RR vs RCB Live Score, IPL 2021 : ग्लेन मॅक्सवेलचं धमाकेदार अर्धशतक, आरसीबीचा राजस्थानवर 7 विकेट्सनी विजय

विराटच्या आरसीबी संघाने आणखी एक दमदार विजय मिळवला आहे. सात गडी राखून त्यांनी राजस्थानवर विजय मिळवला.

ग्लेन मॅक्सवेलंन धमाकेदार अर्धशतक ठोकलं आहे. त्याने केवळ 30 चेंडूत 50 धावा केल्या.

आरसीबीकडून एकहाती झुंज देणारा यष्टीरक्षक भरत 44 धावांवर बाद झाला आहे. मुस्तफिजूरने त्याची विकेट घेतली आहे. आता आरसीबीला 24 चेंडूत 23 धावांची गरज आहे.

नुकताच एक झेल सोडल्यानंतर रियान परागने अप्रतिम डायरेक्ट हीट करत आरसीबीचा कर्णधार विराट कोहलीला धावचीत केलं आहे.

आरसीबी संघाकडून सलामीवीर विराट आणि देवदत्त यांनी उत्तम सुरुवात केल्यानंतर संघाच्या 48 धावा झाल्या असताना देवदत्त बाद झाला आहे. मुस्तफिजूरने त्याची विकेट घेतली आहे.

अखेरच्या षटकात हर्षलने तीन विकेट्स घेत राजस्थान संघाला 149 धावांवर रोखलं. त्यामुळे आरसीबीला विजयासाठी 150 धावांची गरज आहे.

हर्षलने रियान पाठोपाठ ख्रिस मॉरिसलाही बाद केलं आहे. देवदत्त पडीक्कलने त्याचा झेल घेतला आहे.

राजस्थानचा आठवा गडी रियान परागच्या रुपात बाद झाला आहे. हर्षल पटेलच्या चेंडूवर विराट कोहलीने त्याचा झेल घेतले आहे.

राजस्थानचा सातवा गडी लियम लिव्हिंगस्टन चहलच्या चेंडूवर बाद झाला आहे. डिव्हीलीयर्सने त्याची कॅच घेतली आहे.

संजू बाद झालेल्या षटकातच शाहबाजने राहुल तेवतियाचा विकेटही घेतला आहे. पडीक्कलनेच त्याचा झेल घेतला आहे.

राजस्थान रॉयल्स संघाला मोठा झटका बसला आहे. कर्णधार संजू सॅमसन केवळ 19 धावा करुन बाद झाला आहे. शाहबाज अहमदच्या चेंडूवर देवदत्त पडीक्कलने त्याचा झेल घेतला आहे.

आरसीबीचा स्टार फिरकीपटू युझवेंद्र चहलने राजस्थानचा महिपाल लोमरोरला 3 धावांवर बाद केलं आहे.

जबरदस्त अर्धशतक ठोकल्यानंतर एविन लुईस बाद झाला आहे. डेब्यू करणारा खेळाडू गार्टनच्या चेंडूवर यष्टीरक्षक भरतने त्याचा झेल घेतला आहे.

राजस्थान रॉयल्सचा सलामीवीर एविन लुईसने 31 चेंडूत 51 धावा ठोकत अर्धशतक ठोकलं आहे. त्याने लागोपाठ दोन चौकार लगावले आहेत.

संघाला दमदार सुरुवात करुन दिल्यानंतर राजस्थानचा सलामीवीर यशस्वी जैस्वाल 31 धावा करुन बाद झाला आहे.

राजस्थान रॉयल्सने  दमदार फलंदाजीने सामन्याची सुरुवात केली आहे. सलामीवीर यशस्वी आण लुईस धमाकेदार फलंदाजी करत आहेत. 5 षटकानंतर लुईसने 19 चेंडूत 39 धावा केल्या असून यशस्वीने 13 धावांची खेळी आतापर्यंत केली आहे.

राजस्थानने फलंदाजीला सुरुवात केली असून सलामीवीर यशस्वी जैस्वाल आणि एविन लुईस मैदानात आले आहेत. नुकताच यशस्वीने दुसऱ्या षटकात पहिला चौकार खेचत त्याचं खातं खोललं आहे.

नाणेफेक जिंकत आरसीबीचा कर्णधार विराट कोहलीने गोलंदाजी करण्याचा निर्णय़ घेतला आहे.

इंग्लंडचा खेळाडू जॉर्ज गार्टन हा आज RCB संघाकडून आयपीएलमध्ये डेब्यू करत आहे.

संजू सॅमसन(कर्णधार आणि यष्टीरक्षक), एविन लुईस, यशस्वी जैस्वाल, डेविड मिलर, लियाम लिव्हिंगस्टोन, राहुल तेवतिया, माहिपार लोमरोर, रियान पराग, कार्तिक त्यागी, मुस्तफिजूर रेहमान, चेतन सकारीया

विराट कोहली (कर्णधार), देवदत्त पडीक्कल, केएस भारत, ग्लेन मॅक्सवेल, एबी डीव्हिलीयर्स, डॅनियल ख्रिस्टियन, शेहबाद अहमद, जॉर्ज गार्टन, हर्षल पटेल, मोहम्मद सिराज, युझवेंद्र चहल.

राजस्थानला आजचा सामना जिंकण फार महत्त्वाचं आहे. पण आरसीबी संघाचा फॉर्म सध्या कमालीचा आहे. त्यांनी याआधीच्या सामन्यात बलाढ्य मुंबई इंडियन्सला 54 धावांनी पराभूत केलं. तर राजस्थान रॉयल्सचा संघ सनरायजर्स हैद्राबादकडून 7 विकेटने पराभूत होऊन आला आहे.