Rohit Sharma ला कॅप्टनशिपवरुन हटवल्यानंतर एका खेळाडूच्या करिअरची होऊ शकते दुर्दशा

Image Credit source: सोशल मीडिया

Rohit Sharma: टीम इंडियात आता रोहित शर्माच्या कॅप्टनशिपचा काही काळ शिल्लक आहे. रोहितच्या कॅप्टनशिपचे काही महिने शिल्लक राहिलेत, असं म्हणायला हरकत नाही. यावर्षी ऑक्टोबर-नोव्हेंबरमध्ये भारतात वनडे वर्ल्ड कप स्पर्धा होणार आहे. त्यानंतर रोहित शर्माच्या कर्णधारपदाचा प्रवास थांबण्याची दाट शक्यता आहे. रोहित शर्मा आता 35 वर्षांचा आहे. आता T20 मध्ये रोहित शर्मा आणि विराट कोहली दोघांच्या नावाचा विचार होत नाही. पुढच्यावर्षीपर्यंत वनडेमध्येही रोहितबाबत हेच निकष लावले जाऊ शकतात. रोहितनंतर हार्दिक पंड्या आणि श्रेयस अय्यर हे दोन प्लेयर कर्णधारपदासाठी प्रबळ दावेदार आहेत.

रोहितची कॅप्टनशिप गेल्यास एका प्लेयरला फटका

सर्वात महत्त्वाची बाब म्हणजे, रोहित शर्माचा कर्णधारपदाचा कार्यकाळ संपुष्टात आल्यानंतर एका खेळाडूच करिअर सुद्धा संपू शकतं. महेंद्रसिंह धोनी टीम इंडियाच्या कॅप्टनशिपवरुन पायउतार झाल्यानंतर सुरेश रैनाच आंतरराष्ट्रीय करिअर संपुष्टात आलं, हे सुद्धा तसच असेल. रोहितच्या नेतृत्वाखाली टीम इंडियाने 2023 चा वनडे वर्ल्ड कप जिंकला नाही, तर त्याला वनडे कॅप्टनशिपवरुन हटवलं जाऊ शकतं. रोहितच्या कॅप्टनशिपवरुन दूर होण्याचा टीम इंडियातील एका प्लेयरला फटका बसू शकतो.

त्याला संधी देण्यासाठी रोहित-द्रविड जोडीज हे पाऊल

रोहित शर्माच्या नेतृत्वाखाली केएल राहुलला टीम इंडियात जितकी संधी मिळालीय, कदाचितच तितकी संधी दुसऱ्या एखाद्या प्लेयरला मिळाली असेल. टी 20 आणि टेस्टमध्ये साधारण कामगिरी करुनही रोहित शर्माने केएल राहुलला भरपूर संधी दिलीय. वनडे क्रिकेटमध्ये ओपनर म्हणून केएल राहुलची कामगिरी ढासळत होती, तेव्हा कॅप्टन रोहित शर्मा आणि हेड कोच राहुल द्रविड यांनी त्याला नंबर 5 वर खेळण्याची संधी दिली. त्याशिवाय द्रविड आणि रोहित जोडीने राहुलकडे विकेटकिपिंगची अतिरिक्त जबाबदारी दिली. जेणेकरुन प्लेइंग इलेव्हनमध्ये त्याला जास्तीत जास्त संधी मिळेल.

टीम इंडियाचे दरवाजे त्याच्यासाठी कायमचे बंद होतील

मागच्यावर्षीपासून केएल राहुलच्या कामगिरीत सातत्य नाहीय. तो खराब प्रदर्शन करतोय, तरीही अजून टीम इंडियात स्थान टिकवून आहे. केएल राहुल 2022 टी 20 वर्ल्ड कपमध्ये पूर्णपणे फ्लॉप ठरला. केएल राहुलने संपूर्ण वर्ल्ड कप स्पर्धेत 4, 9, 9, 50, 51 आणि 5 धावा केल्या. 2022 T20 वर्ल्ड कपमध्ये फ्लॉप ठरल्यानंतर केएल राहुलला टी 20 टीममधून ड्रॉप केलं. फक्त विश्रांतीच नाव दिलं. यावर्षी भारतात होणाऱ्या 2023 वर्ल्ड कपमध्ये केएल राहुल असाच फ्लॉप ठरला, तर टीम इंडियाचे दरवाजे त्याच्यासाठी कायमचे बंद होऊ शकतात. इशान किशन, संजू सॅमसन हे आक्रमक बॅट्समन संधीच्याच प्रतिक्षेत आहेत.