IND vs SL, 2nd Test, Day 1, LIVE Score : पहिला दिवस टीम इंडियाचा, श्रीलंकेची फलंदाजी गडगडली

बंगळुरु कसोटीचा पहिला दिवस हा टीम इंडियाच्या नावावर राहिला आहे. पहिल्या दिवशी टीम इंडियानं 252 धावा केल्या. खेळपट्टीकडून मिळणाऱ्या मदतीचा लाभ घेण्यात श्रीलंकन गोलंदाजांना अपयश आलंय. दुसरीकडे, टीम इंडियाचा फलंदाज श्रेयस अ्यरनं 92 धावा केल्या. श्रीलंकेच्या डावाची सुरुवात देखील खराब झाली. दिवसअखेर त्यांनी 86 धावा केल्या आहेत. त्यांच्या 6 विकेट गेल्या असून जसप्रीत बुमराहनं 3, मोहम्मद शमीनं 2 आणि अक्षर पटेलनं 1 विकेट घेतली.

अँजेलो मॅथ्यूजची झुंज संपली आहे. टीम इंडियाला सहावं यश मिळालं असून त्यानं 43 धावा केल्या आहेत. बुमराहनं हे यश मिळवून दिलं आहे.

भारताप्रमाणं श्रीलंकेची देखील खराब सुरुवात झाली आहे. श्रीलंकेनं त्यांची पाचवी विकेट गमावली आहे. ही विकेट अक्षर पटेलनं घेतली. त्यानं चरिथा अलास्काला आऊट केलं.

भारताप्रमाणं श्रीलंकेची देखील खराब सुरुवात झाली आहे. मोहम्मद शमीनं श्रीलंकेच्या धनंजय डी सिल्वाला एलबीडबल्यू आऊट केलं आहे.

बंगळुरु कसोटीतील श्रीलंकेच्या डावाला निराशाजनक सुरुवात झाली आहे. कुशल मेंडिस पाठोपाठ दुसरा सलामीवीर दिमुथ करुणारत्ने बाद झाला आहे. मोहम्मद शमीनं त्याला आऊट केलं.करुणारत्नेनं चार धावा केल्या आहेत. श्रीलंकेची 3 बाद 16 अशी स्थिती झाली आहे.

बंगळुरु कसोटीतील श्रीलंकेच्या डावाला सुरुवात झाली आहे. कुशल मेंडिस आणि लाहिरु थिरीमाने हे बाद झाले आहेत. जसप्रीत बुमराहनं अप्रतिम गोलंदाजी करत लंकेचे दोन खेळाडू आऊट केले.

बंगळुरु कसोटीतील श्रीलंकेच्या डावाला सुरुवात झाली आहे. कुशल मेंडिस आणि दिुथ करुणारत्ने यांनी श्रीलंकेच्या डावाची सुरुवात केली आहे.

श्रेयस अय्यर ला त्याचं शतक पूर्ण करण्यात अपयश आलं. डावाच्या 60 व्या ओव्हरच्या पहिल्या बॉलवर टीम इंडियाचा डाव संपला. अय्यर 92 धावा करुन आऊट झाला. टीम इंडियाला पहिल्या डावात 252 रन करता आल्या.

टीम इंडियाच्या 250 धावा पूर्ण झाल्या आहेत.  तर, श्रेयस अय्यरची शतकाकडे वाटचाल सुरु आहे.

श्रेयस अय्यरनं टीम इंडियाचा डाव सावरला आहे. 54 व्या ओव्हरच्या चौथ्या बॉलवर अय्यर षटकार लगवाला आहे. जयविक्रमाच्या बॉलिंगवर अय्यरनं हा शॉट खेळला.

भारताने 8 वी विकेट गमावली आहे. सुरंगा लकमलने अक्षर पटलेला (9) त्रिफळाचित केलं. (भारत 215/)

49 व्या षटकातील पहिल्याच चेंडूवर अक्षर पटेलने लसिथ एम्बुल्डेनियाला शानदार षटकार लगावत 6 धावा वसूल केल्या. यासोबतच धावफलकावर भारताचं द्विशतक झळकलं आहे.

48 व्या षटकात धनंजया डी सिल्वाच्या गोलंदाजीवर श्रेयस अय्यरने तिसऱ्या आणि सहाव्या चेंडूवर दोन शानदार षटकार लगावले. यासोबत त्याने 54 चेंडूत 6 चौकार आणि 2 षटकारांच्या मदतीने आपलं अर्धशतक पूर्ण केलं.

भारताने 7 वी विकेट गमावली आहे. धनंजया डी सिल्वाने रवीचंद्रन अश्विनला 13 धावांवर असताना यष्टीरक्षक निरोशन डिकवेलाकरवी झेलबाद केलं. (भारत 183/7)

एम्बुल्डेनियाने भारताला पाचवा धक्का दिला आहे. त्याने ऋषभ पंतला बाद केले. 33 वे षटक टाकणाऱ्या या डावखुऱ्या फिरकीपटूने चेंडू पंतला पव्हेलियनचा रस्ता दाखवला. त्याच्या फिरकीवर पंत बॅकफूटवर खेळायला गेला आणि बोल्ड झाला. पंतने तुफानी फलंदाजी केली. त्याने 26 चेंडूंत 7 चौकारांसह 39 धावा केल्या.

श्रीलंकेच्या गोलंदाजांनी भारताचा सहावा गडी बाद केला आहे. लसिथ एम्बुल्डेनियाने रवींद्र जडेजाला लाहिरु तिरुमानेकरवी झेलबाद केलं. जडेजाने 4 धावांचं योगदान दिलं. (भारत 148/6)

पहिल्या सत्राचा खेळ संपला आहे. भारताच्या चार फलंदाजांना पॅव्हेलियनमध्ये पाठवल्याने हे सत्र श्रीलंकेच्या नावावर आहे. या सत्रात भारताने केवळ धावा जोडल्या त्या बदल्यात रोहित शर्मा, विराट कोहली, मयंक अग्रवाल, हनुमा विहारी या फलंदाजांच्या विकेट्स गमावल्या आहे. सध्या ऋषभ पंत (16) आणि श्रेयस अय्यर (1) खेळत आहेत.

भारताने चौथी विकेट गमावली आहे. 28 व्या षटकात धनंजया डी सिल्वाने विराट कोहलीना पायचित पकडलं. त्याने 23 धावांचं योगदान दिलं. (भारत 86/4)

श्रीलंकेला तिसरं यश मिळालं आहे. प्रवीण जयविक्रमाने हनुमा विहारीला 31 धावांवर असताना यष्टीरक्षख निरोशन डिकवेलाकरवी झेलबाद केलं. (भारत 76/3)

भारताने दुसरी विकेट गमावली आहे. 10 व्या षटकात लसिथ एम्बुल्डेनियाने रोहित शर्माला त्रिफळाचित केलं. (भारत 29/2)

विश्वा फर्नांडोने सहाव्या षटकात गोलंदाजी केली आणि या षटकात 8 धावा दिल्या. ओव्हरच्या शेवटच्या चेंडूवर रोहितने डीप मिड-विकेटवर षटकार ठोकला.

विश्वा फर्नांडोने दुसरे षटक टाकले. या षटकात मयंक अग्रवाल धावबाद झाला. ओव्हरचा चौथा चेंडू मयंकच्या पॅडला लागला पण अंपायरने LDW दिले नाही. मयंक धाव घेण्यासाठी पळू लागला पण रोहितने त्याला माघारी पाठवले. दरम्यान, जयविकर्माने त्याला पॉईंटवरून धावचित केलं. त्याने चार धावांचं योगदान दिलं. (भारत 10/1)

रोहित शर्मा (कर्णधार), मयंक अग्रवाल, हनुमा विहारी, विराट कोहली, श्रेयस अय्यर, ऋषभ पंत (यष्टीरक्षक), रवींद्र जडेजा, रविचंद्रन अश्विन, जसप्रीत बुमराह, मोहम्मद शमी, अक्षर पटेल

बंगळुरूच्या एम चिन्नास्वामी स्टेडियमवर भारतीय संघाने नाणेफेक जिंकून प्रथम फलंदाजी करण्याचा निर्णय घेतला आहे.