Rishabh Pant Accident: ऋषभवर उपचार करणाऱ्या डॉक्टरांनी दिली महत्त्वाची माहिती

डेहराडून: टीम इंडियाचा स्टार क्रिकेटर ऋषभ पंतच्या कारला आज सकाळी भीषण अपघात झाला. दिल्ली-डेहराडून हायवेवर रुडकी जवळ अपघात झाला. ऋषभ पंत शुक्रवारी दिल्लीवरुन रुडकीला चालला होता, त्यावेळी पहाटेच्या सुमारास त्याच्या कारला अपघात झाला. ऋषभ पंत या अपघातात गंभीर जखमी झाला आहे. त्याला आता डेहराडूनच्या मॅक्स हॉस्पिटलमध्ये हलवण्यात आलं आहे.

डॉक्टरांनी काय सांगितलं?

ऋषभवर उपचार करणाऱ्या डॉक्टरांनी त्याच्या प्रकृतीबद्दल महत्त्वाची माहिती दिली आहे. ऋषभवर डॉक्टरांची टीम उपचार करत आहे. आताच काही सांगू शकत नाही. पण सध्यातरी चिंतेची बाब नाहीय. हाडांचे डॉक्टर आणि प्लास्टिक सर्जन ऋषभला झालेल्या दुखापतीची पाहणी करतायत. त्याच्या काही चाचण्या केल्या जातील. त्यानंतर काही वेळात मेडिकल बुलेटिन जारी करु. ऋषभ बेशुद्ध नाहीय. तो आमच्याशी बोलतोय. त्याला कुठे गंभीर दुखापत झालीय, असं वाटत नाही, अशी माहिती ऋषभवर उपचार करणारे डॉक्टर आशिष यांनी दिली.

ऋषभवर आधी रुडकीच्या सक्षम हॉस्पिटलमध्ये प्राथमिक उपचार करण्यात आले. त्यानंतर त्याला डेहराडून येथील रुग्णालयात हलवलं.
कसा झाला अपघात?

ऋषभ पंतच्या कारला दिल्ली-डेहराडून हायवेवर रुडकी जवळ अपघात झाला. ऋषभची कार डिवायडरला धडकली. पंतची कार या धडकेनंतर पलटली. त्यानंतर कारला आग लागली. पंत कसाबसा कारच्या बाहेर पडला. त्यामुळे त्याचा जीव वाचला. ऋषभला या अपघातात गंभीर जखमा झाल्या आहेत. त्याच्या पायाला सुद्धा फ्रॅक्चर आहे