Ravindra Jadeja | ‘सर’ रवींद्र जाडेजाची वादळी खेळी, 20 व्या ओव्हरमध्ये चोपल्या 37 धावा, बंगळुरुला विजयासाठी 192 धावांचे आव्हान
बंगळुरु विरुद्धच्या सामन्यात चेन्नई सुपर किंग्सच्या रवींद्र जाडेजाने (Ravindra Jadeja) हर्षल पटेलच्या (harshal patel) गोलंदाजीवर 20 व्या ओव्हरमध्ये (20th over) 5 सिक्ससह 36 धावा चोपल्या.
मुंबई | आयपीएलच्या 14 व्या मोसमातील (IPL 2021) 19 सामना चेन्नई सुपर किंग्स (Chennai Super Kings) विरुद्ध रॉयल चॅलेंजर्स बंगळुरु (Royals Challengers Banglore) यांच्यात खेळवण्यात येत आहे. या सामन्यात पहिले बॅटिंग करताना चेन्नईचा अष्टपैलू खेळाडू रवींद्र जाडेजाने (Ravindra Jadeja) कारनामा केला आहे. जाडेजाने सामन्यातील 20 व्या ओव्हरमध्ये 36 धावा चोपल्या आहेत. जाडेजाने केलेल्या या फटकेबाजीच्या जोरावर चेन्नईने बंगळुरुला विजयासाठी 192 धावांचे तगडे आव्हान दिले आहे. (ipl 2021 csk vs rcb ravindra jadeja hit 36 runs in 20th over on harshal patel bowling)
6, 6, 6+Nb, 6, 2, 6, 4@imjadeja has hammered Harshal Patel for 36 runs. A joint record for most runs scored by a batsman in 1 over of #VIVOIPL ever! pic.twitter.com/1nmwp9uKc0
— IndianPremierLeague (@IPL) April 25, 2021
जाडेजाचा झंझावात
सामन्यातील 20 वी ओव्हर बंगळुरुचा पर्पल कॅप होल्डर हर्षस पटेल टाकायला आला. हर्षलने सर्वाधिक विकेट्स घेतल्या होत्या. त्यामुळे हर्षलचा विश्वास दुणावलेला होता. मात्र जाडेजाने हर्षलचं सिक्सने स्वागत केलं. जाडेजाने सलग 4 सिक्स लगावले. जाडेजाने तिसऱ्या चेंडूवर षटकार खेचला. मात्र हा नो बोल देण्यात आला.
त्यामुळे चेन्नईला 1 अतिरिक्त धाव मिळाली. जाडेजाने या पुढच्या चेंडूवर सलग चौथा सिक्स लगावला. यासह जाडेजाने तुफानी अर्धशतक पूर्ण केलं. त्यानंतर जाडेजाने 2 धावा घेतल्या. त्यानंतर पुन्हा त्याने 5 वा सिक्स खेचला. त्यानंतर शेवटच्या चेंडूवर जाडेजाने चौकार लगावला. यासह जाडेजाने 28 चेंडूत 5 सिक्स आणि 4 चौकारांसह नाबाद 62 धावा ठोकल्या.
A finish in style by JADDU!#CSKvRCB #WhistlePodu #Yellove ?? pic.twitter.com/9UASNZx8LS
— Chennai Super Kings – Mask P?du Whistle P?du! (@ChennaiIPL) April 25, 2021
फॅफ डु प्लेसीसचे अर्धशतक
जाडेजा व्यतिरिक्त चेन्नईकडून सलामीवीर फॅफ डु प्लेसीसने 41 चेंडूत 5 चौकार आणि 1 सिक्ससह 50 धावांची अर्धशतकी खेळी केली. फॅफचे हे सलग दुसरं अर्धशतक ठरलं.
चेन्नई सामना जिंकणार
चेन्नई बंगळुरुचा विजय रथ रोखणार आहे, असं आम्ही नाही तर आकडेवारी म्हणतेय. चेन्नईने आतापर्यंत आयपीएलच्या इतिहासात 25 एप्रिलला कधीही सामना गमावलेला नाही. चेन्नईने आतापर्यंत 25 एप्रिलला 6 सामने खेळले आहेत. या सर्व सामन्यात चेन्नईने विजय मिळवला आहे. त्यामुळे या सामन्यात कोण जिंकणार, याबाबत सर्वांचीच उत्सुकता शिगेला पोहचली आहे.
चेन्नईची प्लेइंग इलेव्हन
ऋतुराज गायकवाड, फॅफ डु प्‍लेसीस, ड्वेन ब्राव्हो, सुरेश रैना, अंबाती रायुडू, रवींद्र जाडेजा, एमएस धोनी (कर्णधार), सॅम करन, इमरान ताहीर, शार्दुल ठाकुर आणि दीपक चाहर.
अशी आहे विराटसेना
विराट कोहली (कर्णधार) , देवदत्‍त पडिक्‍कल, नवदीप सैनी, ग्‍लेन मॅक्‍सवेल, एबी डी व्हीलियर्स, डॅन ख्रिस्चियन, वॉशिंगटन सुंदर, युजवेंद्र चहल, मोहम्‍मद सिराज, कायले जेमीन्सन आणि हर्षल पटेल.
संबंधित बातम्या :
IPL 2021 | ‘कॅप्टन कूल’ विराटसेनेचा विजयी रथ रोखणार, पाहा महेंद्रसिंह धोनी आणि 25 एप्रिलचं विजयी कनेक्शन
CSK VS RCB, IPL 2021 Match Prediction: धोनीची चेन्नई विजयी ‘चौकार’ मारणार की विराटची बंगळुरु ‘पंच’ मारणार?
(ipl 2021 csk vs rcb ravindra jadeja hit 36 runs in 20th over on harshal patel bowling)