India vs Scotland T20 world cup 2021: भारताचा मोठा विजय, 39 चेंडूत संपवला सामना, स्कॉटलंडवर 8 विकेट्सनी विजय

सूर्यकुमार यादवने षटकार ठोकत भारताला विजय मिळवून दिला आहे. भारताने 8 विकेट्सने सामना जिंकला आहे.

विजयासाठी अवघ्या 4 धावांची गरज असताना केएल राहुल झेलबाद झाला आहे.

धडाकेबाज फलंदाजी करत केएल राहुलने केवळ 18 चेंडूत अर्धशतक पूर्ण केलं आहे.

भारताने दमदार फलंदाजी सुरुच ठेवली असताना रोहित मात्र मोठा शॉट खेळायला गेला आणि पायचीत झाला. स्कॉटलंडच्या व्हीलने त्याला बाद केलं आहे.

4 ओव्हरमध्येच भारताने 50 धावा पूर्ण केल्या आहेत. भारताच्या 53 धावांमध्ये दोन्ही सलामीवीरांनी 26-26 धावा केल्या आहेत.

तिसऱ्या षटकाच्या सुरुवातीच्या चेंडूवर राहुलने चौकार, षटकार ठोकून सुरुवात केली आहे.

भारताने दमदार सुरुवात करत पहिल्या दोन षटकातचं 23 धावा केल्या आहेत. राहुलने खास हीटींग करण्यास सुरुवात केली आहे.

वॉटला बाद करत बुमराहने स्कॉटलंडच्या शेवटच्या गड्यालाही तंबूत धाडलं आहे. त्यामुळे त्यांचा डाव 85 वर आटोपला असून भारताला विजयासाठी केवळ 86 धावांची गरज आहे.

पहिल्या चेंडूवर त्रिफळाचीत, दुसऱ्या चेंडूवर धावचीत विकेटनंतर शमीच्या तिसऱ्या चेंडूवर त्याने एव्हान्स याला त्रिफळाचीत केलं आहे.

शमीने पहिल्या चेंडूवर विकेट घेतल्यानंतर त्याच्या ओव्हरच्या दुसऱ्या चेंडूवरच नुकताच फलंदाजीला आलेला शरीफ बाद झाला. यावेळी क्षेत्ररक्षणासाठी मैदानात आलेल्या इशान किशनने शरीफला धावचीत केलं आहे.

मोहम्मद शमीने दुसरी विकेट मिळवत स्कॉटलंडच्या मॅक्लॉयड याला बाद केलं आहे. शमीच्या चेंडूवर मॅक्लॉयड त्रिफळाचीत झाला आहे.

आर आश्विनने 14 व्या षटकात स्कॉटलंडच्या ख्रिसला बाद केलं आहे. सीमारेषेजवळ हार्दीकने कॅच घेतली आहे.

जाडेजानी अप्रतिम गोलंदाजी सुरुच ठेवली आहे. त्याने सामन्यातील तिसरा विकेट मिळवला आहे. चांगल्या लयीत असलेल्या लिस्कला जाडेजाने पायचीत केले आहे.

स्कॉटलंडचा संघ अडचणीत असताना लिस्क याने शमीच्या ओव्हरमध्ये एक चौैकार आणि षटकार ठोकत डाव सावरण्याचा प्रयत्न केला आहे.

एकामागोमाग एक विकेट पडत असताना अखेर 10 व्या षटकात लिस्क याने वरुणच्या चेंडूवर चौकार लगावला आहे.

जाडेजाने एकाच षटकात दुसरी विकेटही मिळवली आहे. जाडेजाच्या चेंडूवर मॅथ्यू क्रॉस हा पायचीत झाला आहे.

अगदी जादूई चेंडू टाकत भारताचा अष्टपैलू फिरकीपटू रवींद्र जाडेजाने स्कॉटलंडचा तिसरा गडी बाद केला आहे. त्याने बर्निंगटन याला शून्यावर बाद केलं आहे.

स्कॉटलंडचा सलामीवीर जॉर्ड मुन्सी उत्तम फलंदाजी करताना दिसत होता. पण त्याचीच विकेट मोहम्मद शमीने घेतली आहे. हार्दीकने त्याचा झेल घेतला आहे.

भारतीय गोलंदाज अप्रतिम गोलंदाजी करत असून 5 ओव्हरनंतर स्कॉटलंडचा स्कोर केवळ 27 धावा असून त्यांनी एक गडीही गमावला आहे.

तिसऱ्या षटकात बुमराहने भारताला पहिलं यश मिळवून दिलं आहे. स्कॉटलंडचा कर्णधार कायल कोटजेर याला बुमराहने त्रिफळाचीत केलं आहे.

सामन्यातील दुसऱ्याच ओव्हरमध्ये मुन्से याने चौकार लगावला आहे. दोन ओव्हरनंतर स्कॉटलंडचा स्कोर 13 झाला आहे.

पहिली ओव्हर बुमराहने उत्तम टाकली. पण अखेरच्या चेंडूवर मुन्सीने षटकार खेचत ओव्हरमध्ये एकून 8 स्कॉलंडच्या नावे केल्या.

स्कॉटलंड विरुद्ध भारत सामन्याला सुरुवात झाली असून स्कॉटलंडचे सलामीवीर मैदानात आहेत. तर भारताकडून बुमराहने गोलंदाजीला सुरुवात केली आहे.

भारताने नाणेफेक जिंकत गोलंदाजी निवडली असून मागील सामन्यातील संघामध्ये फक्त एक बदल केला आहे. अष्टपैलू शार्दूल ठाकूरला बेंचवर बसवून मिस्ट्री स्पीनर वरुण चक्रवर्तीला संघात घेतलं आहे.

विश्वचषकात एकदाही नाणेफेक न जिंकलेल्या विराटने आज नाणेफेक जिंकली आहे. भारताने प्रथम गोलंदाजीचा निर्णय घेतला आहे.

भारत आणि स्कॉटलंड सामन्यापूर्वी न्यूझीलंड आणि नामिबीया यांच्यात सामना झाला. ज्यात न्यूझीलंडने नामिबीयाला 52 धावांनी मात दिली आहे.

भारतीय संघ आजच्या सामन्यासाठी रणनीती तयार करताना दिसून आला. सरावादरम्यान सर्व खेळाडू रणनीती करत असल्याचा फोटो बीसीसीआयने पोस्ट केला आहे.

भारत विरुद्ध स्कॉटलंड सामन्यापूर्वी खेळपट्टी कशी आहे याचा फोटो बीसीसीआयने पोस्ट केला आहे.

नाणेफेक आणि विराट यांचा अगदी 36 चा आकडा आहे. यंदाच्या विश्वचषकाततर एकदाही विराट नाणेफेक जिंकलेला नाही. त्यामुळे आजतरी विराटचं नशीब चमकणार का? हे पाहावं लागेल.

किरण गोसावीच्या पोलीस कोठडीत वाढ

8 नोव्हेंबर पर्यत पोलीस कोठडीत ठेवण्याचे न्यायालयाचे आदेश

नागपूर

काही दिवसांपूर्वी शिवसेनेतून राष्ट्रवादीमध्ये गेलेले शेखर सावरबांधे यांची राष्ट्रवादीच्या प्रदेश सरचिटणीस पदी नियुक्ती

शेखर सावरबांधे यांनी राष्ट्रवादीचे नेते प्रफुल पटेल यांच्या उपस्थितीत केला होता राष्ट्रवादी काँग्रेसमध्ये प्रवेश

त्यांच्या सोबत काही कार्यकर्त्यांनी सुद्धा केला होता प्रवेश

महापालिका निवडणुकीच्या दृष्टीने राष्ट्वादीला बळ मिळण्याची शक्यता

पुणे

किरण गोसावीच्या पोलीस कोठडीत वाढ

8 नोव्हेंबर पर्यत पोलीस कोठडीत ठेवण्याचे न्यायालयाचे आदेश

ठाणे महापालिका हद्दीत येणाऱ्या शीळफाटा येथे चिंतामणी हॉटेलसमोर एमआयडीसीची मोठी जलवाहिनी फुटल्याने नागरिकांच्या घरात पाणी शिरले आहे. जांभूळ जलशुद्धीकरण केंद्रातून नवी मुंबई येथील महापे या ठिकाणी या जलवाहिनी द्वारे पाणीपुरवठा केलं जातं. काही लोक पाण्यामुळे घरात अडकल्याची प्राथमिक माहिती प्रत्यक्षदर्शी नागरिकांनी दिली आहे.

श्रीनगर

जम्मू काश्मीर – दहशतवाद्यांचा सुरक्षा दलावर मोठा हल्ला

बेमिना मधील स्कीमस मेडिकल कॉलेजजवळ हल्ला

रुग्णालयातील सुरक्षा दलांवर जोरदार गोळीबार

भारतीय सैन्यदलाकडून सर्च ऑपरेशन सुरू

पुणे

– जिल्ह्याच्या ग्रामीण भागाला दिलासा देणारी बातमी,

– कोरोना रुग्णांची संख्या कमी झाल्यामुळे ग्रामीण भागातील हॉटस्पॉट गावांची संख्या घटली,

– सध्या ग्रामीण भागात केवळ ३४ गावे हॉटस्पॉट आहेत,

– या गावांमध्ये दहापेक्षा अधिक करोनाचे रुग्ण असल्याने ही हॉटस्पॉट गावे म्हणून गणली जात आहेत.

– करोनाच्या दुसऱ्या लाटेत हॉटस्पॉट गावांची संख्या ४६५ पर्यंत पोहोचली होती.

टीम इंडियाचा टी 20 विश्वचषकातील आजचा स्कॉटलंडविरुद्धचा सामना स्टार स्पोर्ट्स नेटवर्कवर (स्टार स्पोर्ट्स 1, स्टार स्पोर्ट्स 2 आणि स्टार स्पोर्ट्स 3) हिंदी आणि इंग्रजी भाषेत थेट प्रसारित केले जातील. या सामन्याचे ऑनलाइन लाइव्ह स्‍ट्रीमिंग डिस्ने+ हॉटस्टारवर ऑनलाइन पाहू शकता