T20 वर्ल्ड कप जिंकण्याच्या उद्देशाने रोहित शर्मा अमेरिकेला पोहोचलाय. वर्ल्ड कप विजय शक्य करण्यासाठी रोहित शर्मासमोर दोनच मार्ग आहेत. एक म्हणजे स्वत: शानदार प्रदर्शन करणं. दुसरं म्हणजे टीमला चांगल्या पद्धतीने लीड करणं. सगळ्या टीमकडून उत्तम परफॉर्मन्स काढून घेणं. या दोन रोलशिवाय रोहित शर्मासमोर आणखी एक आव्हान असेल. हे आव्हान आहे 29 वा षटकार मारण्याच. तुम्ही म्हणाल भारतीय कर्णधाराशी संबंधित का विषय काय आहे?. याचा संबंध T20 वर्ल्ड कपमधील सर्वाधिक सिक्सशी आहे.
रोहित शर्मा IPL 2024 खेळून T20 वर्ल्ड कपसाठी अमेरिकेला गेलाय. IPL 2024 मध्ये त्याने आपला प्रवास 23 सिक्सनी संपवला. पण T20 वर्ल्ड कपमध्ये रोहितला 23 नाही, 29 सिक्सची गरज आहे. रोहितने जर 29 वा सिक्स मारले, तर तो T20 वर्ल्ड कपच्या इतिहासातील सर्वाधिक सिक्स मारणारा फलंदाज बनेल.
रोहित या शर्यतीत कुठे आहे?
T20 वर्ल्ड कपच्या इतिहासात सर्वाधिक सिक्स मारण्याचा रेकॉर्ड वेस्ट इंडिजच्या ख्रिस गेलच्या नावावर आहे. त्याने 33 सामन्यात 31 डावात 63 सिक्स मारलेत. रोहित शर्मा या बाबतीत ख्रिस गेल नंतर दुसऱ्या स्थानावर आहे. रोहितचे 39 सामन्यात 36 डावात 35 सिक्स आहेत. म्हणजे तो ख्रिस गेलचा विक्रम मोडण्यापासून 29 सिक्स दूर आहे.
ICC इवेंटमध्ये सर्वाधिक धावा करणारा फलंदाज बनेल
रोहित शर्माने T20 वर्ल्ड कप 2024 मध्ये 29 सिक्स मारले, तर यूनिवर्स बॉस ख्रिस गेलचा रेकॉर्ड तुटेल. म्हणजे T20 वर्ल्ड कपच्या इतिहासात सर्वाधिक सिक्स मारण्याचा रेकॉर्ड आपल्या नावावर करेल. रोहितने 29 सिक्स लगावल्यानंतर विराट कोहलीनंतर ICC इवेंटमध्ये सर्वाधिक धावा करणारा दुसरा फलंदाज बनेल.
रोहितची स्पर्धा कोणाबरोबर?
ख्रिस गेल आता आंतरराष्ट्रीय क्रिकेट खेळत नाही. रोहितला फक्त 29 सिक्सच अंतर मिटवायच आहे. रोहितची या बाबतीत इंग्लंडच्या जोस बटलरशी स्पर्धा आहे. बटलरच्या नावावर 27 मॅचच्या 27 इनिंगमध्ये 33 सिक्स आहेत. तो रोहितच्या मागे आहे.