Sunil Gavaskar: BCCI वर भडकले गावस्कर, सरळ सुनावलं, ‘तुम्ही त्याचं टॅलेंट वाया घालवताय’

sunil-gavaskar

मुंबई: भारताचे माजी कर्णधार सुनील गावस्कर हे स्पष्टवक्तेपणासाठी ओळखले जातात. क्रिकेट संदर्भात वेगवेगळ्या विषयांवर ते नेहमीच आपली मत स्पष्टपणे मांडत असतात. टीम इंडियातील एका खेळाडूवर अन्याय होत असल्याने गावस्कर सध्या नाराज आहेत. त्यांनी बीसीसीआयवर आपला राग काढला. सुनील गावस्कर यांनी या खेळाडूला सपोर्ट केला. भारतीय टीम मॅनेजमेंटवर त्यांनी निशाणा साधला. तुम्ही त्याच टॅलेंट वाया घालवताय असं गावस्कर म्हणाले.

BCCI वर गावस्कर भडकले

2023 वर्ल्ड कप स्पर्धा भारतात होणार आहे. ही टुर्नामेंट आता जास्त लांब नाहीय. या परिस्थितीत टीम इंडिया 2023 वर्ल्ड कपमध्ये रोहित शर्मा, शिखर धवन, केएल राहुल आणि शुभमन गिल यापैकी कोण ओपनिंगला जाणार? या प्रश्नाच उत्तर शोधतेय. या विषयावर भारताचे माजी कर्णधार सुनील गावस्कर यांनी मोठं विधान केलय.

टीम इंडियाच्या ‘या’ खेळाडूला गावस्करांचा सपोर्ट

भारतीय टीममध्ये शिखर धवनसोबत अन्याय होत असल्याचं गावस्करांच मत आहे. 2023 वनडे वर्ल्ड कप स्पर्धेत रोहित शर्मासोबत शिखर धवन ओपनिंगसाठी प्रबळ दावेदार असल्याचं गावस्कर मानतात. “टीम इंडियाला नेहमीच एका रायटी आणि लेफ्टी बॅट्समनची ओपनिंगसाठी गरज होती. शिखर धवनमुळे तुम्हाला तो पर्याय मिळतो” असं गावस्कर म्हणाले.

तुम्ही त्याच टॅलेंट वाया घालवताय

“शिखर धवनकडे भरपूर अनुभव आहे. टीम इंडियाच्या प्लेइंग इलेव्हनमध्ये सलामीसाठी तो योग्य खेळाडू आहे. सिनियर खेळाडूंच्या अनुपस्थितीत, तो फक्त जागा भरण्याचा एक पर्याय नाहीय” असं सुनील गावस्कर सोनी स्पोर्ट्स नेटवर्कवर बोलताना म्हणाले.