IND Vs ZIM 3rd ODI Live Cricket Score: भारताचा झिम्बाब्वेवर 13 धावांनी विजय, 276 धावांवर झिम्बाब्वेचा संघ गारद

भारतीय क्रिकेट संघाने झिम्बॉब्वे विरोधीतल तिसरा आणि शेवटचा एकदिवसीय सामना जिंकलाय. भारतीय संघाचा युवा फलंदाज शुभमन गिल याने करिअरमधील पहिलं शतक झळकावलं. त्या जोरावर भारताने प्रतिस्पर्धी संघासमोर 289 धावांचं आव्हान उभं केलं होतं. झिम्बॉब्वेकडूनही सिकंदर रजाने शानदार शतक झळकावत आपल्या देशवासियांच्या अपेक्षा उंचावल्या. मात्र गिलने रजाचा कॅच घेत त्यांच्या अपेक्षांवर पाणी फेरलं. भारताने 50 षटकांत 8 बाद 289 धावा केल्या. तर झिम्बॉब्वेने 49.3 षटकांत 10 विकेट गमावून 276 धावांपर्यंत मजल मारली.

शिंदे आणि सेना गटाच्या अस्तित्वाचा फैसला पुन्हा लांबणीवर जाण्याची शक्यता आहे   महाराष्ट्रातील सत्तासंघर्षाची सुनावणी लांबणीवर पडल्याचे दिसत आहे.  सुनावणीसाठी येणाऱ्या उद्याच्या प्रकरणात राज्यातील या सत्तासंघर्षाच्या प्रकरणाचा समावेश नाही. यामुळे सुनावणी कधी होणार यावर प्रश्नचिन्ह उपस्थित झाले आहे.  उद्या सुनावणी होणार की नाही याबाबत देखील स्पष्टता नाही.

झिम्बाब्वेला चौथा झटका बसला आहे. कॅप्टन चाकाब्वाला अक्षर पटेलने आपल्याच गोलंदाजीवर 16 धावांवर झेलबाद केलं. 27 षटकानंतर झिम्बाब्वेच्या 4 बाद 122 धावा झाल्या आहेत.

मध्य रेल्वेची कर्जतकडे जाणारी रेल्वे वाहतूक विस्कळीत झाली आहे.  नेरळ आणि भिवपुरी रेल्वे स्थानकांदरम्यान मालगाडीच्या इंजिनात बिघाड झाला. संध्याकाळी साडेपाचच्या सुमारास हा प्रकार घडला. यामुळे कर्जतकडे जाणारी रेल्वेसेवा ठप्प झाली आहे. मालगाडीच्या मागे कर्जतकडे जाणाऱ्या दोन लोकल अडकल्या आहेत. कर्जतहून दुसरं इंजिन येऊन मालगाडीला पुढे नेण्यात येत आहे.

18 षटकानंतर झिम्बाब्वेच्या 3 बाद 84 धावा झाल्या आहेत. चांगली फलंदाजी करणाऱ्या सीन विलियम्सला अक्षर पटेलने 45 धावांवर पायचीत पकडलं. त्यानंतर आणखी दोन धावांनी टोनी मुनयोंगा 15 धावांवर आऊट झाला. आवेश खानने त्याला केएल राहुलकरवी झेलबाद केलं.

करुणा मुंडे मुख्यमंत्री एकनाथ शिंदे यांच्या भेटीला आल्या आहेतय.  विधानभवनातील CM कार्यालयात त्यांची ही भेट होत आहे. मध्यंतरीच्या काळात करुणा मुंडेंवर दाखल झालेल्या खटल्यांप्रकरणी त्या मुख्यमंत्र्यांना भेटत आहेत.

भारताच्या 290 धावांच्या लक्ष्याचा पाठलाग करताना 12 ओव्हर्स नंतर झिम्बाब्वेच्या 1 बाद 56 धावा झाल्या आहेत. काइटानो दुखापतीमुळे रिटायर्ड हर्ट होऊन 12 धावांवर पॅव्हेलियन मध्ये परतला. इनोसेंट कायला 6 धावांवर दीपक चाहरने पायचीत पकडलं.

शुभमन गिलच्या शानदार शतकी खेळीच्या बळावर (130) भारताने झिम्बाब्वेसमोर विजयासाठी 290 धावांचे लक्ष्य ठेवले आहे. झिम्बाब्वेकडून ब्रॅड इव्हान्सने सर्वाधिक 5 विकेट घेतल्या.

झिम्बाब्वे विरुद्ध तिसऱ्या वनडेत शुभमन गिलने शानदार सेंच्युरी झळकवली. 82 चेंडूत त्याने नाबाद 100 धावा फटकावल्या. यात त्याने 12 चौकार लगावले.

43 षटकानंतर भारताच्या 2 बाद 227 धावा झाल्या आहेत. इशान किशन अर्धशतक झळकावल्यानंतर 50 धावांवर रनआऊट झाला.

मुख्यमंत्र्यांवर कुणाचा तरी दबाव आहे – पृथ्वीराज चव्हाण

कुणीतरी बँक सीटवरून ड्रायव्हिंग करतंय

पृथ्वीराज चव्हाण यांचा मुख्यमंत्री एकनाथ शिंदेंना टोला

29 षटकांचा खेळ पूर्ण झाला आहे. भारताच्या 2 बाद 126 धावा झाल्या आहेत. शुभमन गिल 40 आणि इशान किशन 10 धावांवर खेळतोय.

इशान किशन-शुभमन गिलची जोडी जमली असून भारताने 100 धावांचा टप्पा पार केला आहे. 26.1 षटकात भारताच्या 2 बाद 110 धावा झाल्या आहेत. धवन 40 धावांवर आऊट झाला. आता शुभमन गिल-इशान किशनची जोडी मैदानात आहे.

16 षटकानंतर भारताच्या 1 बाद 65 धावा झाल्या आहेत. कॅप्टन केएल राहुल 30 धावांवर इव्हान्सच्या गोलंदाजीवर बोल्ड झाला. त्याने 46 चेंडूत 30 धावा केल्या. यात एक चौकार आणि एक षटकार आहे. आता शिखर धवन आणि शुभमन गिलची जोडी मैदानात आहे.

10 षटकानंतर भारताच्या बिनबाद 41 धावा झाल्या आहेत. शिखर धवन 25, केएल राहुल 12 धावांवर खेळतोय.

तिसऱ्या वनडे सामन्याला सुरुवात झाली आहे. तीन षटकात भारताच्या बिनबाद 16 धावा झाल्या आहेत. केएल राहुल आणि शिखर धवन ही सलामीची जोडी मैदानात आहे.

टीम इंडियाची प्लेइंग-11: केएल राहुल (कॅप्टन), शिखर धवन, शुभमन गिल, इशान किशन, दीपक हुड्डा, संजू सैमसन (विकेटकीपर), अक्षर पटेल, दीपक चाहर, शार्दुल ठाकुर, कुलदीप यादव, आवेश खान.

भारतीय कॅप्टन केएल राहुलने तिसऱ्या वनडेत टॉस जिंकून प्रथम फलंदाजी करण्याचा निर्णय घेतला आहे. राहुलने सलग तिसऱ्या सामन्यात टॉस जिंकला आहे. मोहम्मद सिराज आणि प्रसिद्ध कृष्णाला बाहेर बसवलं आहे. त्यांच्याजागी दीपक चाहर आणि आवेश खानला संधी दिली आहे.