Lionel Messi: मेस्सी वर्ल्ड कप जिंकणार हे 494 दिवस आधीच ठरलं होतं, 339 कोटींची डील आणि फ्रान्स चितपट

Lionel messi Argentina

Image Credit source: Getty/instagram

FIFA World Cup 2022 च्या फायनलमध्ये लियोनल मेस्सीने कमालीचा खेळ दाखवला. पेन्लटी शूटआऊटमध्ये फ्रान्सला नमवून अर्जेंटिनाची टीम तब्बल 36 वर्षांनी वर्ल्ड चॅम्पियन बनली. अर्जेंटिनाच्या वर्ल्ड कप विजयानंतर एक अजब योगायोग समोर आलाय. हा योगायोग असा होता की, अर्जेंटिना वर्ल्ड कप जिंकणार हे 494 दिवस आधीच निश्चित झालं होतं. जाणून घेऊया कसं ते.

डीलमुळे कसं ठरलं?

फिफा वर्ल्ड कप 2022 फायनलच्या 494 दिवस आधी मेस्सीने फ्रान्सचा क्लब PSG सोबत दोन वर्षाचा एक कॉन्ट्रॅक्ट केला होता. 11 ऑगस्ट 2021 रोजी ही डील झाली होती. या करारानुसार, मेस्सीला वर्षाला 339 कोटी रुपये मिळणार आहेत. या डीलनंतर मेस्सीच वर्ल्ड चॅम्पिन बनणं, कसं निश्चित झालं, ते समजून घेऊया. PSG ने कुठल्या खेळाडूसोबत डील केली आणि त्याने पुढच्याच वर्षी आपल्या टीमला वर्ल्ड चॅम्पिन बनवलय. हे सलग दुसऱ्यांदा झालय.

त्याने फ्रान्सला वर्ल्ड चॅम्पियन बनवलं

मेस्सीने वर्ष 2021 मध्ये पॅरिस सेंट जर्मेन क्लबसोबत करार केला. 2022 मध्ये त्याने अर्जेंटिनला वर्ल्ड चॅम्पियन बनवलं. 2017 मध्ये पॅरिस सेंट जर्मेनने एमबाप्पेला करारबद्ध केलं होतं. पुढच्याचवर्षी 2018 मध्ये त्याने फ्रान्सला वर्ल्ड चॅम्पियन बनवलं.

2002 मध्येही असं घडलंय

मेस्सी आणि एमबाप्पेच्या आधी 2001 मध्ये ब्राझीलच्या रोनाल्डिन्होला पॅरिस सेंट जर्मेनने करारबद्ध केलं. त्याने पुढच्याचवर्षी 2002 मध्ये ब्राझीलला वर्ल्ड चॅम्पियन बनवलं. मेस्सीला फिफा वर्ल्ड कप 2022 चा गोल्डन बॉल अवॉर्ड मिळाला. एमबाप्पेला गोल्डन बूट अवॉर्ड मिळाला.