IPL Auction 2021 Highlights | ख्रिस मॉरिसला सर्वात मोठी रक्कम, एकूण 57 खेळाडूंचा लिलाव

आयपीएलच्या 14 व्या मोसमासाठीचा लिलाव (IPL Auction 2021) संपला आहे. यामध्ये 298 खेळाडूंपैकी एकूण 57 खेळाडूंना विविध संघांनी मोठी रक्कम मोजून आपल्या ताफ्यात घेतलं आहे. दक्षिण आफ्रिकेचा ख्रिस मॉरीस (Chris Morris) हा आयपीएलच्या इतिहासातील सर्वात महागडा खेळाडू ठरला. मॉरीसला RCB ने तब्बल 16 कोटी 25 लाख रुपयांमध्ये खरेदी केलं. तसेच कृष्णप्पा गौतम हा महागडा अनकॅप्ड (आंतरराष्ट्रीय क्रिकेट न खेळलेला) खेळाडू ठरला. गौतमसाठी CSK ने 9 कोटी 25 लाख रुपये मोजले.

सर्वाधिक खेळाडू कोणी खरेदी केले?

पंजाबने सर्वाधिक खेळाडू आपल्या ताफ्यात घेतले. पंजाबने एकूण 9 खेळाडूंना आपल्या गोटात घेतलं. तर SRH ने सर्वात कमी म्हणजेच 3 खेळाडू घेतले. तर RCB, RR, KKR आणि DC ने प्रत्येकी 8 खेळाडू खरेदी केले.

या लिलावातील अखेरच्या टप्प्यात काही खेळाडूंना त्यांच्या मुळ किंमतीत खरेदी केलं आहे. पवन नेगीला kkr ने 50 लाख मोजून आपल्या ताफ्यात घेतलं आहे. तर वेंकटेश अय्यरला 20 लाखांमध्ये खरेदी केलं आहे. तसेच आकाश सिंहला RR ने 20 लाख मोजून आपल्याकडे घेतलं आहे.

माजी दिग्गज क्रिकेटपटू सचिन तेंडुलकरचा मुलगा अर्जुन तेंडुलकरला मुंबई इंडियन्सने 20 लाख रुपयांमध्ये आपल्या संघात सामावून घेतलं आहे.

सचिनचा तेंडुलकरचा मुलगा अर्जुन तेंडुलकर याला  मुंबई इंडियन्सच्या गोटात घेण्यात आलं आहे. अर्जुनला त्याच्या 20 लाखांच्या बेस प्राईज मध्ये समाविष्ट करण्यात आलंं आहे. अर्जुनला कोणता संघ आपल्या ताफ्यात घेणार याकडे अवघ्या क्रिकेट विश्वाचं लक्ष होतं.

दरम्यान आता आगामी मोसमात अर्जुन मुंबईच्या जर्सीत खेळताना दिसणार आहे. अर्जुनने विविध वयोगटातील स्पर्धांमध्ये उल्लेखीनय कामगिरी केली आहे.

माजी दिग्गज क्रिकेटपटू सचिन तेंडुलकरचा मुलगा अर्जुन तेंडुलकरला मुंबई इंडियन्सने 20 लाख रुपयांमध्ये आपल्या संघात सामावून घेतलं आहे.

टीम इंडियाचा खेळाडू हनुमा विहारी अनसोल्ड ठरला आहे.

बेन कटिंगला KKR ने बेस प्राइज 75 लाख मोजून आपल्या ताफ्यात घेतलं आहे. तर सी हरी निशांतला CSK ने 20 लाख देत गोटात समाविष्ट केलं आहे.

गुरकीरत मान आणि पवन नेगी यांच्या पदरी दुसऱ्यांदा निराशा पडली आहे. या दोघांना दुसऱ्या राऊंडमध्येही खरेदीदार मिळाला नाही.

अनुभवी फिरकीपटू हरभजन सिंहला KKR ने त्याच्या 2 कोटी या बेस प्राईजवर आपल्य ताफ्यात घेतलं आहे.

केदार जाधवला अखेर खरेदीदार मिळाला आहे. केदारला त्याच्या 2 कोटींच्या बेस प्राईजवर सनरायजर्स हैदराबादने खरेदी केलं आहे.

RCB ने सुयश प्रभुदेसाई आणि केएस भरतला 20 लाखांच्या बेस प्राइजवर खरेदी केलं आहे.

CSK ने एम हरिशंकरला 20 लाख रुपयांच्या बेस प्राईसच्या आधारावर गोटात दाखल केलं आहे.

फिरकीपटू कुलदीप यादवला त्याच्या मुळ किमंतीवर म्हणजेच 20 लाख रुपयांमध्ये RR ने ताफ्यात घेतलं आहे.

तर मुंबई इंडियन्सने 50 लाख मोजून जेम्स निशामला आपल्या गोटात घेतलं. आहे.

ऑस्ट्रेलियाचा मॅथ्यू वेड आणि श्रीलंकेचा थिसारा परेरा हे दोघेही अनसोल्ड राहिले आहेत. मॅथ्यू वेडची 1 कोटी तर परेराची 20 लाख इतकी बेस प्राईज होती.

डॅनियल क्रिश्चियनला आपल्या गोटात घेण्यासाठी kkr आणि rcb मध्ये चढाओढ पाहायला मिळाली. पण अखेर बंगळुरु डॅनियलला आपल्याकडे घेण्यात यशस्वी ठरली. बंगळुरुने डॅनियलसाठी 4.8 कोटी मोजले. डॅनियलची मुळ किमंत ही 75 लाख इतकी होती.

वेस्टइंडिजचा खेळाडू फॅबियन एलनला पंजाबने खरेदी केलं आहे. पंजाबने फॅबियनला 75 लाखांच्या बेस प्राईजमध्ये आपल्या ताफ्यात घेतलं

वैभव अरोराला कोलकाता नाईट रायडर्सने 20 लाख मोजून आपल्या ताफ्यात घेतलं आहे.

जलज सक्सेनाला पंजाबने त्याच्या बेस प्राईजमध्येच खरेदी केलं आहे. त्याची बेस प्राईज ही 30 लाख इतकी होती. तर उत्कर्ष सिंहलाही त्याच्या 20 लाखांच्या बेस प्राईजवर खरेदी करण्यात आलं आहे.

वरुण एरॉन , बेस प्राइज- 50 लाख.

ओशेन थॉमस, बेस प्राइज- 50 लाख.

मोहित शर्मा, बेस प्राइज- 50 लाख.

बिली स्टॅनलेक, बेस प्राइज- 50 लाख

मिचेल मॅक्लॅनघन, बेस प्राइज- 50 लाख

जेसन बेहरनडॉर्फ, बेस प्राइज -1 कोटी.

नवीन उल हक, बेस प्राइज- 50 लाख.

ऑस्ट्रेलियाचा ऑलराउंडर मोसेस हेनरिक्स (moises henriques) ला पंजाब किंग्सने 4.2 कोटीमध्ये खरेदी केलं आहे.

ऑस्ट्रेलियाचा फलंदाज मार्नस लाबुशने (marnus labuschagne) अनसोल्ड राहिला आहे. त्याची बेस प्राईज 1 कोटी इतकी होती.

इंग्लंडचा अष्टपैलू खेळाडू टॉम करनला (Tom Curran) दिल्ली कॅपिटल्सने (Delhi Capitals) आपल्या गोटात घेतलं आहे. दिल्लीने करनसाठी 5 कोटी 25 लाख इतकी रक्कम मोजली आहे.

न्यूझीलंडचा उंचपुरा वेगवान गोलंदाज कायले जेमिसनसाठी (kyle jamieson)  रॉयस चॅलेंजर्स बंगळुरुने (rcb) 15 कोटी मोजत त्याला आपल्या  ताफ्यात घेतलं आहे.

चेतेश्वर पुजाराला चेन्नई सुपर किंग्जसने खरेदी केलं आहे. पुजाराला 2014 नंतर पहिल्यांदाच कोणत्या फ्रँचायजीने खरेदी केलं आहे. पुजाराला त्याच्या बेस प्राईज 50 लाखांमध्ये घेतलं आहे.

मार्टनि गुप्टिल आणि पवन नेगी अनसोल्ड ठरले आहेत. या दोघांना आपल्या ताफ्यात घेण्यास कोणत्याही फ्रँचायजीने रस दाखवला नाही.

दिल्ली कॅपिटल्सने (dc) एम सिद्धार्थ ला 20 लाख मोजून आपल्या ताफ्यात घेतलं आहे. तर मराठमोळ्या तुषार देशपांडेच्या (Tushar Deshpande Unsold) पदरी निराशा पडली आहे. तो अनसोल्ड राहिला आहे. त्याची बेस प्राईज 20 लाख होती. तुषार गेल्या मोसमात दिल्लीकडून खेळला होता. तर करणवीर सिंहही अनसोल्ड राहिला.

राजस्थान रॉयल्सने (Rajasthan Royals) चेतन सकारिया (Chetan Sakariya) ला 1.2 कोटी रुपये मोजून आपल्या संघात घेतलं आहे. सकारियाने 16 टी 20 सामन्यात 28 विकेट्स घेतल्या आहेत.

विष्णु विनोदला 20 लाखांच्या बेस प्राइजवर दिल्ली कॅपिटल्सने खरेदी केलं.

अनुभवी भारतीय शेल्डन जॅकसनला 20 लाखांमध्ये KKR ने आपल्या ताफ्यात घेतलं.

सय्यद मुश्ताक अली स्पर्धेत 37 चेंडूत शतक ठोकणाऱ्या मोहम्मद अजहरुद्दीनला RCB ने 20 लाखांमध्ये घेतलं.

लुकमान हुसैन मेरीवालासाठी दिल्लीने 20 लाख मोजले.

युवा ऑलराउंडर कृष्णप्पा गौतमला (krishnappa gowtham) चेन्नई सुपर किंग्जने (CSK) आपल्या ताफ्यात घेतलं आहे. चेन्नईने गौतमसाठी 9 कोटी 25 लाख मोजले आहेत. तो सर्वात महागडा अनकॅप्ड खेळाडू ठरला आहे. त्याची बेस प्राईजही 20 लाख इतकी होती.

देशांतर्गत स्पर्धेत जोरदार कामगिरी करणाऱ्या शाहरुख खानला किंग्ज इलेव्हन पंजाबने आपल्या ताफ्यात घेतलं आहे. त्याची बेस प्राईज ही एकूण 20 लाख होती. मात्र त्यासाठी पंजाबने 5 कोटी 25 लाख मोजले. दरम्यान आता शाहरुख पंजाबकडून खेळताना दिसणार आहे.

Uncapped खेळाडूंचा लिलाव करण्यात येत आहे. रजत पाटीदार (Rajat Patidar) आणि सचिन बेबीला (Sachin Baby) बंगळुरुने 20 लाखात  (RCB) खरेदी केलं आहे.

मुंबई इंडियन्सने (Mumbai Indians) फिरकीपटु पियूष चावलाला (Piyush Chawala) आपल्या ताफ्यात घेतलं आहे. मुंबईने चावलाला 2 कोटी 40 लाखात घेतलं आहे. चावलाची बेस प्राईज 2 कोटी इतकी होती. चावला आयपीएलमधील यशस्वी फिरकी गोलंदाजांपैकी एक आहे.

अनुभवी फिरकीपटू हरभजन सिंह अनसोल्ड ठरला आहे. हरभजनची बेस प्राईज 2 कोटी इतकी होती. हरभजन आयपीएलच्या 13 व्या मोसमात वैयक्तिक कारणांमुळे खेळला नव्हता.

शेल्डॉन कॉट्रेल (Sheldon Cottrell) अनसोल्ड ठरला आहे. गत मोसमात राजस्थानच्या राहुल तेवतियाने कॉट्रेल्चा गोलंदाजीवर जोरदार फटकेबाजी करत सामना राजस्थानच्या बाजुने झुकवला होता.

नॅथन कुल्टर नाईलला (Nathan Coulter Nile)  मुंबई इंडियन्सने (Mumbai Indians) 5 कोटी माजून आपल्या ताफ्यात घेतले आहे.

झाय रिचर्डसनसाठी (jhye richardson) पंजाब किंग्जने (Punjab Kings) 14 कोटीमध्ये आपल्या संघात घेतलं आहे. रिचर्डसनची बेस प्राईज ही 1 कोटी 50 लाख इतकी होती.

राजस्थानने बांगलादेशचा वेगवान गोलंदाज मुस्तफिजुर रहमानला 1.5 कोटी रुपये मोजून आपल्या ताफ्यात घेतलं आहे.

एडम मलानला (Adam Milne) मुंबईच्या (Mumbai Indians) ताफ्यात घेण्यात आलं आहे. एडमसाठी मुंबईने 3 कोटी 20 लाख मोजले आहेत. त्याची बेस प्राईज 50 लाख इतकी होती.

अॅलेक्स कॅरी, सॅम बिलिंग्स आणि कुसल परेरा अनसोल्ड राहिले आहेत. या तिघांना घेण्यात कोणत्याही फ्रँचायजीने रस दाखवला नाही.

इंग्लंडच्या डेव्हिड मलानला (David Malan) पंजाबने आपल्या ताफ्यात घेतलं आहे. डेव्हिडला त्याच्या बेस प्राईजमध्येच खरेदी करण्यात आलं आहे.  मलान हा आयसीसीच्या टी 20 रॅकिंगमध्ये (Icc T 20I Ranking) पहिल्या क्रमांकावर आहे. यावरुन तो काय दर्ज्याचा खेळाडू आहे, याचा अंदाज येतो. दरम्यान या 14 व्या मोसमाच्या निमित्ताने मलान पहिल्यांदाच आयपीएल स्पर्धेत सहभागी होणार आहे.

ख्रिस मॉरीस (Chris Morris) आयपीएलच्या इतिहासातील सर्वात महागडा खेळाडू ठरला आहे. ख्रिस मॉरीससाठी राजस्थान रॉयल्सने (Rajasthan Royals) तब्बल  16 कोटी 25 लाख मोजले आहेत. मॉरीसला आपल्या ताफ्यात घेण्यासाठी  रॉयल चॅलेंजर्स बंगळुरु (RCB) आणि मुंबई इंडियन्सही स्पर्धेत होती. पण अखेर मोठी रक्कम मोजत मॉरीसला राजस्थानने आपल्या ताफ्यात घेतलं आहे.  मॉरीसची बेस प्राईजही  75 लाख रुपये इतकी होती.

मुंबईचा ऑलराऊंडर शिवम दुबेला राजस्थान रॉयल्सने 4.4 कोटींना घेतले. शिवनची  बेस प्राइस होती 50 लाख. दिल्ली 3.8 कोटी तर हैदराबाद 3.4 कोटी मोजायला तयार होती. पण RR ने बाजी मारली.

इंग्लंडचा फिरकीपटू मोईन अलीसाठी (Moeen Ali) चेन्नई सुपर किंग्जने (CSK) 7 कोटी मोजले आहेत. मोईन अलीची बेस प्राईज ही 2 कोटी इतकी होती. मोईनने टीम इंडिया विरुद्धच्या दुसऱ्या कसोटीत शेवटी येऊन जोरदार फटकेबाजी केली होती.

बांगलादेशचा ऑलराऊंडर खेळाडू शाकिब अल हसनला (Shakib Al Hasan) कोलकाता नाईट रायडर्सने (KKR) आपल्या ताफ्यात घेतलं आहे. शाकिबसाठी केकेआरने  3 कोटी 20 लाख इतकी रक्कम मोजली आहे. शाकिबची बेस प्राईज ही 2 कोटी इतकी होती. दरम्यान शाकिब याआधी कोलकाताकडून खेळला आहे.

मराठमोळा केदार जाधव अनसोल्ड ठरला आहे. केदारला आपल्या ताफ्यात घेण्यासाठी कोणची स्वारस्य दाखवलं नाही. केदारची बेस प्राईज ही 2 कोटी इतकी होती.

अष्टपैलू ग्लेन मॅक्सवेलला (Glenn Maxwell) रॉयल चॅलेंजर्स बंगळुरुने (RCB) आपल्या ताफ्यात घेतलं आहे. बंगळुरुने मॅक्सवेलसाठी तब्बल 14 कोटी 25 लाख इतकी रक्कम मोजली आहे. मॅक्सवेलची बेस प्राईज 2 कोटी इतकी होती. मॅक्सवेलला 2020 मध्ये पंजाबने 10 कोटी 75 लाखांमध्ये आपल्या संघात घेतलं होतं.

ऑस्ट्रेलियाचा अष्टपैलू खेळाडू ग्लेन मॅक्सवेलसाठी (Glenn Maxwell) फ्रँचाजींमध्ये चढाओढ पाहायला मिळत आहे. सर्व फ्रँचायजी मॅक्सवेलला आपल्या ताफ्यात घेण्यासाठी उत्सुक आहेत. मॅक्सवेलला पंजाबने रिलीज केलं होतं. त्याची बेस प्राईज ही 2 कोटी इतकी आहे.

ऑस्ट्रेलियाचा टी -20 कर्णधार अ‍ॅरोन फिंचला (Aaron Finch) आपल्या ताफ्यात घेण्यासाठी कोणत्याही फ्रँचायजीने रस दाखवला नाही. फिंचची बेस प्राईज ही 1 कोटी इतकी होती.

ऑस्ट्रेलियाचा आक्रमक फलंदाज असलेल्या स्टीव्ह स्मिथला दिल्ली कॅपिटल्सने आपल्या ताफ्यात घेतलं आहे.  दिल्लीने स्मिथसाठी  2.2 कोटी  मोजले आहेत. स्मिथची 2 कोटी इतकी बेस प्राईज होती.

अॅलेक्स हेल्स, जेसन रॉय आणि  करुन नायर अनसोल्ड राहिले आहेत. त्यांना आपल्या ताफ्यात घेण्यात कोणत्याही फ्रँचायजीने स्वारस्य दाखवले नाही.

आयपीएलचं प्रायोजकत्व हे पुन्हा विवो (vivo) ला देण्यात आलं आहे. सीमेवरील वाढलेल्या तणावानंतर विवोसोबत 2020 मध्ये करार स्थगित करण्यात आला होता.

लिलावाच्या अवघ्या काही मिनिटांआधी क्रिकेटपटू वीरेंद्र सेहवागचा पुतण्या मयंक डागरला एंट्री मिळाली आहे. म्हणजेच आता मयंकवर बोली लागणार आहे. मयंकने 23 प्रथम श्रेणी सामन्यांमध्ये 64 तर 31 टी 20 मॅचेसमध्ये 29 विकेट्स घेतल्या आहेत. मयंकशिवाय ऑस्ट्रेलियाच्या जेवियर बार्लेट, पुड्डुचेरीच्या के डी रोहित, केरळचा केके जियास, राजस्थान रॉयल्सचा अशोक मेनारिया आणि उत्तर प्रदेशचा फिरकीपटू सौरभ कुमार यांनाही लिलावासाठी शॉर्ट लिस्टेड करण्यात आले आहे.

लिलावाला सुरुवात होण्यासाठी आता अवघे काही मिनिटं उरले आहेत. सर्व फ्रँचायजींचे प्रतिनिधी हे ऑक्शन हॉलमध्ये दाखल झाले आहेत.

लिलावासाठी चेन्नई सुपर किंग्जच्या फ्रँचायजीचे संबंधित व्यक्ती हे ऑक्शन हॉलमध्ये पोहचले आहेत. या सर्व व्यक्तींनी आपल्या तोडांवर 7 नंबर असलेला मास्क घातला आहे. 7 हा धोनीच्या जर्सचा नंबर आहे.

मास्टर ब्लास्टर सचिन तेंडुलकरचा मुलगा अर्जुन तेंडुलकरही या लिलाव प्रक्रियेत आहे. त्याची बेस प्राईज ही 20 लाख इतकी  आहे. अर्जुनला कोणत्या संघाकडून संधी मिळणार, हे पाहणं औत्सुक्याचं ठरणार आहे.

या लिलावात ऑस्ट्रेलियाचा अष्टपैलू खेळाडू ग्लेन मॅक्सवेल, अनुभवी फिरकीपटू हरभजन सिंह आणि केदार जाधव यांच्यावर सर्व फ्रँचायजींचं लक्ष असणार आहे. या खेळाडूंना कोणता संघ आपल्या ताफ्यात घेणार, याकडे क्रिकेट चाहत्यांचे लक्ष असणार आहे.

इंग्लंडचा वेगवाग गोलंदाज मार्क वुडने लिलावाच्या एकदिवसाआधी आपलं नाव मागे घेतलं. वुडने वैयक्तिक कारणाने आपलं नाव माग घेतलं. वुडची बेस प्राईज ही 2 कोटी इतकी होती.

या लिलावात एकूण 292 खेळाडू सहभागी आहेत. यामध्ये सर्वाधिक 128 हे परदेशी खेळाडू आहेत. या परदेशी खेळाडूंपैकी सर्वाधिक खेळाडू हे ऑस्ट्रेलियाचे आहेत. या लिलावामध्ये ऑस्ट्रेलियाचे एकूण 35 खेळाडू आहेत. तर न्यूझीलंडचे 20 तर वेस्टइंडिजचे 19 खेळाडू आहेत.

मुंबई इंडियन्स या लिलावासाठी सज्ज आहे. पलटण, तयार का? असं मुंबईच्या समर्थकांना मराठीत प्रश्न विचारणारं ट्विट मुंबई इंडियन्सच्या ट्विटर हॅंडलवरुन करण्यात आलं आहे.

मुंबई इंडियन्सने केलेलं ट्विट

आयपीएलच्या 14 व्या मोसमासाठीच्या लिलावाला अवघ्या काही मिनिटांमध्ये सुरुवात होणार आहे. हा लिलाव चेन्नईतील आयटीसी ग्रँड चोला हॉटेलमध्ये पार पडणार आहे.

ऑक्शनबद्दल केलेलं ट्विट