Sunil Gavaskar : ‘लिटील मास्टर’ सुनील गावसकर आणि त्यांच्या चाहत्यांसाठी वाईट बातमी
सुनील गावसकर (Sunil Gavaskar) हे सध्या टीम इंडियासोबत बांगलादेश दौऱ्यावर आहेत.
Sunil Gavaskar Mother Passed Away : टीम इंडियाचे माजी कर्णधार, 1983 च्या वर्ल्ड कप संघाचे सदस्य आणि समालोचक सर्वांचे लाडके ‘लिटील मास्टर’ अर्थात सुनील गावसकर यांच्या चाहत्यांसाठी अतिशय वाईट बातमी समोर आली आहे. सुनील गावस्कर (Littile Master Sunil Gavaskar) यांच्या मातोश्री मीनल गावसकर (Meenal Gavaskar) यांचं दीर्घ आजाराने वयाच्या 95 व्या वर्षी मुंबईतील राहत्या घरी निधन झालं आहे. तर गावसकर सध्या टीम इंडियासोबत बांगलादेश दौऱ्यावर आहेत. (team india former captain and 1983 world cup winner member sunil gavaskar mother passed away)
मीनल गावसकर या गेल्या अनेक महिन्यांपासून आजारी होत्या. यामुळे सुनील गावसकर हे आयपीएल 15 व्या मोसमातील नॉकआऊट राउंडमधील मॅचेसमध्ये कॉमेंट्रीसाठी हजर राहु शकले नव्हते. त्यावेळेस गावसकर हे आईला पाहण्यासाठी मुंबईला निघून आले.
वडिलानंतर मामांना गमावलं आता मातृछत्र हरपलं
दरम्यान सुनील गावसकर यांच्या वडिलांचं निधन वयाच्या 88 व्या वर्षी 30 मे 2012 रोजी झालं. त्यानंतर दिग्गज क्रिकेटपटू आणि सनुील यांचे मामा माधव मंत्री यांनी 23 मे 2014 साली वयाच्या 93 वर्षी अखेरचा श्वास घेतला. हृदयविकाराच्या झटक्याने त्यांचं निधन झालं.
गावसकर यांची क्रिकेट कारकीर्द
गावसकर यांनी टीम इंडियाचं 125 कसोटी आणि 108 एकदिवस सामन्यात प्रतिनिधित्व केलं आहे. गावसकर यांनी एकदिवसीय क्रिकेटमध्ये 1 शतक आणि 27 अर्धशतकांसह 3 हजार 392 धावा केल्या आहेत. तर कसोटीतील 125 सामन्यांतील 214 डावांमध्ये 21.12 च्या सरासरीने 4 खणखणीत द्विशतक आणि 34 शतकांसह 10 हजार 122 धावा ठोकल्या आहेत.
