कपिल शर्माच्या शोमध्ये श्रेयस अय्यरने दाखवली जादू, पाहून सगळेच हैराण
भारताचा मधल्या फळीतील क्रिकेटर श्रेयस अय्यर यांने कपिल शर्मा शोमध्ये हजेरी लावली होती. त्याच्या सोबत रोहित शर्मा देखील पाहुणा म्हणून पोहोचला होता. कपिलच्या या शोमध्ये श्रेयस अय्यरने अशी जादू दाखवली की पाहून सगळेच हैराण झाले. त्याची ही गोष्ट कोणालाच माहित नव्हती.
Kapil Sharma Show : कपिल शर्माच्या कॉमेडी शोचा दुसरा भाग समोर आला आहे. या शोमध्ये दिग्गज क्रिकेटर रोहित शर्मा आणि श्रेयस अय्यर पाहुणे म्हणून आले होते. कपिल शर्माच्या या शोमध्ये फलंदाज श्रेयस अय्यरने अशी कला दाखवली जी कोणालाच माहित नव्हती. ज्याचा व्हिडिओ आता सोशल मीडियावर व्हायरल होत आहे. श्रेयस अय्यर याने कपिल शर्माच्या शोमध्ये आपली जादू दाखवली, ज्याला पाहून कर्णधार रोहित शर्मा आणि अर्चना पूरण सिंह देखील आश्चर्यचकित झाले.
कपिल शर्माच्या शोमध्ये श्रेयस अय्यर जादूगार बनलाय. श्रेयस अय्यरच्या जादूचा व्हिडिओ सोशल मीडियावर व्हायरल होत आहे, ज्यामध्ये तो कपिल शर्माला पत्त्यांची जादू दाखवत आहे. त्याने कार्ड्सच्या डेकमधून कपिल शर्माला एक कार्ड काढण्यास सांगतो. यानंतर कपिल शर्मा एक कार्ड काढतो. ते कोणतं कार्ड आहे ते अय्यरला दाखवलं जात नाही. पण नंतर श्रेयस अय्यर बरोबर तेच कार्ड काढतो. हे पाहून अर्चना आणि रोहित शर्मासह सर्व चाहत्यांना धक्का बसतो.
श्रेयस अय्यर कपिल शर्माला कोणाचे तरी नाव घेण्यास सांगतो आणि कपिल अर्चनाचे नाव घेतो. यानंतर, अय्यर अर्चनाच्या नावाच्या स्पेलिंगनुसार 7 कार्डे काढतो आणि कपिलला अर्चनाच्या नावाच्या स्पेलिंगनुसार कार्ड काढायला सांगतो.
Shreyas Iyer- Full time Cricketer, Part time Magician😅 #CricketTwitter📷 pic.twitter.com/YEnw1A5mIc
— Parth Patil (@parthhpatil) April 6, 2024
कपिल त्यानुसार कार्ड काढतो, पण जे कार्ड कपिलने आधी काढले होते, ते अर्चनाच्या नावाचे स्पेलिंग असलेले संपल्यानंतर शेवटी तेच कार्ड निघते हे पाहून सर्वांनाच आश्चर्य वाटते. हे पाहून सगळेच टाळ्या वाजवतात आणि अय्यरच्या जादूवर आनंद व्यक्त करतात.