महिला क्रिकेटपटूंची ICC Rankings जाहीर, मिथाली पहिल्या स्थानावर कायम, अष्टपैलू दीप्तीचं दुहेरी यश
भारतीय पुरुषांप्रमाणे भारतीय महिला क्रिकेटपटूही जागतिक क्रिकेटमध्ये नवी शिखरं सर करत आहेत. नुकत्याच जाहीर झालेल्या आयसीसी जागतिक महिला क्रिकेटर्सच्या गुणवत्ता यादीत मिथालीने पहिलं स्थान कायम ठेवलं आहे.
ICC Women Ranking: भारताची दिग्गज क्रिकेटपटू मिथाली राजने (Mithali Raj) आयसीसीच्या नुकत्याच जाहीर केलेल्या जागतिक रँकिंगमध्ये (ICC Ranking) पहिलं स्थान कायम ठेवलं आहे. फक्त यावेळी तिला हे स्थान वाटून घ्यावं लागलं आहे. दक्षिण आफ्रिकेची स्टार फलंदाज लिजेल ली (Lizelle Lee) ही देखील पहिल्या स्थानावर विराजमान आहे. दोघीही 762 गुणांसह पहिल्या स्थानावर आहेत. ली हीने नुकतीच वेस्टइंडीज संघाविरुद्ध अप्रतिम अर्धशतखी खेळी केली. तिने वेस्टइंडीज संघाविरुद्ध नाबाद 91 धावा केल्या.
मिथाली पाठोपाठ ऑस्ट्रेलियाची एलिसा तिसऱ्या स्थानावर आहे. यानंतर भारताची आणखी एक फलंदाज टॉप 10 मध्ये असून तिचं नाव स्म्रिती मंधाना असं आहे. नवव्या स्थानावर असणारी स्म्रिती7o1 गुण मिळवण्यात यशस्वी झाली आहे. एकदिवसीय प्रकारानंतर टी-20 मध्ये भारताची युवा फलंदाज शेफाली वर्मा अव्वल क्रमांकावर आहे. तिच्या खात्यात 759 गुण आहेत. तर एकदिवसीय रँकिगमध्ये नवव्या स्थानावर असणारी स्म्रिती टी-20 मध्ये 716 गुणांसह तिसऱ्या स्थानावर आहे.
— ICC (@ICC) September 14, 2021
गोलंदाजीतही भारताच्या महिलांची चमकदार कामगिरी
भारताची अनुभवी वेगवान गोलंदाज झूलन गोस्वामी आणि दिग्गज फिरकीपटू पूनम यादव यांनी गोलंदाजाच्या रँकिगमध्ये अनुक्रमे पाचवं आणि नववं स्थान पटकावलं आहे. झुलनच्या खात्यात 694 तर पूनमच्या खात्यात 617 गुण आहेत. या दोघींसह भारताची दीप्ती शर्मा 12 व्या तर शिखा पांडे 14 व्या स्थानावर कायम आहे.
दीप्ती शर्माची दुहेरी कामगिरी
फलंदाजी आणि गोलंदाजी अशा दोन्ही प्रकारात भारतासाठी अष्टपैलू कामगिरी करणाऱ्या दीप्ती शर्माने (Deepti Sharma) अष्टपैलू खेळाडूंच्या रंकिंगमध्ये 321 गुणांसह चौथं स्थान पटकावलं आहे. सोबतच टी-20 गोलंदाजाच्या रँकिगमध्येही ती टॉप 10 मध्ये असून ती 703 गुणांसह सहाव्या स्थानावर आहे.
हे ही वाचा-
विराट कोहलीच्या कर्णधारपदाबाबत सस्पेन्स संपला, BCCI सचिव जय शाह यांचं मोठं वक्तव्य!
T20 World Cup पूर्वी जागतिक क्रिकेटमधील स्टार खेळाडूची निवृत्ती, सोशल मीडियाद्वारे दिली माहिती
(Indias Women Cricketer are in good position at ICC women ranking mithali tops odi and deepti in All rounders)