IND vs SA : फायनलसाठी भारताचे शिलेदार सज्ज, प्लेइंग इलेव्हनमधून या खेळाडूला डच्चू?

T20 world cup playing 11

India Playing XI for T20WC Final : भारतीय संघ (Team India) दुसरा टी-20 विश्वचषक जिंकण्यापासून फक्त एक पाऊल दूर आहे. भारताचा सामना एकही सामना न गमावता अंतिम फेरीत पोहोचलेल्या बलाढ्य दक्षिण आफ्रिकेच्या संघाशी होणार आहे. टीम इंडिया फायनलमध्ये एकही चूक होणार नाही यासाठी प्रयत्न करणार आहे. अंतिम सामना जिंकण्यासाठी टीम इंडिया पूर्ण ताकदीनिशी मैदानात उतरणार आहे. सध्या विराट कोहली आणि शिवम दुबे यांना खास कामगिरी करता आलेली नाही. तर ते अजूनही संघात आहेत. अष्टपैलू रवींद्र जडेजाला ही खास कामगिरी करता आलेली नाही. टीम इंडिया सातत्याने जिंकत आली आहे. पण फायनल सामन्यात काही बदल दिसू शकतात.

यशस्वी जैस्वाल परतणार का?

दक्षिण आफ्रिकेविरुद्धच्या (Ind vs SA) अंतिम सामन्यात यशस्वी जैस्वालचे पुनरागमन झाले तर तो रोहित शर्मासोबत सलामी करू शकतो. अशा स्थितीत विराट कोहली पुन्हा तिसऱ्या क्रमांकावर खेळू शकतो. कोहली संपूर्ण स्पर्धेत सलामीवीर म्हणून अपयशी ठरला आहे. आता जर तो तिसऱ्या क्रमांकावर आला तर भारताला देखील याचा फायदा होऊ शकतो. ऋषभ पंत पाचव्या क्रमांकावर खेळू शकतो. शिवम दुबेच्या जागी डावखुरा फलंदाज पंत खेळू शकतो.

गोलंदाजीत कोणताही बदल होणार नाही

हार्दिक पांड्या, रवींद्र जडेजा आणि अक्षर पटेल हे भारतीय संघात अष्टपैलू म्हणून खेळत आहेत आणि तिघेही फलंदाजी तसेच गोलंदाजी करत आहेत. हे तिघे अंतिम फेरीत संघात राहू शकतात. जडेजा फारसा प्रभाव पाडू शकला नसला तरी तो संघात राहू शकतो. कुलदीप यादवने आतापर्यंतच्या सर्व सामन्यांमध्ये आश्चर्यकारक कामगिरी केली आहे. जसप्रीत बुमराह आणि अर्शदीप सिंग वेगवान गोलंदाज म्हणून संघात राहतील.

भारताची संभाव्य प्लेइंग इलेव्हन

रोहित शर्मा (कर्णधार), विराट कोहली, ऋषभ पंत (यष्टीरक्षक), सूर्यकुमार यादव, यशस्वी जैस्वाल/शिवम दुबे, हार्दिक पंड्या, रवींद्र जडेजा, अक्षर पटेल, कुलदीप यादव, अर्शदीप सिंग, जसप्रीत बुमराह.

दक्षिण आफ्रिकेचा संभाव्य प्लेइंग इलेव्हन

क्विंटन डी कॉक (विकेटकीपर), रीझा हेंड्रिक्स, एडन मार्कराम (सी), हेनरिक क्लासेन, डेव्हिड मिलर, ट्रिस्टन स्टब्स, मार्को जॅनसेन, केशव महाराज, कागिसो रबाडा, ॲनरिक नॉर्खिया, तबरेझ शम्सी.