RR vs KKR Live Score, IPL 2022: जबरदस्त,अटी-तटीच्या सामन्यात राजस्थान रॉयल्सचा 7 धावांनी विजय

शेवटच्या षटकापर्यंत रंगलेल्या सामन्यात अखेर राजस्थान रॉयल्सने केकेआरवर 7 धावांनी विजय मिळवला. ओबेड मेकॉयने उमेश यादवला क्लीन बोल्ड केलं. तिथेच केकेआरचा खेळ संपला. राजस्थानने प्रथम फलंदाजी करताना पाच बाद 217 धावा केल्या होत्या. केकेआरचा डाव 210 धावांवर आटोपला.

ओबेड मेकॉय शेवटची ओव्हर टाकतोय. शेल्डन जॅक्सनने पहिल्या चेंडूवर दोन धावा काढल्या. दुसऱ्या चेंडूवर त्याने प्रसिद्ध कृष्णाकडे झेल दिला. केकेआरच्या 9 बाद 209 धावा झाल्या आहेत.

KKR च्या 19 ओव्हर्समध्ये आठ बाद 207 धावा झाल्या आहेत. विजयासाठी 6 चेंडूत 11 धावांची आवश्यकता.

युजवेंद्र चहलने यंदाच्या सीजनमधली पहिली Hattrick घेतली आहे. 17 व्या षटकाच्या शेवटच्या तीन चेंडूंवर त्याने श्रेयस, मावी, कमिन्सला बाद केलं. त्याआधी वेंकटेश अय्यरचं सॅमसनकरवी स्टम्पिंग केलं. एकाच ओव्हरमध्ये त्याने चार विकेट घेतल्या.

मॅच रोमांचक वळणावर असताना RR ला श्रेयसची मोठी विकेट मिळाली. युजवेंद्र चहलने 17 व्या ओव्हरच्या चौथ्या चेंडूवर हे यश मिळवून दिलं. श्रेयस अय्यर 85 धावांवर पायचीत झाला. त्याने सात चौकार आणि चार षटकार लगावले. चहलने पुढच्याच पाचव्या चेंडूवर शिवम मावीला रियान परागकरवी झेलबाद केलं. त्याला भोपळाही फोडता आला नाही.

केकेआरच्या 16 षटकात चार बाद 178 धावा झाल्या आहेत. श्रेयस अय्यर 85 धावांवर खेळतोय. 17 व्या षटकाच्या पहिल्या चेंडूवर वेंकटेश अय्यर स्टम्पिंग झाला. युजवेंद्र चहलने त्याला आपल्या फिरकीच्या जाळ्यात फसवलं.

राजस्थानला मोक्याच्या क्षणी आंद्रे रसेलची महत्त्वाची विकेट मिळाली आहे. अश्विनने त्याला क्लीन बोल्ड केलं. रसेल शुन्यावर बाद झाला. 14 षटकात राजस्थानच्या चार बाद 152 धावा झाल्या आहेत.

राजस्थानने दिलेल्या 218 धावांच्या लक्ष्याचा पाठलाग करताना केकेआर सुद्धा जबरदस्त फलंदाजी करत आहे. 13 ओव्हर्समध्ये त्यांच्या तीन बाद 148 धावा झाल्या आहेत. श्रेयस अय्यर 63 धावांवर नाबाद आहे. नितीश राणा या षटकातील शेवटच्या चेंडूवर बाद झाला. त्याने 18 धावा केल्या. 42 चेंडूत विजयासाठी 70 धावांची आवश्यकता आहे. आंद्रे रसेल आता खेळपट्टीवर आहे.

राजस्थानप्रमाणे केकेआरचे फलंदाज सुद्धा जबरदस्त बॅटिंग करत आहेत. एरॉन फिंचने 25 चेंडूत अर्धशतक झळकावलं. फिंचने नऊ चौकार आणि दोन षटकार लगावले. पण प्रसिद्ध कृष्णाच्या गोलंदाजीवर फटकेबाजी करताना तो 58 रन्सवर आऊट झाला. 9 ओव्हर्समध्ये दोन बाद 107 धावा झाल्या आहेत. श्रेयस अय्यरही 41 खेळपट्टीवर आहे.

पावरप्लेच्या सहा षटकात केकेआरच्या एकबाद 57 धावा झाल्या आहेत. श्रेयस अय्यर-फिंचची फटकेबाजी सुरु आहे. श्रेयस 33, फिंच 23 धावांवर खेळतोय. अश्विनच्या शेवटच्या चेंडूवर फिंचने षटकार ठोकला.

पहिल्याच ओव्हरमध्ये सलामीला आलेला सुनील नरेन शुन्यावर धावबाद झाला. एरॉन फिंच, श्रेयस अय्यरची जोडी मैदानात आहे. 2.4 षटकात केकेआरच्या 27 धावा झाल्या आहेत.

जोस बटलरची 103 धावांची शतकी खेळी. त्यानंतर अखेरीस शिमरॉन हेटमायरने 26 केलेल्या फटकेबाजीच्या बळावर राजस्थानने प्रथम फलंदाजी करताना पाच बाद 217 धावा केल्या आहेत.

शतक झळकावल्यानंतर जोस बटलर 103 धावांवर आऊट झाला. कमिन्सच्या गोलंदाजीवर वरुणने त्याचा झेल पकडला. 17 षटकात राजस्थानच्या तीन बाद 189 धावा झाल्या आहेत.

पॅट कमिन्सनच्या चेंडूवर षटकार ठोकून जोस बटलरने IPL मध्ये दुसर शतक झळकवलं. 60 चेंडूत शतकी खेळी करताना त्याने नऊ चौकार आणि पाच षटकार लगावले.

दमदार फलंदाजी करणारा संजू सॅमसन 38 धावांवर आऊट झाला. रसेलच्या गोलंदाजीवर शिवम मावीकडे झेल दिला. 15.2 षटकात राजस्थानच्या दोन बाद 164 धावा झाल्या आहेत.

14 षटकात राजस्थानच्या 148 धावा झाल्या आहेत. बटलर 88 आणि सॅमसन 25 धावांवर खेळतोय.

जोस बटलर जबरदस्त फलंदाजी करतोय. 13 षटकात राजस्थानच्या एकबाद 133 धावा झाल्या आहेत. बटलर 85 आणि सॅमसन 14 धावांवर आहेत.

शिवम मावीने 11 व षटक टाकलं. राजस्थान रॉयल्सच्या एक बाद 112 धावा झाल्या आहेत. संजू सॅमसनने दोन चौकार लगावले.

राजस्थान रॉयल्सच्या 10 षटकात एक बाद 99 धावा झाल्या आहेत. जोस बटलर 68 आणि संजू सॅमसन एक रन्सवर खेळतोय.

अखेर केकेआरला पहिली विकेट मिळाली. देवदत्त पडिक्ललला सुनील नरेनने बोल्ड केलं. पडिक्कलने 18 चेंडूत 24 धावा केल्या.

सात षटकात राजस्थान रॉयल्सच्या बिनबाद 74 धावा झाल्या आहेत. बटलरने शानदार हाफ सेंच्युरी झळकवली. बटलरच्या 30 चेंडूत 51 धावा झाल्या आहेत. यात पाच चौकार आणि तीन षटकार आहेत. पडिक्कल 17 धावांवर खेळतोय.

पावरप्लेमध्ये राजस्थान रॉयल्सने जबरदस्त सुरुवात केली. पहिल्या सहा षटकात राजस्थानच्या बिनबाद 60 धावा झाल्या आहेत. जोस बटलर 46 आणि देवदत्त पडिक्कल 8 धावांवर खेळतोय.

वरुण चक्रवर्तीने चौथ षटक टाकलं. राजस्थानच्या बिनबाद 40 धावा झाल्या आहेत. जोस बटलर 30 आणि देवदत्त पडिक्कल 6 धावांवर खेळतोय. बटलरने दोन चौकार, दोन षटकार लगावले आहेत.

वरुण चक्रवर्तीच्या षटकातील दुसऱ्या चेंडूवर जोस बटलरने स्ट्रेट सिक्स मारला.

तिसरं षटक उमेश यादवने टाकलं. या ओव्हरमध्ये जोस बटलरने एक चौकार आणि एक षटकार लगावला. राजस्थानच्या बिनबाद 24 धावा झाल्या आहेत.

शिवम मावीने दुसरी ओव्हर टाकली. राजस्थानच्या बिनबाद 9 धावा झाल्या आहेत. या ओव्हरमध्ये एक चौकार लगावला.

उमेश यादवने पहिली ओव्हर टाकली. जोस बटलर आणि देवदत्त पडिक्कल ही राजस्थान रॉयल्सची सलामीची जोडी मैदानात आहे. बिनबाद दोन धावा झाल्या आहेत.

जोस बटलर, देवदत्त पडिक्कल, संजू सॅमसन (कॅप्टन), करुण नायर, शिमरॉन हेटमायर, रियाओन पराग, आर.अश्विन, ट्रेंट बोल्ट, प्रसिद्ध कृष्णा, ओबेड मेकॉय,

वेंकटेश अय्यर, एरॉन फिंच, श्रेयस अय्यर (कॅप्टन), नितीश राणा, शेल्डन जॅक्सन (विकेटकिपर), आंद्रे रसेल, सुनील नरेन, पॅट कमिन्स, उमेश यादव, शिवम मावी, वरुण चक्रवर्ती,