Rishabh Pant IPL DC Team: ऋषभ दीर्घकाळ क्रिकेटच्या मैदानापासून लांब राहणार, तर मग दिल्ली कॅपिटल्सचा कॅप्टन कोण?
Rishabh Pant IPL DC Team: अपघातामुळे ऋषभ पंतला दीर्घकाळ क्रिकेटच्या मैदानापासून लांब रहावं लागू शकतं. अशावेळी कॅप्टनशिपसाठी 'या' खेळाडूंची नाव चर्चेत आहेत.
Rishabh Pant IPL DC Team: स्टार विकेटकीपर फलंदाज ऋषभ पंतच्या अपघातानंतर भारतीय टीमप्रमाणेच आयपीएल फ्रेंचायजी दिल्ली कॅपिटल्सही टेन्शनमध्ये आहे. ऋषभ दिल्ली कॅपिटल्सचा कॅप्टन आहे. त्याला बर व्हायला 5 ते 6 किंवा 9 महिन्यापर्यंत वेळ लागू शकतो. त्यामुळे दिल्ली फ्रेंचायजीची चिंता वाढली आहे. आयपीएलचा पुढचा 2023 चा सीजन एप्रिलमध्ये सुरु होणार आहे. दिल्ली कॅपिटल्ससमोर ऋषभ पंतच्या जागी नवा कर्णधार निवडण्याच आव्हान आहे. दिल्ली कॅपिटल्सच्या कॅप्टनशिपसाठी ऑस्ट्रेलियाई ओपनर डेविड वॉर्नर आणि भारतीय बॅट्समन पृथ्वी शॉ हे दोन मोठे दावेदार आहेत.
कॅप्टनशिपसाठी चार खेळाडूंची नाव चर्चेत
त्याशिवाय ऑस्ट्रेलियाई ऑलराऊंडर मिचेल मार्श आणि मनिष पांडे सुद्धा शर्यतीत आहेत. सर्वप्रथम ऋषभ पंत कधीपर्यंत बरा होईल, हे काही दिवसातच समजेल. त्यानंतर ऋषभ आयपीएलपर्यंत फिट झाला नाही, तरी वरील चार खेळाडूंपैकी एकाला नेतृत्वाची संधी मिळेल.
ऋषभच्या जागी तो कॅप्टन झाल्यास आश्चर्य नाही
डेविड वॉर्नरकडे आयपीएलमध्ये कॅप्टनशिप करण्याचा अनुभव आहे. त्याच्या नेतृत्वाखाली सनरायजर्स हैदराबादने 2016 साली आयपीएलच जेतेपद पटकावलं होतं. पंतच्या जागी वॉर्नर कॅप्टन झाल्यास, आश्चर्य वाटणार नाही. वॉर्नरने अलीकडेच दक्षिण आफ्रिकेविरुद्ध टेस्ट मॅचमध्ये डबल सेंच्युरी झळकवली आहे.
पृथ्वी शॉ सुद्धा दावेदार
पृथ्वी शॉ सुद्धा कर्णधारपदासाठी दावेदार आहे. त्याच्याकडे कॅप्टनशिपचा अनुभव आहे. त्याच्या नेतृत्वाखाली 2018 साली टीम इंडियाने अंडर 19 वर्ल्ड कप जिंकला आहे. 23 वर्षाच्या पृथ्वीने मुंबई टीमच नेतृत्व केलय. दिल्ली कॅपिटल्स या युवा खेळाडूला संधी देऊ शकते.
अशी आहे दिल्ली कॅपिटल्सची सध्याची टीम
ऋषभ पंत (कॅप्टन), डेविड वॉर्नर, मुकेश कुमार, रिली रोसो, मनीष पांडे, पृथ्वी शॉ, फिल सॉल्ट, रिपल पटेल, रोव्हमॅन पॉवेल, सरफराज खान, यश ढुल, मिचेल मार्श, ललित यादव, अक्षर पटेल, एनरिच नॉर्खिया, चेतन सकारिया, कमलेश नागरकोटी, खलील अहमद, लुंगी एनगिडी, मुस्तफिजुर रहमान, अमन खान, कुलदीप यादव, इशांत शर्मा, प्रवीण दुबे आणि विक्की ओस्तवाल.
