India vs Pakistan T20 world cup 2021 LIVE Score: पाकिस्तानचा दमदार विजय, 10 विकेट्सनी सामना जिंकत भारताला केलं पराभूत

भारताच्या 152 धावाचं आव्हान पाकने एकही विकेट न गमावता जिंकला आहे. बाबरने 68 आणि रिजवानने 79 धावा करत सामना जिकून दिला.

बाबर आजमनंतर आता दुसरा ओपनर रिजवाननेही अर्धशतक पूर्ण केलं आहे.

पाकिस्तानचे 14 षटकानंतर 112 रन झाले आहेत. अजूनही एकही विकेट पडली नसून दोन्ही सलामीवीर मैदानात टिकून आहेत.

पाकिस्तानचा कर्णधार बाबर आजमने षटकार ठोकत त्याचं अर्धशतक पूर्ण केलं आहे.

13 व्या षटकाच्या दुसऱ्या चेंडूवर रिजवानने  आणि चौथ्या चेंडूवर बाबर आजम षटकार ठोकला आहे.

पाकिस्तान संघाचे 10 ओव्हरची फलंदाजी झाली असून त्यांनी 71 धावा केल्या आहेत. आता उर्वरीत 10 षटकात त्यांना 81 धावा करायच्या आहेत. विशेष म्हणजे त्यांचा एकही फलंदाज बाद झालेला नाही.

पावरप्लेमध्ये पाकिस्तान संघाने दमदार फऱलंदाजी करत 43 धावा एकही विकेट न गमावता केल्या आहेत.

मोहम्मद शमी फेकत असलेल्या पाचव्या षटकात  पाकिस्तानने दोन चौकार लगावले आहेत.

दुसऱ्या षटकाच्या पाचव्या चेंडूवरही बाबरने चौकार लगावला आहे. 2 ओव्हरनंतर पाकिस्तानचा स्कोर 18 झाला आहे.

पाकिस्तानच्या बाबरने दमदार सुरुवात करत दुसऱ्या आणि तिसऱ्या चेंडूवर चौकार आणि षटकार लगावला आहे.

152 धावा करण्यासाठी पाकिस्तानचे सलामीवीर मोहम्मद रिजवान आणि बाबर आजम फलंदाजीला आले आहेत.

त्यंत खराब सुरुवात होऊनही भारताने कमबॅक करत 151 धावा स्कोरबोर्डवर लगावल्या आहेत. यामध्ये कर्णधार कोहलीने एकहाती झुंज देत 49 चेंडूत 57 तर पंतने 39 धावा करत थो़डा डाव सावरला. ज्यामुळे पाकसमोर 152 धावांचे आव्हान आहे.

विराटने सामन्यात अर्धशतक झळकावत टी20 विश्वचषकात सर्वाधिक अर्धशतकं लगावण्याचा रेकॉर्ड केला आहे. याआधी वेस्ट इंडिजच्या ख्रिस गेलने 9 अर्धशतकं लगावली होती. विराटनेही 9 अर्धशतकं लगावली असून आजच्या अर्धशतकासह त्याची टी20 विश्वचषकात 10 अर्धशतकं झाली आहेत.

रवींद्र जाडेजाने विराट पाठोपाठ एक चौैकार लगावला आहे. पण पुढच्याच चेंडूवर मोहम्मद नवाजने त्याचा झेल पकडला आहे.

अर्धशतक पूर्ण होताच विराटने हात खोलण्यास सुरुवात केली असून त्याने एक तडफदार चौकार लगावला आहे.

अत्यंत तणावाखाली खेळत भारतीय संघाचा कर्णधार विराट कोहलीने दमदार अर्धशतक ठोकत संघाचा डाव सांभाळला आहे.

विराटने दोन चौैकार लगावत डाव सांभाळण्याचा प्रयत्न केला आहे. 16 व्या षटकात त्याने हसन अलीला चौकार लगावले आहेत.

भारतीय संघाचं अखेर शतक पूर्ण झालं असून 15 ओव्हरनंतर भारताचा स्कोर 100 धावा आहे. सध्या विराट आणि रवींद्र जाडेजा फलंदाजी करत आहेत.

विराट कोहलीने 14 व्या षटकाच्या पाचव्या चेंडूवर मागच्या बाजूस चौकार लगावला आहे.

चांगल्या लयीत असलेला ऋषभ पंत 39 धावा करुन 13 व्या षटकात झेलबाद झाला आहे.शादाब खानच्या ओव्हरमध्ये त्यानेच पंतचा झेलही घेतला आहे.

ऋषभने 12 व्या ओव्हरमध्ये लागोपाठ दोन षटकार लगावले आहेत.

पंतने दमदार असा 80 मीटरचा षटकार तेही एका हाताच्या जोरावर लगावला आहे.

भारतीय फलंदाजानी 10 ओव्हर खेळून झाल्या आहेत. भारताचे 3 गडी बाद झाले असून 60 धावा झाल्या आहेत.

10 व्या षटकाच्या दुसऱ्याच चेंडूवर ऋषभ पंतने एक उत्तम गॅपमध्ये चेंडू मारत चौकार लगावला आहे.

9 व्या ओव्हरच्या शेवटच्या चेंडूवर पंतने स्वीप शॉट लगावत मागच्या बाजूस चौकार खेचला आहे.

ऋषभ पंत थोडक्यात बाद होता होता वाचला आहे. 8 व्या ओव्हरमध्ये हाफीजच्या चेंडूवर यष्टीरक्षकाच्या हातात चेंडू गेला पाककडून अपील करण्यात आली पण पंचानी नाबाद दिले. तरी पाकने रिव्ह्यूय घेतला. पण तिसऱ्या पंचानीही नाबाद दिल्यानंतर पंत वाचला आणि पाकचा एक रिव्ह्यूयही वाया गेला आहे.

विराट कोहलीने शानदार स्केवर कट मारत चौैकार लगावला आहे.

थोड्या चांगल्या लयीत दिसणारा सूर्यकुमार यादवही यष्टीरक्षकाच्या हाती हसन अलीच्या चेंडूवर झेलबाद झाला आहे.

सूर्यापाठोपाठ कोहलीही आता हात खोलायला बघत असून त्याने शाहीन आफ्रिदीला षटकार लगावला आहे.

षटकार लगावल्यानंतर सूर्यकुमारने चौथ्या ओव्हरच्या अखेरच्या चेंडूवर चौैकार लगावला आहे.

दोन विकेट पटापट गेल्यानंतर सूर्यकुमार यादवने पहिला वहिला षटकार लगावला आहे.

केएल राहुलही त्रिफळाचीत होत तंबूत परतला आहे. विशेष म्हणजे शाहीन आफ्रिदीनेच त्याचीही विकेट घेतली आहे.

भारताचा सलामीवीर रोहित शर्मा पहिल्याच षटकात शाहीन आफ्रिदीच्या चेंडूवर तंबूत परतला आहे.

प्रथम फलंदाजी आली असल्याने भारताचे फलंदाज मैदानात आले आहेत. सध्या केएल राहुल आणि रोहित शर्मा मैदानात आहेत.

बाबर आझम (कर्णधार), मोहम्मद रिझवान, फखर जमान, मोहम्मद हफीज, शोएब मलिक, आसिफ अली, इमाद वसीम, शादाब खान, हसन अली, शाहीन आफ्रिदी, हरीस रौफ

केएल राहुल, रोहित शर्मा, विराट कोहली (कर्णधार), सूर्यकुमार यादव, ऋषभ पंत, हार्दिक पंड्या, रवींद्र जाडेजा,  भुवनेश्वर कुमार, मोहम्मद शमी, जसप्रीत बुमराह, वरुण चक्रवर्ती

नाणेफेक जिंकत पाकिस्तानने प्रथम गोलंदाजी निवडली आहे.

बाबर आझम (कर्णधार), मोहम्मद रिझवान, फखर जमान, मोहम्मद हफीज, शोएब मलिक, आसिफ अली, इमाद वसीम, शादाब खान, हसन अली, शाहीन आफ्रिदी, हरीस रौफ, हैदर अली.

भारत-पाकिस्तान सामन्यापूर्वी सध्या शारजाहच्या मैदानात बांग्लादेश विरुद्ध श्रीलंका सामना सुरु असून बांग्लादेश प्रथम फलंदाजी करत आहे.

भारत: केएल राहुल, रोहित शर्मा, विराट कोहली (कर्णधार), सूर्यकुमार यादव, ऋषभ पंत, हार्दिक पंड्या, रवींद्र जाडेजा, रवीचंद्रन अश्विन, भुवनेश्वर कुमार, मोहम्मद शमी, जसप्रीत बुमराह

पाकिस्तान– बाबर आजम, मोहम्मद रिजवान, फखर जमान, मोहम्मद हाफीज, शोएब मलिक, आसिफ अली, शादाब खान, इमाद वसीम, शाहीन शाह अफरीदी, हसन हली आणि हारिस रऊफ.

भारत आणि पाकिस्तान T20 वर्ल्ड कपमध्ये 5 वेळा आमने-सामने आले आहेत. यात दरवेळी भारताने विजय मिळवला आहे. तर एकूण  T20 सामन्यांचा विचार करता 8 वेळा दोघेही भिडले असून भारत 6 वेळा तर पाकिस्तान 1 एकदा जिंकली असून एक सामना अनिर्णीत सुटला आहे.

भारतीय संघ टी-20 विश्वचषक स्पर्धेत आजपासून (24 ऑक्टोबर) आपली मोहिम सुरु करणार आहे. पहिल्याच सामन्यात भारतीय संघ आपला कट्टर प्रतिस्पर्धी पाकिस्तानशी दोन हात करणार आहे.