RCB vs CSK Live Score, IPL 2021 : चेन्नईचा अप्रतिम विजय, सहा गडी राखून आरसीबीला नमवलं

धोनीच्या सीएसकेने आरसीबी संघाला नमवत अप्रतिम विजयाची नोंद केली आहे. सहा गडी राखून मिळवलेल्या या विजयामुळे धोनीच्या सीएसकेला पुढील फेरीच पोहचणे सोपे झाले आहे.

चेन्नईचा फलंदाज अंबती रायडू हर्षलच्या चेंडूवर एबीच्या हाती झेलबाद झाला आहे. आता चेन्नईला 26 चेंडूत 24 धावांची गरज आहे.

दोन्ही सलामीवीर बाद होताच चेन्नईचा खेळ सावरु पाहणारा अष्टपैलू मोईन अलीही बाद झाला आहे. हर्षल पटेलच्या चेंडूवर विराटने त्याचा झेल घेतला आहे.

गायकवाड बाद होताच पुढच्याच षटकात मॅक्सवेलच्या चेंडूवर फाफ डुप्लेसी देखील झेलबाद झाला आहे. नवदीप सैनीने त्याचा झेल घेतला आहे.

चेन्नई संघाने उत्तम सुरुवात केली असतानाच आरसीबीचा कर्णधार विराट कोहलीने चहलच्या चेंडूवर ऋतुराज गायकवाडची सुपरकॅच घेत संघाला पहिलं यश मिळवून दिलं.

157 धावांचे लक्ष्य पूर्ण करण्यासाठी चेन्नई सुपरकिंग्सजे ऋतुराज गायकवाड आणि फाफ डुप्लेसी मैदानात आले आहेत.

सलामीवीर विराट आणि देवदत्तने अर्धशतकं ठोकली. पण नंतरच्या खेळाडूंना खास कामगिरी करता न आल्याने संघ 156 धावाच करु शकला.

चेन्नईचा मुख्य गोलंदाज दीपकला अखेर पहिलं यश मिळालं आहे. टीम डेविडला त्याने झेलबाद केलं आहे.

शार्दूल ठाकूरच्या षटकात आरसीबीचे दोन फलंदाज बाद झाले आहेत. एबी डिव्हीलीयर्सचा झेल सुरेश रैनाने तर पडीक्कलचा झेल अंबाती रायडूने घेतला आहे.

अर्धशतक पूर्ण होताच विराट कोहली बाद झाला आहे. डीजे ब्राव्होच्या चेंडूवर रवींद्र जाडेजाने त्याचा झेल घेतला आहे.

पडीक्कल पाठोपाठ कर्णधार विराट कोहलीने देखील अर्धशतक पूर्ण केलं आहे. आयपीएलच्या कारकिर्दीतील हे त्याचं 41 वं अर्धशतक आहे.

आरसीबीने धमाकेदार फलंदाजी करत उत्तम सुरुवाकत केली आहे. देवदत्त पडीक्कलने अवघ्या 35 चेंडूत अर्धशतक पूर्ण केलं आहे.

आरसीबीचा कर्णधार विराट कोहली देवदत्त पडीक्कलसोबत मिळून धमाकेदार फलंदाजी करत आहे. षटकार आणि चौैकारांची बरसात सुरुच आहे.

शारजाहचं मैदान षटकारांसाठी प्रसिद्ध आहे. याठिकाणी षटकारांना सुरुवात झाली असून चौैथ्याच षटकात देवदतने हेजलवुडला षटकार ठोकला आहे.

आरसीबीचे सलामीवीर विराट कोहली आणि देवदत्त पडीक्कल मैदानात आले असून पहिल्या दोन चेंडूवर कोहलीने दोन चौकार लगावले आहेत.

आजच्या सामन्यात सीएसके संघात एकही बदल नसून आरसीबी संघात मात्र दोन बदल करण्यात आले आहेत. सचिन बेबीच्या जागी टीम डेविडला आणि कायल जेमिसनच्या जागी नवदीप सैनीला जागा देण्यात आली आहे.

विराट कोहली (कर्णधार), देवदत्त पडीक्कल, केएस भारत, ग्लेन मॅक्सवेल, एबी डीव्हिलीयर्स, वनिंजू हसरंगा, टीम डेविड, नवदीप सैनी, हर्षल पटेल, मोहम्मद सिराज, युझवेंद्र चहल.

ऋतुराज गायकवाड़, फाफ डुप्लेसी, मोईन अली, सुरेश रैना, अंबाती रायडू, एमएस धोनी (कर्णधार-यष्टीरक्षक), रवींद्र जाडेजा, ड्वेन ब्रावो, शार्दुल ठाकूर, दीपक चाहर, जॉश हेजलवुड

विलंबानंतर नाणेफेक झाली असून चेन्नईने नाणेफेक जिंकत गोलंदाजी करण्याचा निर्णय़ घेतला आहे.

शारजाहच्या मैदानात आलेल्या वाळू वादळामुळे नाणेफेकीला थोडा विलंब झाला आहे. काही वेळातच नाणेफेक होणार आहे.

इतर मैदानांच्या तुलनेत छोटं असणारं शारजाहचं मैदान अगदी पूर्वीपासून धडाकेबाज फलंदाजीसाठी प्रसिद्ध आहे. या मैदानावर  मागील काही वर्षांपासून आयपीएलमधील धुरंधर खेळाडूं षटकांची आतषबाजी करत आहेत. आजही अशी आतषबाजी पाहायला मिळू शकते.