लाज वाटली पाहिजे, मोहम्मद शमीने पाकिस्तानच्या माजी खेळाडूला असा झापला

Shami on hasan raza

Shami on hasan raza : भारतीय खेळाडू वर्ल्डकप 2023 मध्ये उत्तम कामगिरी करत आहेत. पाकिस्तानचा माजी क्रिकेटपटू हसन रझा याने भारतीय गोलंदाजांना वेगळे चेंडू दिले जात असल्याचा आरोप केला होता. त्यामुळेच भारतीय गोलंदाज चांगली कामगिरी इतर असल्याचा आरोप त्याने केला होता. भारतीय गोलंदाज सध्या वर्ल्डकपमध्ये चांगली कामगिरी करत आहे. त्या जोरावर भारताने आठही सामने जिंकले आहेत. यावर हसन रझा म्हणाला होता की, भारतीय गोलंदाजांना खास चेंडू दिले जात आहेत त्यामुळे त्यांची कामगिरी अप्रतिम आहे.

माजी पाकिस्तानी खेळाडूच्या या विधानावर टीका होत असताना आता माजी दिग्गज पाकिस्तानी गोलंदाज वसीम अक्रमनेही हसन रझा यांचे विधान चुकीचे असल्याचे म्हटले होते. यावर आता भारतीय गोलंदाज मोहम्मद शमीने देखील हसन रझा याला उत्तर दिले आहे.

इन्स्टाग्रामवर पोस्ट शेअर करून मोहम्मद शमीने पाकिस्तानच्या माजी क्रिकेटपटूला चांगलेच झापले आहे. शमीने लिहिले, “लाज वाटली, यार, खेळावर लक्ष केंद्रित कर आणि मूर्खपणावर नाही… कधीतरी इतरांच्या यशाचा आनंद घ्या. शिट यार, हा आयसीसी विश्वचषक आहे, तुझी स्थानिक स्पर्धा नाही. तू खेळाडू होतास? वसीम भाई. तेव्हाही मी समजावले होते… हाहाहाहा… तुझावर वसीम अक्रमचाही विश्वास नाही.”

शमीची ही पोस्ट आता सोशल मीडियावर चांगलीच व्हायरल झाली आहे. या विश्वचषकात मोहम्मद शमीने अप्रतिम गोलंदाजी केली आहे आणि 4 सामन्यात 16 विकेट्स घेण्यात यश मिळवले आहे. शमी विश्वचषकाच्या इतिहासात भारताकडून सर्वाधिक विकेट घेणारा गोलंदाज बनला आहे. शमीने आतापर्यंत विश्वचषकात भारताकडून एकूण 47 विकेट्स घेतल्या आहेत.