IND VS SA: राहुल द्रविड ‘त्या’ कृतीमुळे ठरला हिरो, सोशल मीडियावर VIDEO होतोय व्हायरल

जोहान्सबर्ग: सेंच्युरियनच्या (Centurion test) पहिल्या कसोटी सामन्यात काल मधल्या फळीतील फलंदाज चेतेश्वर पूजारा (Cheteshwar pujara) शून्यावर बाद झाला. एकाबाजूला केएल राहुलने शतक आणि मयांक अग्रवालने अर्धशतक झळकावले. पण त्याचवेळी पूजारा शून्यावर बाद होऊन तंबूत परतला. मयांक बाद झाल्यानंतर पुजाराने लगेच तंबुची वाट धरली. त्यामुळे संघावरील दबाव अचानक वाढला होता. खरंतर पुजाराकडूनही रहाणेप्रमाणे दमदार खेळीची अपेक्षा आहे. पण तो काल अपयशी ठरला. पहिल्याच चेंडूवर पूजारा बाद झाला. निगीडीच्या गोलंदाजीवर चेंडूने पुजाराच्या बॅटची कड घेतली व शॉर्ट लेगवर उभ्या असलेल्या खेळाडूने त्याचा सोपा झेल घेतला.

गोल्डन डकवर बाद झाल्यानंतर पुजाराने कपडे चेंज करुन ड्रेसिंग रुममध्ये प्रवेश केला. त्यावेळी हेड कोच राहुल द्रविड आपल्या जागेवरुन उठले व त्यांनी पुजाराची पाठ थोपटली. राहुल द्रविडच्या त्या कृतीनंतर पुजाराच्या चेहऱ्यावर हास्य होते. द्रविड आणि पूजाराचा ड्रेसिंग रुममधील तो व्हिडिओ व्हायरल होत असून क्रिकेट चाहत्यांनी राहुल द्रविडला सलाम केला आहे.

सेंच्युरियनचे मैदान नेहमीच अनलकी
चेतेश्वर पूजारासाठी सेंच्युरियनचे मैदान नेहमीच अनलकी ठरले आहे. तीन वर्षांपूर्वी याच मैदानावर 2018 मध्ये पूजारा शुन्यावर बाद झाला होता. पुजारा आतापर्यंतच्या करीअरमध्ये दोनदा गोल्डन डकवर बाद झाला आहे. दोन्हीवेळेला मैदान सेंच्युरियनचेच होते. पूजारा सध्या आऊटऑफ फॉर्म आहे. धावांच्या राशी उभारणाऱ्या पुजाराला मागच्या दोन वर्षात शतक झळकावता आलेले नाही. 2021 मध्ये पुजाराने 25 डावात 28.58 च्या सरासरीने 686 धावा केल्या होत्या.

संबंधित बातम्या:

विधानसभेला अध्यक्ष मिळू नये, ही भाजपची भूमिका, नाना पटोलेंची टीका, राज्यपाल भाजपची बी टीम?
विधानपरिषदेत सदस्यांची निवृत्ती, फोटो काढताना दोन भाई गैरहजर; रामदास कदम यांच्या गैरहजेरीची चर्चा तर होणारच
ठरलं! पुढचं अर्थसंकल्पीय अधिवेशन नागपुरातच; तारीखही ठरली