IND vs SL 2nd T20 Live : अटीतटीच्या सामन्यात श्रीलंकेचा भारतावर 4 विकेट्सने विजय, सीरिज 1-1 ने बरोबरीत

भारत विरुद्ध श्रीलंका

India vs Srilanka : टीम इंडिया विरुद्ध श्रीलंका यांच्यातील दुसरा टी 20 सामना प्रचंड रंगतदार झाला. अटीतटीच्या या सामन्यात श्रीलंकेने अखेर भारतावर 4 विकेट्सने विजय मिळवत सीरिजमध्ये 1-1 ने बरोबरी केली आहे. श्रीलंकेकडून धनंजया डि सिल्वा याने सर्वाधिक नाबाद 40 धावा केल्या. सिल्वा याची खेळीच आजच्या सामन्यासाठी निर्णायक ठरली. सिल्वा पाठोपाठ बिनोद भानुका याने सर्वाधिक 36 धावा केल्या. तर भारतीय गोलंदाज कुलदीप यादव याने 2 तर भुवनेश्वर कुमार, चेतन साकारिया, वरुण चक्रवर्ती, राहुल चहर यांनी प्रत्येक 1 विकेट घेतल्या. भारतीय गोलंदाजांच्या माऱ्यापुढे लंकेचे धनंजया डि सिल्वा आणि बिनोद भानुका यांच्या व्यतीरिक्त इतर मातब्बर फलंदाज  फारसे तग धरु शकले नाहीत. पण रंगतदार झालेल्या या सामन्यात अंतिम समयी अखेर लंकेनेच बाजी मारली.

श्रीलंकेचा नाणेफेक जिंकत क्षेत्ररक्षणाचा निर्णय

भारताचा खेळाडू कृणाल पांड्या याला कोरोनाची लागण झाल्याची माहिती समोर आल्यानंतर श्रीलंके विरुद्धचा दुसरा टी 20 सामना एकदिवस पुढे ढकलण्यात आला होता. त्यानंतर बुधवारी (28 जुलै) हा सामना खेळवण्यात आला. या सामन्यात श्रीलंकेने नाणेफेक जिंकत प्रथम क्षेत्ररक्षणाचा निर्णय घेतला. त्यानंतर प्रथम फलंदाजीसाठी आलेल्या भारताने 133 धावांचे आव्हान दिलं. हे आव्हान श्रीलंकेने 4 गडी राखत पूर्ण केलं.

श्रीलंकेचा डाव

भारताने दिलेल्या 133 धावांचा पाठलाग करताना श्रीलंकेच्या संघाची फारसी चांगली सुरुवात झाली नाही. श्रीलंकेचा सलामीवीर अविष्का फर्नांडो भुवनेश्वर कुमारच्या चेंडूवर झेलबाद झाला. फर्नांडो याने 13 चेंडूत 11 धावा केल्या. त्यानंतर बिनोद भानुका आणि सदीरा समरविक्रमा यांनी डाव सावरण्याचा प्रयत्न केला. पण वरुण चक्रवर्ती याने सदीरा याचा त्रिफळा उडवला. सदीरा याने 12 चेंडूत 8 धावा केल्या. त्यापाठोपाठ अवघ्या काही धावांच्या फरकावर दासुन शनाका कुलदीप यादवच्या बोलवर बाद झाला. दासुन याने फक्त 3 धावा केल्या.

त्यानंतर बिनोद भानुका कुलदीप यादवच्या बोलवर झेलबाद झाला. राहुल चहरने त्याचा झेल टिपला. त्यानंतर धनंजय सिलवा याने वनिंदू हसरंगा याच्यासोबत डाव सावरण्याचा प्रयत्न केला. पण 15 व्या षटकात हसरंगा हा झेलबाद झाला. त्यानंतर अठराव्या षटकात रमेश मेंडिस हा देखील स्वस्तात म्हणजे अवघ्या दोन धावात बाद झाला. पण सामन्यात रंगत आली ती शेवटच्या दोन षटकात. सिल्वा याने चमिकाच्या मदतीने आपली वाटचाल सुरु ठेवली. अखेर 20 षटकाचे दोन बोल बाकी असताना श्रीलंकेने भारतावर विजय मिळवला.

भारताचा डाव

श्रीलंकेने नाणेफेक जिंकून क्षेत्ररक्षणाचा निर्णय घेतला. त्यानंतर प्रथम फलंदाजीसाठी आलेल्या भारतीय संघाची चांगली सुरुवात झाली. पण मोठी धावसंख्या उभारत असताना सलामीवीर ऋतुराज गायकवाड हा झेलबाद झाला. विशेष म्हणजे सलामीवीर म्हणून ऋतुराजचा हा पहिलाच सामना होता. त्याने 18 चेडूत 21 धावा केल्या. यामध्ये एका चौकाराचा समावेश आहे. ऋतुराज बाद झाल्यानंतर देवदत्त पडिक्कल याने कर्णधार शिखर धवनसोबत डाव सावरण्याचा प्रयत्न केला. पण श्रीलंकेचा गोलंदाज अकिला धनंजया याने 13 व्या षटकात शिखरचा त्रिफळा उडवला. शिखरने 42 चेंडूत 40 धावा केल्या.

शिखरनंतर देवदत्त 16 व्या षटकात बाद झाला. त्यापाठोपाठ सतराव्या षटकात संजू सॅमसन आणि नितीश राणा स्वस्तार तंबूत परतले. तर भुवनेश्वर कुमारने 11 चेंडूत 13 धावा केल्या. भारताने 20 षटकांत 5 विकेट्स गमावत 132 धावा केल्या. त्यामुळे श्रीलंकेपुढे 133 धावांचे आव्हान उभं राहिलं. श्रीलंकेकडून अकिला धनंजया यांनी दोन, तर वनिंदू हसरंगा, दासुन शनाका आणि दुश्मंता चमीरा यांनी प्रत्येकी 1 विकेट घेतल्या.

(India vs Sri Lanka T20 Series 2021 Live Score today India tour of Sri Lanka 2021 2nd T20 match scorecard in marathi)