पाकिस्तानचा दिग्गज खेळाडू शाहिद अफ्रिदीने शेअर केला विराटचा व्हिडीओ, म्हणाला…
विराट कर्णधार असलेल्या रॉयल चँलेजर्स बंगळुरु संघाने अद्याप एकदाही आय़पीएलचं जेतेपद पटकावलेलं नाही. पण यंदा मात्र आरसीबी संघ दमदार प्रदर्शन करत आहे. ते प्लेऑफमध्येही पोहोचले आहेत.
मुंबई: विराट कोहली (Virat Kohli) हा सद्यस्थितीला जगातील अव्वल फलंदाजांपैकी एक आहे. विशेष म्हणजे वनडे, कसोटी आणि टी20 अशा तिन्ही फॉर्मेटमध्ये विराट उत्कृष्ट फलंदाजी करतो. क्लासिक फलंदाजीमुळे जगभरात प्रसिद्ध विराटचे जगभरात चाहते आहेत. दरम्यान क्रिकेट जगतातील दिग्गज अष्टपैलू खेळाडू असणारा पाकिस्तानचा शाहिद अफ्रिदी (Shahid Afridi) यानेही कोहलीचं कौतुक करत चक्क त्याचा व्हिडीओ स्वत:च्या ट्विटरवरुन शेअर केला आहे.
विराटने नुकताच त्याचा आरसीबीच्या सामन्यापूर्वी सराव करतानाचा एक व्हिडीओ ट्विट केला होता. त्याच व्हिडीओला रिट्विट करत अफ्रिदीने कोहलीचं कौतुक केलं आहे. या ट्विटमध्ये अफ्रिदीने लिहिलं आहे, “या फलंदाजाला फलंदाजी करताना पाहणं एक पर्वणीच असते. असे महान खेळाडू सरावादरम्यान आपलं 100 टक्के योगदान देतात.”
Treat to watch – A great player always gives 100% in practice!! ?? https://t.co/5sxxVaqXYw
— Shahid Afridi (@SAfridiOfficial) October 5, 2021
आरसीबी यंदा उत्तम फॉर्ममध्ये
आतापर्यंत एकदाही आयपीएलचं विजेतेपद न पटकावलेल्या आरसीबी संघाला यंदा मात्र जेतेपद पटकावण्याची पूर्ण संधी आहे. त्यांचा संघ यंदा प्लेऑफमध्ये गेला आहे. यंदाच्या पर्वात आतापर्यंत झालेल्या 13 सामन्यातील 8 सामने जिंकत आरसीबीने 16 गुण खात्यात जमा केले आहेत. ज्यामुळे त्यांची यंदाची कामगिरी दरवर्षीच्या तुलनेत उत्तम सुरु आहे.
विराट कर्णधार म्हणून शेवटचं वर्ष
दरम्यान आरसीबीचा कर्णधार विराटने काही दिवसांपूर्वी आगामी टी20 विश्वचषकानंतर भारतीय टी20 क्रिकेट संघाचं कर्णधारपद सोडण्याचा निर्णय घेतला होता. त्यानंतर त्याने आरसीबीचं कर्णधारपदही या आयपीएलनंतर सोडणार असल्याचं स्पष्ट केलं आहे.
हे ही वाचा
T20 WC : भारत टी-20 विश्वचषक स्पर्धेचा प्रबळ दावेदार, मात्र ‘या’ तीन संघांचं तगडं आव्हान
(Shahid afridi Shares Virat kohlis practice session video says hes legend give his 100 percent in practice)