IPL 2023 Points Table : मुंबईवर एकतर्फी विजय, पण तरीही RCB टॉपवर नाही, जाणून घ्या कोण नंबर-1
IPL 2023 Points Table in Marathi : आयपीएल 2023 मध्ये सर्वच टीम्सनी आपआपला एक सामना खेळला आहे. त्यानंतर पॉइंट टेबलच चित्र स्पष्ट झालय. नंबर 1 कुठली टीम आहे, ते चित्र सुद्धा स्पष्ट आहे.
IPL 2023 Points Table : आयपीएल 2023 चा काल तिसरा दिवस झाला. सर्वच टीम्सनी आपला एक-एक सामना खेळलाय. आयपीएलच्या चालू सीजनमध्ये घरच्या मैदानावर खेळणाऱ्या टीम्सनी विजय मिळल्याच पहायला मिळालं होतं. अपवाद फक्त राजस्थान रॉयल्सचा. त्यांनी रविवारी सनरायजर्स हैदराबाद टीमला त्यांच्याच घरात हरवलं. रविवारच्या दुसऱ्या मॅचमध्ये रॉयल चॅलेंजर्स बँगलोर टीमने मुंबई इंडियन्सला आपल्या घरच्या मैदानात चिन्नास्वामी स्टेडियमवर हरवलं. या मॅचनंतर पॉइंट्स टेबलच चित्र स्पष्ट झालय.
राजस्थानने हैदराबादला 72 धावांच्या मोठ्या फरकाने हरवलं. त्यानंतर रविवारी दुसऱ्या सामन्यात विराट कोहली आणि फाफ डु प्लेसीची जलवा पहायला मिळाला. दोघे शानदार इनिंग खेळले. त्या बळावर RCB ने मुंबई इंडियन्सवर आठ विकेट राखून विजय मिळवला. बँगलोरची टीम कोविडमुळे आपल्या घरच्या मैदानावर तीन वर्षांपासून एकही मॅच खेळली नव्हती.
पहिल्या स्थानावर कुठली टीम?
घराबाहेर विजय मिळवारी राजस्थान रॉयल्स पहिली टीम ठरली. त्यांनी सनरायजर्स हैदराबाद विरुद्ध 20 ओव्हर्समध्ये 203 धावा फटकावल्या. 200 धावसंख्या पार करणार राजस्थान सीजनमधला पहिला संघ ठरला. हैदराबाद टीमने 20 ओव्हरमध्ये 9 विकेट गमावून 131 धावा केल्या. राजस्थान टीमला या विशाला विजयाचा फायदा मिळाला. पॉइंट्स टेबलमध्ये ते पहिल्या स्थानावर आहेत. त्यांचे दोन पॉइंट्स आहेत.
| टीम | सामना | विजय | पराजय | नेट रनरेट | पॉइंट्स |
|---|---|---|---|---|---|
| राजस्थान रॉयल्स | 3 | 2 | 1 | +2.067 | 4 |
| लखनौ सुपर जायंट्स | 3 | 2 | 1 | +1.358 | 4 |
| गुजरात टायटन्स | 2 | 2 | 0 | +0.700 | 4 |
| चेन्नई सुपर किंग्स | 3 | 2 | 1 | +0.356 | 4 |
| पंजाब किंग्स | 2 | 2 | 0 | +0.333 | 4 |
| कोलकता नाइट रायडर्स | 2 | 1 | 1 | +2.056 | 2 |
| रॉयल चॅलेंजर्स बँगलोर | 2 | 1 | 1 | -1.256 | 2 |
| मुंबई इंडियन्स | 2 | 0 | 2 | -1.394 | 0 |
| दिल्ली कॅपिटल्स | 3 | 0 | 3 | -2.092 | 0 |
| सनरायजर्स हैदराबाद | 2 | 0 | 2 | -2.867 | 0 |
एकतर्फी विजय मिळवूनही RCB दुसऱ्या स्थानावर नाही
दुसऱ्या स्थानावर केएल राहुलच्या नेतृत्वाखाली खेळणारी लखनौ सुपर जायंट्सची टीम आहे. त्यांनी आपल्या पहिल्याच सामन्यात दिल्ली कॅपिटल्सवर विजय मिळवला. तिसऱ्या नंबरवर आरसीबी आहे. चौथ्या नंबरवर गुजरात टायटन्सची टीम आहे. पाचव्या स्थानावर शिखर धवनची पंजाब किंग्स आहे. या सर्व टीम्सना एक मॅच जिंकल्यानंतर दोन-दोन पॉइंट्स मिळाले आहेत. नेट रनरेटच्या फरकामुळे कुठली टीम एक नंबरला तर दुसरी टीम दोन नंबरला आहे.
चेन्नई आणि मुंबईची टीम कितव्या नंबरवर ?
चेन्नई आणि मुंबईची टीम मागच्या सीजनमध्ये दमदार कामगिरी करु शकली नव्हती. पॉइंट्स टेबलमध्ये या दोन टीम्स तळाला होत्या. या सीजनमध्येही मुंबई, चेन्नईने चांगली सुरुवात केलेली नाही. चेन्नईला आयपीएल 2023 मध्ये पहिल्या सामन्यात गुजरात टायटन्सने हरवलं. ते सातव्या नंबरला आहेत. मुंबईची टीम आठव्या नंबरला आहे. सहाव्या नंबरवर कोलकाता नाइट रायडर्स आणि दिल्लीची टीम नवव्या नंबरवर आहे. घरच्या मैदानावर हरणारी हैदराबादची टीम तळाला आहे.