KKR vs GT IPL 2022 Match Result: अरेरे, रसेलचे 6 Six फुकट गेले, स्पेशल Highlights चा एकही VIDEO नका चुकवू
KKR vs GT IPL 2022 Match Result: केकेआरला निर्धारीत 20 षटकात आठ बाद 148 धावाच करता आल्या. गुजरातने विजयासाठी 157 धावांचे लक्ष्य दिले होते.
मुंबई: कोलकाता नाइट रायडर्स विरुद्ध गुजरात टायटन्स (KKR vs GT) हा प्रेक्षकांना आज एक रोमांचक सामना अनुभवता आला. शेवटच्या षटकापर्यंत हा सामना उत्कंठावर्धक ठरला. आंद्रे रसेलने (Andre Russell) त्याला मिळालेल्या एका जीवदानाचा पुरेपूर फायदा उचलत केकेआरचं आव्हान शेवटपर्यंत जिवंत ठेवलं. यश दयाल 13 व षटक टाकत होता. त्यावेळीच रसेल झेलबाद झाला होता. पण पंचानी तो चेंडू नो बॉल ठरवला. रसेल सारख्या फलंदाजाला एक जीवदानही पुरेस असतं. तिथून त्याने कोलकात्याच्या बाजूने सामना फिरवला. अगदी अखरेच्या षटकापर्यंत रसेल सामना जिंकवून देईल, असं वाटत होतं. अलझारी जोसेफच्या (Alzarri Joseph) पहिल्या चेंडूवर त्याने षटकार मारला. पण दुसऱ्या चेंडूवर मोठा फटका खेळताना तो फर्ग्युसनकरवी झेलबाद झाला. त्यानंतर उमेश यादवला अपेक्षा पूर्ण करता आल्या नाहीत. आंद्रे रसेलने आज 25 चेंडूत 48 धावा केल्या. यात एक चौकार आणि सहा षटकार होते.
गुजरात टायटन्स टॉपवर
केकेआरला निर्धारीत 20 षटकात आठ बाद 148 धावाच करता आल्या. गुजरातने विजयासाठी 157 धावांचे लक्ष्य दिले होते. या विजयासह गुजरात टायटन्सचा संघ पॉइंटस टेबलमध्ये टॉपवर पोहोचला आहे. गुजरातने आतापर्यंत सात पैकी सहा सामने जिंकले असून ते पहिल्या स्थानावर आहेत. दुसऱ्या बाजूला केकेआरचा संघ सातव्या स्थानावर आहे. त्यांनी पाच सामने गमावले असून तीनच विजय मिळवले आहेत.
इथे क्लिक करुन पहा आंद्रे रसेलची स्पेशल इनिंग
लॉकी फर्ग्युसनची गेम चेंजिंग कॅच पहाण्यासाठी इथे क्लिक करा
हार्दिक पंड्याची कॅप्टन इनिंग्स
गुजरातकडून आज हार्दिक पंड्या पुन्हा एकदा कॅप्टन इनिंग्स खेळला. त्याने 49 चेंडूत 67 धावा केल्या. यात चार षटकार आणि दोन चौकार होते. हार्दिक पंड्यालाही एक जीवदान मिळालं. त्याचा त्याने पुरेपूर फायदा उचलला. हार्दिकने या सामन्यात कॅप्टन इनिंग्स खेळला. त्याने यंदाच्या सीजनमध्ये तिसरं अर्धशतक झळकावलं. त्याशिवाय दुसऱ्या आणि तिसऱ्या विकेटसाठी चांगली भागीदारी केली.
इथे क्लिक करुन पहा अभिनव मनोहरने बाउंड्रीवर घेतलेला वेंकटेश अय्यरचा सुपर्ब कॅच
एक ओव्हरमध्ये चार विकेट क्लिक करुन पहा आंद्रे रसेली ती मॅजिक ओव्हर
आंद्रे रसेलची एक ओव्हर चार विकेट
आंद्रे रसेलने आज फलंदाजी बरोबर गोलंदाजीतही जलवा दाखवला. त्याने एक ओव्हर टाकली. पण त्याने या एक ओव्हरमध्ये पाच धावा देऊन चार विकेट काढल्या. अभिनव मनोहर, लॉकी फर्ग्युसन, यश दयाल आणि राहुल तेवतिया या चार महत्त्वाच्या विकेट त्याने एकाच ओव्हरमध्ये काढल्या.
