Cricket News | Wow, गँरेंटी आहे अशी रिटर्न कॅच याआधी तुम्ही पाहिलीच नसेल, Video च बघा

T20 Cricket

Cricket News | कॅचेस विन मॅचेस असं म्हटलं जातं. क्रिकेटमधील हे प्रचलित वाक्य त्याच्या टीमला सिद्ध करता आलं नाही. कारण त्याची टीम हरली. पण त्या गोलंदाजाने बॉलिंग करताना जी अफलातून रिर्टन कॅच पकडली, त्याला तोड नाही. तुम्ही ही कॅच बघितल्यानंतर तुमच्या तोंडातून Wow, जबरदस्त हेच शब्द बाहेर पडतील. क्रिकेटच्या मैदानात याआधी तुम्ही चांगले झेल पाहिले असतील. एकापेक्षा एक सरस कॅच बघितल्या असतील. पण एका गोलंदाजाला फॉलो थ्रू मध्ये इतका करिश्माई झेल घेताना पाहिल नसेल. ही अद्भूत कॅच पकडणाऱ्या गोलंदाजाच नाव आहे, लोगान वॅन वीक.

लोगान वॅन वीक नेदरलँड्स टीमकडून आंतरराष्ट्रीय क्रिकेट खेळतो. पण सध्या तो न्यूझीलंडमध्ये आपली प्रतिभा दाखवून देतोय. त्याने न्यूझीलंडच्या देशांतर्गत T20 टूर्नामेंट सुपर स्मॅशमध्ये गोलंदाजी करताना जबरदस्त रिर्टन कॅच घेतली. वीकला ही कॅच घेताना पाहून स्टेडियमवरील प्रेक्षक थक्क झाले. 22 जानेवारीला हा सामना झाला.

सर्वोत्तम रिर्टन कॅच ठरली

कॅटरबरी आणि वेलिंगटन टीममध्ये हा सामना होता. या मॅचमध्ये लोगान वॅन वीक वेलिंगटन टीमकडून खेळत होता. या मॅचमध्ये कॅटरबरी टीमने पहिली बॅटिंग केली. त्यांनी 20 ओव्हर्समध्ये 178 धावा केल्या. कॅटरबरीकडून टॉम लॅथमने सर्वाधिक 60 धावा केल्या. लोगान वॅन वीकने एका जबरदस्त कॅचवर त्याला आऊट केलं नसतं, तर लॅथम आणखी मोठी इनिंग खेळला असता. ही क्रिकेटच्या मैदानावर कुठल्याही गोलंदाजाने घेतलेली सर्वोत्तम रिर्टन कॅच ठरली आहे.

किती रन्स देऊन 2 विकेट

लोगान वॅन वीकने घेतलेला हा दुसरा विकेट होता. टॉम लॅथमला त्याने बाद केलं. त्याआधी त्याने हेनरी निकल्स रुपाने पहिली विकेट घेतली. हेनरी 52 रन्सवर आऊट झाला. म्हणजे कॅटरबरीच्या दोन सेट फलंदाजांची विकेट वॅन वीकने घेतली. त्यासाठी त्याने 2 ओव्हरमध्ये 21 रन्स दिले.

जबरदस्त कॅच घेणाऱ्या लोगानची टीम किती रन्सनी हरली?

कॅटरबरीच्या 179 धावांच्या लक्ष्याचा पाठलाग करणं वेलिंगटन टीमला जमलं नाही. त्यांनी 20 ओव्हर्समध्ये 9 विकेट गमावून 160 धावा केल्या. 18 रन्सनी पराभव झाला.