IND VS NZ : टीम इंडियातील प्रमुख खेळाडू दुखापतग्रस्त, कानपूर कसोटीमधून बाहेर, सूर्यकुमारला संधी!

KL Rahul - Virat Kohli

कानपूर : नुकत्याच पार पडलेल्या टी-20 मालिकेत न्यूझीलंडला व्हाईटवॉश दिल्यानंतर भारतीय संघ आता कसोटी मालिकेसाठी सज्ज झाला आहे. उभय संघांमधील पहिला कसोटी सामना 25 नोव्हेंबरपासून सुरू होत आहे. दोन कसोटी सामन्यांच्या मालिकेतील पहिला सामना कानपूरमध्ये खेळवला जाणार आहे, तर दुसरा कसोटी सामना मुंबईच्या वानखेडे स्टेडियमवर खेळवला जाईल. या सामन्यापूर्वीच टीम इंडियाला एक वाईट बातमी मिळाली आहे. बीसीसीआयच्या सूत्रांनी दिलेल्या वृत्तानुसार, केएल राहुलला दुखापत झाली असून तो कानपूर कसोटीतून बाहेर पडला आहे. रोहित शर्मा आणि ऋषभ पंतही कसोटी मालिकेत खेळणार नाहीत आणि विराट कोहलीलाही कानपूर कसोटीसाठी विश्रांती देण्यात आली आहे. त्यामुळे संघ अडचणीत आला आहे. (KL Rahul Ruled Out of India vs New Zealand Kanpur Test Due to Injury)

टीम इंडियाने मंगळवारी कानपूरच्या मैदानात बराच वेळ सराव केला. सर्वप्रथम मयंक अग्रवाल आणि शुभमन गिल सलामीच्या नेट सत्रासाठी मैदानात उतरले. केएल राहुलने दुखापतीमुळे सराव केला नाही. केएल राहुलच्या दुखापतीनंतर आता मयंक अग्रवाल आणि शुभमन गिल हे दोघेजण सलामीला मैदानात उतरतील, असे मानले जात आहे. कसोटी सामन्यापूर्वी केएल राहुल दुखापतीतून सावरला तर शुभमन गिलला मधल्या फळीत खेळावे लागले. पण केएल राहुल अनफिट झाल्यानंतर शुभमन गिलला सलामीला उतरावे लागणार आहे.

सूर्यकुमार यादव कसोटी पदार्पण करणार!

केएल राहुलला दुखापत झाल्यामुळे सूर्यकुमार यादवला प्लेइंग इलेव्हनमध्ये संधी मिळू शकतो. सूर्यकुमार यादवने आज कानपूरमध्ये बराच वेळ फलंदाजीचा सराव केला. टीम इंडियाच्या कसोटी संघात शेवटच्या क्षणी सूर्यकुमार यादवचा समावेश करण्यात आला आहे. सूर्यकुमार यादवचा प्रथम श्रेणीतील रेकॉर्डही चांगला आहे. सूर्यकुमारने 77 सामन्यात 44.01 च्या सरासरीने 5326 धावा केल्या आहेत. ज्यामध्ये 14 शतके आणि 26 अर्धशतकांचा समावेश आहे.

पहिल्या कसोटीसाठी टीम इंडियाचा संघ : अजिंक्य रहाणे (कर्णधार), चेतेश्वर पुजारा (उपकर्णधार), केएल राहुल, मयंक अग्रवाल, शुभमन गिल, श्रेयस अय्यर, वृद्धिमान साहा, केएस भरत, रवींद्र जडेजा, अक्षर पटेल, आर अश्विन, जयंत यादव, ईशांत शर्मा, उमेश यादव, मोहम्मद सिराज, प्रसिद्ध कृष्णा, सूर्यकुमार यादव

न्यूझीलंडचा कसोटी संघ : केन विल्यमसन (कर्णधार), टॉम ब्लंडेल (यष्टीरक्षक), डेव्हॉन कॉनवे, काइल जेमिसन, टॉम लॅथम, हेन्री निकोल्स, एजाज पटेल, ग्लेन फिलिप्स, रचिन रवींद्र, मिचेल सँटनर, विल सोमरविले, टिम साउथी, रॉस टेलर, विल यंग, ​​नील वॅगनर

इतर बातम्या

Video: कुत्र्याने अशी विकेटकिपिंग केली की, क्रिकेटचा देवही प्रसन्न झाला, पाहा सचिनने शेअर केलेला अप्रतीम व्हिडीओ!

IND vs NZ: कसोटी मालिकेपूर्वी कोच राहुल द्रविडची रणनीती तयार, ओपनरला मिडल ऑर्डर फलंदाज बनवलं

भारताने दोनदा हातातली ICC Trophy गमावली; माजी प्रशिक्षक रवी शास्त्रींची खंत

(KL Rahul Ruled Out of India vs New Zealand Kanpur Test Due to Injury)