हार्दीक पंड्या गोलंदाजीला आला आहे. तो त्याची पहिली ओव्हर टाकत आहे.

न्यूझीलंडने केवळ एक विकेट गमावली असताना आता 54 चेंडूत केवळ 22 धावांची गरज त्यांना आहे.

सामन्यात स्थान देण्यात आलेल्या शार्दूलला फलंदाजीत खास कामगिरी करता आली नाही. त्यानंतर गोलंदाजीतही पहिल्याच षटकात त्याने 14 धावा दिल्या आहेत. 10 षटकानंतर न्यूझीलंडचा स्कोर 83 धावा झाला आहे.

जाडेजा आज अतिशय महाग ठरत असून आठव्या षटकातही केनने त्याला एक चौकार लगावला आहे.

मिचेलने जाडेजाच्या ओव्हरमध्ये षटकार, चौकार ठोकल्यानंतर आता शमीच्या ओव्हरमध्येही एक चौकार लगावला आहे.

जाडेजाची ओव्हर अतिशय महाग पडत असून षटकारानंतर दोन चौकार न्यूझीलंडने लगावले आहेत. त्यामुळे सहाव्या ओव्हरमधून 14 धावा न्यूझीलंडला मिळालेल्या आहेत.

सहाव्या ओव्हरच्या दुसऱ्या चेंडूवर जाडेजाला मिचेलने षटकार लगावला आहे.

अवघ्या 111 धावांचं आव्हान असल्याने भारताला लवकरात लवकर विकेट घेणं गरजेचं आहे. बुमरहाने एक विकेट घेतली असली तरी विल्यमसन ही महत्त्वाची विकेट अजूनही भारताच्या जाळ्यात अडकणं बाकी आहे.

अवघ्या 111 धावांचे आव्हान समोर असताना न्यूझीलंडने उत्तम फलंदाजीने खेळाची सुरुवात केली. पण चौथ्या षटकात बुमराहने मार्टीन गप्टीलची विकेट घेतली आहे.

सर्वच फलंदाजनी सुमार कामगिरी केल्यामुळे भारताचा डाव 110 धावांवर आटोपला आहे. सर्वाधिक हार्दीकने 23 आणि जाडेजाने नाबाद 26 धावा केल्या आहेत.

अखेरच्या षटकात जा़डेजा अधिक धावा करेल अशी आशा सर्वांना असून तिसऱ्या चेंडूवर जाडेजाने षचकार ठोकला आहे.

19 व्या षटकात दोन गडी बाद झाल्यानंतर पाचव्या चेंडूवर रवींद्र जाडेजाने चौकार ठोकला आहे. अद्यापही भारताच्या 100 धावा पूर्ण झालेल्या नाहीत.

शार्दूल ठाकूर एकही धाव न करता तंबूत परतला आहे. बोल्टच्या चेंडूवर मार्टीननेच त्याची कॅच घेतली आहे.

सर्व गडी एका मागोमाग एक बाद होत असताना टिकून खेळणारा हार्दीक पड्या 23 धावा करुन बाद झाला आहे. बोल्टच्या चेंडूवर गप्टीलने झेल पकडला आहे.

शेवटच्या 6 ओव्हर शिल्लक असल्याने 15 व्या ओव्हरमध्ये मोठा शॉट खेळण्याच्या प्रयत्नात ऋषभ पंत अॅडम मिल्ने याच्या चेंडूवर त्रिफळाचित झाला आहे.

4 गडी तंबूत परतले असताना सध्या क्रिजवर असणारे हार्दीक पंड्या आणि ऋषभ पंत संयमी खेळी खेळताना दिसत आहेत. 14 षटकानंतर 67 वर 4 बाद असा भारताचा स्कोर आहे.

भारताच्या फलंदाजांनी आजही खराब कामगिरीने सुरुवात केली आहे. 11 व्या षटकाच्या पहिल्या चेंडूवर विराट कोहलीही बाद झाला आहे. इश सोढीच्या चेंडूवर तो झेलबाद झाला आहे.

10 षटकं संपली असून ड्रिंक्स ब्रेक झाला आहे. भारताच्या खात्यात केवळ 48 धावा असून रोहित, राहुल, इशान असे तीन गडी तंबूत परतले देखील आहेत. त्यामुळे न्यूझीलंडचा संघ सामन्यात पुढे आहे.

तिसऱ्या षटकात जीवदान मिळाल्यानंतर रोहितला बराच काळ नाही क्रिजवर टिकता आलं. आठव्या ओव्हरमध्ये इश सोढीच्या चेंडूवर मार्टीन गप्टीलने लाँग ऑनला त्याचा झेल टीपला आहे.

भारताचे दोन गडी बाद झाले आहेत. पण ही संख्या तीन असती जर तिसऱ्या षटकात रोहित शर्माचा झेल सुटला नसता. दरम्यान या जीवदानावेळी रोहितची पत्नी रितीकाने दिलेली रिएक्शन पाहण्याजोगी होती.

भारतीय खेळाडूंनी आक्रमक अंदाज घेऊन खेळण्यास सुरुवात केली होती. पण हीच गोष्ट भारताला महाग पडली आणि केएल राहुल बाद झाला. 18 धावा करुन साऊदीच्या चेंडूवर डॅरेलनेचं त्याची कॅच घेतली आहे.

भारतीय खेळाडू थोडा आक्रामक अंदाज घेऊन खेळण्यासाठी सज्ज झाले आहेत. सहाव्या षटकाच्या पहिल्याच चेंडूवर केएल राहुलने चौकार लगावला आहे.

रोहित शर्माने पाचव्या ओव्हरच्या शेवटच्या दोन चेंडूवर चौकार आणि षटकार लगावला आहे. सामन्यातील पहिला षटकार रोहितनेच ठोकला आहे.

तिसऱ्या षटकात रोहित शर्माला एक जीवदान मिळाल्यावर दोन्ही फलंदाजानी चौथी ओव्हर आरामात खेळले. पण पाचव्या ओव्हरच्या पहिल्याच चेंडूवर राहुलने चौकार लगावला आहे.

इशानला सामन्यात संधी दिल्याने ऐरवी सलामीला येणारा हिटमॅन रोहित शर्मा आज वनडाऊन आला आहे.

विश्वचषकातील पहिलाच सामना खेळणारा इशान किशन केवळ 4 धावा करुन बाद झाला आहे. बोल्टच्या चेंडूवर डॅरिल मिचेलने त्याचा झेल पकडला आहे.

काही चेंडू एकही धाव न घेतल्यानंतर तिसऱ्या षटकाच इशान किशनने चौैकार ठोकत खातं खोललं आहे.

दुसऱ्या षटकाच्या चौथ्या चेंडूवर केएल राहुलने चौकार ठोकत संघाला पहिला चौकार मिळवून दिला आहे.

आज संघात सूर्यकुमारच्या जागी इशानला संधी देण्यात आली आहे. त्यामुळे सलामीवीर म्हणून केएल राहुल आणि इशान मैदानात आले आहेत.

आजच्या सामन्यापूर्वी भारताने दोन महत्त्वाचे बदल केले असून सूर्यकुमारच्या जागी इशानला आणि भुवनेश्वरच्या जागी शार्दूलला संधी दिली आहे. सूर्यकुमार दुखापतीमुळे सामन्यास मुकत आहे.

विराट कोहलीने पुन्हा एकदा नाणेफेक गमावल्यामुळे न्यूझीलंडच्या केनने नाणेफेक जिंकत गोलंदाजीता निर्णय़ घेतला आहे.

महत्त्वाच्या सामन्यासाठी भारतीय संघ दुबईच्या आंतरराष्ट्रीय मैदानाकडे रवाना झाला आहे. हॉटेलमधून सर्व संघ बसने मैदानात पोहचत आहे.

भारत आणि न्यूझीलंड या सामन्यासाठीचा आजचा दिवस अतिशय विशेष आणि ऐतिहासिक आहे. कारण आजपासून  34 वर्षांपूर्वी म्हणजेच 31 ऑक्टोबर, 1987 रोजी भारत वि. न्यूझीलंड यांच्यातील विश्व चषकाच्या सामन्यात नागपूर येथे माजी भारतीय पेसर चेतन शर्मा यांनी न्यूझीलंडच्या तीन फलंदाजाना सलग बाद करत हॅट्रीक घेतली होती.

आतापर्यंत भारत आणि न्यूझीलंड संघामध्ये खेळवण्यात आलेल्या टी20 सामन्यांचा विचार करता एकूण 17 सामने खेळवले गेले आहेत. ज्यातील प्रत्येकी 8 सामने दोघांनी जिंकले असून एक अनिर्णीत सुटला आहे.

पहिला सामना पाकिस्तान संघाविरुद्ध तब्बल 10 विकेट्सनी गमावल्यानंतर आता स्पर्धेत टिकून राहण्यासाठी आजचा न्यूझीलंडविरुद्धचा सामना भारतासाठी फार महत्त्वाचा आहे.