SRH विरुद्ध RR Live Score, IPL 2022: राजस्थानचा सनरायजर्स हैदराबादवर ‘रॉयल’ विजय

राजस्थान रॉयल्सने SRH चा 61 धावांनी पराभव केला व आयपीएलमध्ये विजयी शुभांरभ केला. राजस्थानने दिलेल्या लक्ष्याचा पाठलाग करताना सनरायजर्स निर्धारीत 20 षटकात सात बाद 149 धावा केल्या.

हैदराबादच्या वॉशिंग्टन सुंदरने खेळपट्टीवर येताच फटकेबाजी सुरु केली आहे. नाथन कूल्टर नाइलच्या एक ओव्हरमध्ये त्याने 24 धावा वसूल केल्या.

युजवेंद्र चहलने रोमारियो शेपहर्डला (24) क्लीन बोल्ड केलं आहे. 6 बाद 78 अशी हैदराबादची स्थिती आहे.

15 षटकात SRH च्या पाच बाद 77 धावा झाल्या आहेत. एडन मार्कराम (31) आणि रोमारियो शेपहर्ड (24) मैदानात आहेत.

युजवेंद्र चहलने SRH ला दुसरा झटका दिला आहे. अब्दुल समदला चार धावांवर चहलने रियान परागकरवी झेलबाद केले. मोठा फटका खेळण्याच्या प्रयत्नात समद आऊट झाला. हैदराबादची स्थिती पाच बाद 38 झाली आहे.

युजवेंद्र चहलने गोलंदाजीला येताच राजस्थान रॉयल्ससाठी पहिली विकेट घेतली आहे. चहलने अभिषेक शर्माला 9 धावांवर हेटमायर करवी झेलबाद केले. एसआरएचची स्थिती चार बाद 29 झाली आहे.

राजस्थानने दिलेल्या 211 धावांच्या लक्ष्याचा पाठलाग करताना सनरायजर्स हैदराबादचा डाव अडचणीत सापडला आहे. पाच षटकात अवघ्या 13 धावात त्यांचे तीन विकेटस गेल्या आहेत. कॅप्टन केन विलियमसन (2), राहुल त्रिपाठी (०) आणि निकोलस पूरन (०) बाद झाले आहेत. प्रसिद्ध कृष्णाने विलियमसन आणि त्रिपाठीला तंबूत पाठवलं. ट्रेंट बोल्टने पूरनची विकेट काढली.

राजस्थानच्या टीमने आज तुफान फलंदाजी केली. आधी जोस बटलर (35), यशस्वी जैस्वाल (20), त्यानंतर संजू सॅमसन (55), देवदत्त पडिक्कल (41), हेटमायर (33) ने हैदराबादची गोलंदाजी चोपून काढली. मैदानावर चौकार-षटकारांचा पाऊस पाडला. यंदाच्या आयपीएलमधील 210 ही सर्वोच्च धावसंख्या राजस्थान रॉयल्सने नोंदवली आहे. याआधी आरसीबीने दिलेले 206 धावांचे लक्ष्य पंजाब किंग्सने पार केलं होतं.

देवदत्त पडिक्कल, संजू सॅमसन आऊट झाल्यानंतरही राजस्थानची हिटिंग थांबलेली नाही. आता शिमरॉन हेटमायरने आपला तडाखा दाखवला आहे. त्याने 11 चेंडूत 29 धावा फटकावल्या आहेत. यात एक चौकार आणि तीन षटकार आहेत.

17 षटकार राजस्थान रॉयल्सच्या चार बाद 170 धावा झाल्या आहेत. शिमरॉन हेटमायर आणि रियान परागची जोडी मैदानात आहे.

राजस्थान रॉयल्सने सनरायजर्स हैदराबादची गोलंदाजी अक्षरक्ष: फोडून काढली. आक्रमक फलंदाजी करणारा कॅप्टन संजू सॅमसन अखेर बाद झाला आहे. त्याने 27 चेंडूत 55 धावा केल्या. यात तीन चौकार आणि पाच षटकार खेचले. भुवनेश्वर कुमारने संजूला अब्दुल समदकरवी झेलबाद केले.

राजस्थानचा कॅप्टन संजू सॅमसनची आक्रमक फलंदाजी सुरु आहे. राजस्थानच्या 100 धावा पूर्ण झाल्या आहेत. 11 षटकात राजस्थानच्या दोन बाद 101 धावा झाल्या आहेत. संजू सॅमसनने वॉशिंग्टन सुंदरची धुलाई केली आहे. संजू 36 धावांवर खेळतोय. त्याने दोन चौकार आणि तीन षटकार लगावले आहेत.

उमरान मलिकने जोस बटलरला पॅव्हेलियनमध्ये धाडले आहे. विकेटकीपर पूरनकरवी त्याने बटलरला झेलबाद केले. बटलरने 35 धावा केल्या. राजस्थानच्या दोन बाद 75 धावा झाल्या आहेत.

आठ षटकात राजस्थानच्या एक बाद 75 धावा झाल्या आहेत. जोस बटलर 35 आणि संजू सॅमसन 15 धावांवर खेळतोय. संजूने शेवटच्या चेंडूवर कडक षटकार मारला.

यशस्वी जैस्वालच्या रुपाने राजस्थानचा पहिला विकेट गेला आहे. शेपहर्डच्या गोलंदाजीवर यशस्वी 20 धावांवर Out झाला. मिडविकेटला मोठा फटका खेळण्याच्या प्रयत्नात त्याने एडन मार्करामकडे झेल दिला.

राजस्थानने पावरप्लेचा फायदा उचलला आहे. त्यांनी दमदार सुरुवात केली आहे. राजस्थान रॉयल्सच्या पहिल्या सहा षटकात बिनबाद 58 धावा झाल्या आहेत. जोस बटलर 33 धावावर तर यशस्वी जैस्वाल 20 धावांवर खेळतोय.

राजस्थान रॉयल्सने आक्रमक सुरुवात केली आहे. त्यांच्या पाच षटकात 52 धावा झाल्या आहेत. वॉशिंग्टन सुंदरच्या एका षटकात 18 धावा वसूल केल्या.

उमरान मलिकच्या एका षटकात चौकार-षटकार ठोकून राजस्थान रॉयल्सने 21 धावा वसूल केल्या. जोस बटलर 25 धावांवर खेळतोय. त्याने तीन चौकार आणि दोन षटकार लगावले. यशस्वी जैस्वाल 6 धावांवर खेळतोय.

केन विलियमसन (कॅप्टन), अभिषेक शर्मा, राहुल त्रिपाठी, निकोलस पूरन, एडन मार्कराम, अब्दुल समद, वॉशिंग्टन सुंदर, भुवनेश्वर कुमार, रोमारियो शेफर्ड, टी नटराजन, उमरान मलिक,

संजू सॅमसन (कॅप्टन), जोस बटलर, यशस्वी जैस्वाल, देवदत्त पडिक्कल, शिमरॉन हेटमायर, रियान पराग, रविचंद्रन अश्विन, नाथन कूल्टर नाइल, ट्रेंट बोल्ट, युजवेंद्र चहल, प्रसिद्ध कृष्णा,

सनरायजर्स हैदराबादने टॉस जिंकून प्रथम क्षेत्ररक्षणाचा निर्णय घेतला आहे. दोन षटकांचा खेळ पूर्ण झाला असून राजस्थानच्या सहा धावा झाल्या आहेत. जोस बटलर चार आणि यशस्वी जैस्वाल एक रन्सवर खेळतोय.